OJEE 11:6 - Bibəl ta Sar̄

⁶ I tām̄ najə̄ ń noō tə́ n rɔ̄ɔ̄ a əsō kə̄ kem ɓē yādə́ gə̄ tə́ ní, rɔ̄ɔ̄ ní nujə yá̰á̰ ń a ngɔ̄m̄də́ ní kɔ̄ɔ́, nujə yá̰a̰ malang kɔ̄ɔ́, tɔdɔ̄ Israel gə̄ númə̄n̄ rāā yá̰á̰ kə́ majaĺ gə̄.

Bible sar

⁶ I tām̄ najə̄ ń noō tə́ n rɔ̄ɔ̄ a əsō kə̄ kem ɓē yādə́ gə̄ tə́ ní, rɔ̄ɔ̄ ní nujə yá̰á̰ ń a ngɔ̄m̄də́ ní kɔ̄ɔ́, nujə yá̰a̰ malang kɔ̄ɔ́, tɔdɔ̄ *Israel gə̄ númə̄n̄ rāā yá̰á̰ kə́ majaĺ gə̄.

OJEE 11:6 Referans Kwoze

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə Epəraim kə̄ nang tə́, a̰á̰ā̰, rɔ̄ Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

MISE 5:11

M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.

IJAI 27:10

Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

IJAI 18:5

Kété no kəja kan̄ nduú tə́, dan ń kāgə̄ nduú hútə̄ ní, dan ń hútən gə̄ télən̄ dɔ bəra nduú gə̄ kə́ a kərēn̄ i mbéé ní, tə́jān̄ ta jīn kə́ teē yá̰a̰ aĺ gə̄ kɔ̄ɔ́ ō, ta jīn gə̄ kə́ a sitə gə̄ kɔ̄ɔ́ ō, mbīn gə̄ kɔ̄ɔ́ ō, kə yá̰á̰ tə́jā yá̰á̰ kógə̄ḿ.

IJAI 9:14

Kum kɔɔ̄ gə̄ ō, de kə́ bo gə̄ ō ní, nin̄ i dɔ gə̄. Ngé koō ta gə̄ kə ngé ndóō de gə̄ yá̰á̰ kə́ rɔ̄kum aĺ gə̄ ní, nin̄ i kə̄lá gə̄.

PĀ GƏ̄ 106:43

Kɔ́ɔ̄ɓē gān̄g dɔdə́ nja ngá̰ý, banī nin̄ na̰yn̄ kə̄ loo mbātə́ najə̄ tə́ ō, kə̄ loo rāā yá̰á̰ kə́ gōtə́ aĺ tə́ kə̄ nodə́ tə́ ō.

PĀ GƏ̄ 106:39

Télən̄ de kə́ majaĺ tákə̄də́ gə̄ kə gō kəla rāādə́ gə̄ ō, télən̄ ájə́ba gə̄ kə gō yá̰a̰ rāādə́ gə̄ ō.

NDŪ NAJƏ̄ 32:25

Kəyā kaskar a tɔ̄l̄ de gə̄ ndágá ō, ɓōĺ a tɔ̄l̄ de gə̄ kújú ō. Balsáa a oy ō, ngōmandə a oy ō, ngōn̄ kásə̄ a oy ō, de kə́ tɔgə ɓə́ga a oy ō.

NDŪ NAJƏ̄ 28:52

Nin̄ a gīrə̄n̄ gidə ɓē yāí gə̄ malang yā rɔ̄ɔ̄īneé bátə́ kadə̄ ndogə̄ mbal̄ kə́ ngan̄g yāí gə̄ ń ə̄ndā kemií dɔ tə́ ní ɓéngə̄lēn̄ kɔ̄ɔ́ malang. A gīrə̄n̄ gidə ɓē yāí gə̄ malang dɔ nang ń Kɔ́ɔ̄ɓē Nə́ɓā yāí adī tə́ ní yā rɔ̄ɔ̄īneé.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

JEREMI 50:35

Ī-tə́gāī Kalde gə̄ kə kaskaraá, ādī kaskar ɔdə Babilon gə̄ ō, de kə́ bo gə̄ ō, ngé kum kedə̄ gə̄ ō kə́ Babilon tə́.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

OJEE 4:16

Israel rāā dɔ ngan̄g tītə̄ man̄g kə́ mbātə́ rāā kəla beé. Ní, ngɔlaā ní Kɔ́ɔ̄ɓē a rāā gír deē yān gə̄ i ngán batə̄ gə̄ ń deē a aw̄ sedə́ dɔ mu kə́ ngá̰ý tə́ ní a?

OJEE 4:17

Epəraim gə̄ əhɔn̄ gō Nə́ɓā kə́ rɔ̄kum aĺ gə̄ ní, ə́ya̰īdə́!

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

LEBI GƏ̄ 26:25

M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō.