OJEE 12:10 - Bibəl ta Sar̄

¹⁰ Əla gír i ndɔ̄ ń ḭ̄ ī-teēń kɔ̄ɔ́ kem ɓē kə́ Ejiptə tə́ ní n mā n ń i Kɔ́ɔ̄ɓē Nə́ɓā yāí ní. M-ā m̄-rāāī kadə̄ ā ī-tél yā ndi gíŕ kújə tandā gə̄ tə́, tītə̄ kə́ kété, dan ń m-ə́ngeńsí ní.

Bible sar

¹⁰ Əla gír i ndɔ̄ ń ḭ̄ ī-teēń kɔ̄ɔ́ kem ɓē kə́ Ejiptə tə́ ní n mā n ń i Kɔ́ɔ̄ɓē Nə́ɓā yāí ní. M-ā m̄-rāāī kadə̄ ā ī-tél yā ndi gíŕ kújə tandā gə̄ tə́, tītə̄ kə́ kété, dan ń m-ə́ngeńsí ní.

OJEE 12:10 Referans Kwoze

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

JEREMI 19:1

Kɔ́ɔ̄ɓē ɔr̄ najə̄ i tītə̄ ń toō beé: Āw̄ ī-mang jóo man̄ jī kɔdə̄ jóó tə́, ba ī-gə̄rā kum kɔɔ̄ kə́rēý gə̄ dan ngáń Israel gə̄ tə́ ō, dan ngé tun̄ yá̰a̰ gə̄ tə́ ō ādə̄ aw̄n̄ seí.

JEREMI 7:25

Jóo nəkɔ́ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ ní, m-ə́lá ngé kəla yāḿ gə̄ malang ń i ngé koō ta gə̄ ní rɔ̄də́ tə́ kə dɔ ndɔ̄ gə̄, kanjə̄ kɔr ta tə́.

2 KORḚNTƏ 12:7

Yá̰á̰ ń Nə́ɓā teē kumḿ dɔ tə́ ní, i yá̰á̰ kə́ bo ngá̰ý aĺ naā ō, ni gḛy kadə̄ m-ɔ́jə rɔ̄ḿ najə̄n tə́ aĺ ō. Adə̄ ni-əla kōn̄ kógə̄ḿ kem dā̰ḿ tə́, kōn̄ ní i de kə́ dɔ rā̰ tə́ kógə̄ḿ yā Sətan, kə́ kadə̄ əndam̄ na sōgə́ m-ɔ́jə rɔ̄ḿ.

2 KORḚNTƏ 12:1

I beé ní, i gáŕ kadə̄ m-ɔ́r ta rɔ̄ḿ, ká nge ń noō i yá̰á̰ kə́ majaĺ gə̄gē ní. Ba ń toō ɓáa m-ā m-ɔ̄r̄ i najə̄ yā yá̰a̰ gə̄ ń Kɔ́ɔ̄ɓē ɔjəm̄ adə̄ m-á̰a̰ā̰ ō, yá̰a̰ gə̄ ń ni-tḛḛ̄ kumḿ dɔ tə́ ō ní.

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

AMOS 7:14

Amos tél əda Amasia na: Kété ní, mā i nge koō ta aĺ ō, m̄-teē i loo ndóō yá̰á̰ kógə̄ḿ yā ngé koō ta gə̄ tə́ aĺ ō. M-ā m-ūl̄ i man̄g gə̄ ō, m-ā m-á̰a̰ i gō kāgə̄ kótə̄ kə́ bembeé gə̄ ō.

OJEE 3:1

Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ kāgə̄ nduú kə́ kɔsə mbō̰ tə́ nel̄də́ ō.

JEREMI 25:4

Kɔ́ɔ̄ɓē əla ngé kəla yān gə̄ malang ń i ngé koō ta gə̄ ní rɔ̄sí tə́ kanjə̄ kɔr ta tə́, banī sḭḭ̄ ōōī najə̄ yādə́ aĺ ō, ī-nēlī mbīsí ōōīneé najə̄ kɔr̄də́ aĺ ō.

JEREMI 19:10

Ā ī-tɔ̄ɔ̄ jóo man̄ ní ta kum de gə̄ ń ndān̄ tə́ ní.

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

1 MBAN̄G GƏ̄ 19:10

Anī ni tūr̄ əda Kɔ́ɔ̄ɓē na: Kemḿ təngām̄ ngá̰ý tām̄ yā Kɔ́ɔ̄ɓē Nə́ɓā kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ə́hɔ sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-nay ní, ba a sāān̄ tɔ̄lə̄m̄ kɔ̄ɔ́ ɓáý to̰.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

1 MBAN̄G GƏ̄ 13:1

Dan ń Jeroboam ra a róō yá̰a̰ ndējə̄ gə̄ dɔ loo tun̄ yá̰á̰ tə́ anī, deē yā Nə́ɓā kógə̄ḿ ḭḭ Juda reē ugə̄ Betel. Deē ní i Kɔ́ɔ̄ɓē n ədan najə̄ á reēń ní.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

EJEKIEL 17:2

Ḭ̄ ngōn̄ deē, ə́ga səngó kógə̄ḿ ādə̄ ngán Israel kə ta kūl̄ kənīdə́ gotə najə̄ kógə̄ḿ.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

LEBI GƏ̄ 23:42

Sḭḭ̄ ngán Israel gə̄ malang ā ī-ndiī kem kújə́ kámbə gə̄ tə́ ndɔ̄ sīrí,

OJEE 13:4

Ɓá tā ba Israel, mā i Kɔ́ɔ̄ɓē Nə́ɓā yāí, əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní. Ḭ̄ ī-ger̄ Nə́ɓā kə́ rang alé ba i mā ngóy. Nge kajə de kə́ rang gətóo ba i mā ngóy.