OJEE 12:2 - Bibəl ta Sar̄

² Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

Bible sar

² *Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

OJEE 12:2 Referans Kwoze

MISE 6:2

Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

GALATƏ 6:7

Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní.

Makətūbə̄ ń Pol ndang adə̄ Rom gə̄ ní 2:6

Sarya kə́ gō tə́ yā Nə́ɓā ní i kadə̄ náā nəkɔ́ ɓáa, kɔ́ɔ̄ a ənge yá̰a̰ i kə gō kəla rāānneé.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

OJEE 4:9

Banī m-ā m̄-rāā ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.

OJEE 2:13

Yá̰a̰ malang ń adə̄n rɔ̄nel̄ á i pétə yān gə̄ ō, ndɔ̄ rāā nāā kə́ kijə yān gə̄ ō, ndɔ̄ sabat yān gə̄ ō, kán̄ naā kə́ bo yān gə̄ malang ō ní, m-ā m̄-rāā kadə̄ gíŕdə́ a gān̄g kɔ̄ɔ́.

JEREMI 25:31

Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

IJAI 59:18

Yá̰á̰ ń de gə̄ asən̄ kənge ní, ni a téləń yā kadə̄də́. Wōn̄g yān i tām̄ yā ngé rɔ̄ɔ̄ seneé gə̄ tə́, ndéy i tām̄ yā madə̄ ba̰ā̰n gə̄ tə́, ɓē kə́ sa̰y gə̄ gə̄gē i tām̄ yādə́ tə́.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

OJEE 7:2

Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

2 MBAN̄G 17:4

Ba gō tə́ anī Ose oōn̄ naā kə madə̄n gēé dɔn tə́. Ni-əla de gə̄ Sayis rɔ̄ mban̄g kə́ Ejiptə tə́ ō, mbātə́ kadə̄ mban̄g kə́ Asiri yá̰a̰ tīr̄ ō. Dan ń Salmanasar reē ger̄ kadə̄ Ose oōn̄ naā kə madə̄n gēé anī, əhɔ ənīn dəngáyá ō, ənī súĺ njan tə́ ō.

Makətūbə̄ yā Job 15:2

De kə́ nge kum kedə̄ kə́ tītīí ḭ̄ ń toō a əsa i nél n a ndiń kə kumneé ní a? Najə̄ tūrə̄n i najə̄ kə́ əhɔ naā aĺ tītə̄ ń noō a?

PĀ GƏ̄ 78:36

Banī nin̄ a gól̄nən̄ i kə tadə́ karī, najə̄ ń ədanən̄ ní i najə̄ kə́ rɔ̄kum alé.

KOHELET 5:15

Kadə̄ ni əya̰ dɔ nang ń toō ba tél aw̄ tītə̄ ta reēń ní i yá̰á̰ kógə̄ḿ kə́ to rɔ̄ ndoō ngá̰ý. Kəla ń ni-rāā ní ənge i rí gírí? Ni-rāā i kəla kə́ kem wōȳ karī.

IJAI 30:6

Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

OJEE 7:1

Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

OJEE 7:11

Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

OJEE 8:9

Epəraim aw̄ dɔ nang kə̄ Asiri tə́, ni to i tītə̄ kərō kə́ bembeé kə́ a rāā yá̰a̰ i kə kérneé beē. Tá ni-adə̄ yá̰á̰ gíŕ ngé sāān gə̄ tə́ yā kəngeńdə́.

OJEE 8:10

Ni-adə̄ nápar de gə̄ yá̰a̰ karī. Ba ngɔlaā ní, m-ā m̄-ɓoodə́ naā tə́ ō, sḛ́ý laā anī nin̄ a a̰a̰n̄ tápə̄ gír mban̄g kə́ tɔ́gən tɔȳ yā mban̄g gə̄ tə́ ō.