OJEE 11:5 - Bibəl ta Sar̄

⁵ Ngán Israel gə̄ a tə́lən̄ yā kaw̄ gogə́ dɔ nang kə́ Ejiptə tə́ alé, banī i dɔ nang kə́ Asiri n a téĺ kɔ́ɔ̄də́ ní. Tɔdɔ̄ nin̄ mbātə́n̄ tél reē gogə́ rɔ̄ḿ tə́.

Bible sar

⁵ Ngán *Israel gə̄ a tə́lən̄ yā kaw̄ gogə́ dɔ nang kə́ Ejiptə tə́ alé, banī i dɔ nang kə́ Asiri n a téĺ kɔ́ɔ̄də́ ní. Tɔdɔ̄ nin̄ mbātə́n̄ tél reē gogə́ rɔ̄ḿ tə́.

OJEE 11:5 Referans Kwoze

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə Epəraim kə̄ nang tə́, a̰á̰ā̰, rɔ̄ Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

AMOS 5:27

I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.

AMOS 4:6

Mā m̄-rāā adə̄ ɓō əsō dɔsí tə́ kə̄ kem ɓē bo yāsí gə̄ tə́ malang. M-ɔ̄gə̄sí yá̰a̰ kəsa kə̄ kem ngán ɓē yāsí gə̄ tə́ malang, banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

2 MBAN̄G 15:29

Dan yā Peka mban̄g kə́ Israel tə́ ní, Tigəlatə Pileser mban̄g kə́ Asiri reē taā ɓē kə́ Iyon ō, Abel Betə Maaka ō, Yanoa ō, Kedes ō, Hasor ō, gō nang kə́ Galaad ō, gō nang kə́ Galile ō, gō nang kə́ Nepətali malang ō. Ni-ɔy de kə́ kemeé gə̄ aw̄ sedə́ dɔ nang kə́ Asiri tə́.

2 MBAN̄G 15:19

Pul, mban̄g kə́ Asiri, reē dɔ nang kə́ Israel tə́. Anī Menahem adə̄n sə́lē arjā̰a̰ kə́ kɔȳn i kəlōo dūbú kutə mətá kadə̄ rāań seneé kadə̄ n-ndiń ngan̄g dɔ ɓē tə́.

NDŪ NAJƏ̄ 17:16

Mban̄g yāí a aw̄ kə sə́nda gə̄ ngá̰ý aĺ ō, a əla de gə̄ ngá̰ý mangaá dɔ nang kə́ Ejiptə tə́ aĺ ō. Tām̄ Kɔ́ɔ̄ɓē ədasí na: Ī-lōōī tél kun róbə́ gír njasí.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.