OJEE 11:4 - Bibəl ta Sar̄

⁴ M-ɔ́rən ta róbə kə kemḿ kə́ sɔl̄ léléḿ ō, tár do̰ō̰jí naā tə́ seneé ō. Kété ní m̄-to i tītə̄ de kə́ un ngōnən əndā kadə mbɔ́rən tə́ beē tām̄ yān tə́. m̄-rodə́ i mbée n m-ā m-ādə̄nəń yá̰a̰ kəsa ní.

Bible sar

⁴ M-ɔ́rən ta róbə kə kemḿ kə́ sɔl̄ léléḿ ō, tár do̰ō̰jí naā tə́ seneé ō. Kété ní m̄-to i tītə̄ de kə́ un ngōnən əndā kadə mbɔ́rən tə́ beē tām̄ yān tə́. m̄-rodə́ i mbée n m-ā m-ādə̄nəń yá̰a̰ kəsa ní.

OJEE 11:4 Referans Kwoze

JA̰A̰ 12:32

Ba mā, dan ń a əlamə̄n̄ dɔɔ́ oy anī, m-ā m̄-ndɔ́r̄ de gə̄ malang kə̄ rɔ̄ḿ tə́.

LEBI GƏ̄ 26:13

Mā i Kɔ́ɔ̄ɓē Nə́ɓā yāsí kə́ nge teē sesí kɔ̄ɔ́ kem ɓē kə́ Ejiptə tə́, kə́ nge kɔr̄sí ɓəloó kɔ̄ɔ́. m̄-tétə̄ njúkə yāsí kɔ̄ɔ́ ō, m-ādə̄ ɔ̄rī dɔsí ī-njə̄rāiń ō.

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

PĀ KƏ́ MAJƏ 1:4

Əhɔ ta jīḿ, ī-ndɔ́rə̄m̄ gōí tə́ ō, ādə̄ j-a̰ȳ ngɔ̄də̄ ō. Ḭ̄ i mban̄g yāḿ, āw̄ seḿ kújə yāí tə́. Ī-rāā ādə̄ jḭḭ kɔ́ gə̄ jōó mbak ní rɔ̄jí nel̄jí ngá̰ý. Ādə̄ jə-tɔ̄ȳ tár yāí tɔȳ loo kɔr ta kasə nduú. Ngáń kə́ dəyá̰ gə̄ ń nel̄də́ seí ní najə̄ i yādə́!

PĀ GƏ̄ 105:40

Dəjen̄ dā̰ anī adə̄də́ kerwḛy gə̄, adə̄də́ yá̰a̰ kəsa kə́ dɔ rā̰ tə́ adə̄ əsa ndānə̄n̄.

2 SAMUEL 7:14

Kə́ tām̄ yān tə́ ɓáa mā i bɔbə̄n ba kə́ tām̄ yāḿ mā tə́ ɓáa ni i ngōnə̄ḿ. Ré ni-rāā majaĺ ɓáa, m-ā m-ɔ́jən kum kə ndéyé ō, m-ā m-ə́ndan tītə̄ ń de gə̄ a əndan̄neé ngándə́ gə̄ ní ō.

Teē Ngán Israel gə̄ 16:32

Moijə əda ngán Israel gə̄ na Kɔ́ɔ̄ɓē əda na kə yā kɔy mána kem kórō kógə̄ḿ yā ɓōkə́ kem yá̰á̰ yā ngɔ̄m̄ tām̄ yā ngáńdə́ gə̄ tə́ ō, ngán kaadə́ gə̄ tə́ ō, yā kadə̄ nin̄ a̰a̰n̄neé yá̰a̰ kəsa ń Kɔ́ɔ̄ɓē ngɔ̄məńdə́ kem dəla loo tə́ dan ń teēń sedə́ kem ɓē kə́ Ejiptə tə́ kɔ̄ɔ́ ní.

NDŪ NAJƏ̄ 32:12

Kɔ́ɔ̄ɓē ɔr no gír deē yān gə̄ i kə kérneé, kanjə̄ nə́ɓā kə́ rang seneé.

NDŪ NAJƏ̄ 32:14

Adə̄də́ yibə̄ man̄g gə̄ ō, mba batə̄ gə̄ ō, yibə̄ ngán batə̄ gə̄ ō, yibə̄ bal batə̄ gə̄ kə́ Basan ō, yibə̄ bal bə̄yā̰ gə̄ ō, ndujə̄ gémē kə́ lándə̄ ō. Nin̄-a̰yn̄ kasə kan̄ kāgə̄ nduú yādə́ gə̄ ō.