OJEE 11:10 - Bibəl ta Sar̄

¹⁰ De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

Bible sar

¹⁰ De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

OJEE 11:10 Referans Kwoze

AMOS 1:2

Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

IJAI 31:4

Najə̄ ń Kɔ́ɔ̄ɓē ədam̄ ní n toó: A ɓārə́n̄ i nge ngɔ̄m̄ yá̰a̰ kul̄ gə̄ kə́ nin̄ i ngá̰ý yā kadə̄ reē rɔ̄ɔ̄nən̄. Banī ni ɓōĺ kɔĺ yādə́ gə̄ ń a urən̄ ní alé. Kōōdə́ ń a ɓār̄ ní usən alé. Mā Kɔ́ɔ̄ɓē kə́ bo kə́ tɔ́gən i ngá̰ý ní, yāḿ mā a to i tītə̄ ń noō ō, m-ā m̄-risə dɔ mbal̄ Siyo̰ tə́, dɔ ngōn̄ yān tə́ yā rɔ̄ɔ̄.

JEREMI 25:30

Ba ḭ̄ ā ə́dádə́ najə̄ gə̄ malang ń m-ɔ̄r̄ seí ní, ā ə́dádə́ na: Kɔ́ɔ̄ɓē ndán̄g rɔ̄n kə̄ dɔ rā̰ tə́, ndūn ɓār̄ kə̄ kem kújə yān kə́ táĺ tə́. Ni ndán̄g rɔ̄n dɔ ɓē yān tə́. Ni ur kɔĺ dɔ de gə̄ malang ń ndin̄ dɔ nang tə́ ní, tītə̄ yā ngé mbə̄sā kan̄ kāgə̄ nduú kə njadə́ beē.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

IJAI 64:2

dan ń ī-rāā yá̰á̰ kə́ to ɓōĺ gə̄ kə́ deē əndā kemən dɔ tə́ aĺ ní. A̰á̰ā̰, nə́ngētə́ ī-risə i mbée anī, mbal̄ bo gə̄ a ndewn̄ noí tə́.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

JAKARI 8:7

A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

MISE 4:5

Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?

AMOS 3:4

Dan ń ɓɔl ənge dā̰ kə́ yā kəsa aĺ anī, ni a nōō kem ku loo tə́ á? Dan ń balsáa ɓɔl əhɔ yá̰a̰ aĺ ní, ni a to loo ɓɔ̄ɔ̄ rɔ̄ yān tə́ yā nōoń a?

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

IJAI 42:13

Kɔ́ɔ̄ɓē njə̄rā kə̄ kété tītə̄ áskar kə́ nge wur kil beé, ni əhɔ rɔ̄n tɔgə tītə̄ de kə́ nge rɔ̄ɔ̄ beé. Ni ur kɔĺ rɔ̄ɔ̄ kə tɔ́gəneé, rɔ̄ɔ̄ madə̄ ba̰ā̰n gə̄ tītə̄ áskar kə́ nge wur kil beé.

IJAI 2:5

Kojə gə̄ yā Jakob, ɔ̄rī dɔɔ́! Jə-njə̄raī kum loo kə́ unjə̄ kow yā Kɔ́ɔ̄ɓē tə́!

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

PĀ GƏ̄ 2:11

Ī-rāāī kəla ādī Kɔ́ɔ̄ɓē kə ɓōló ō, ī-rāāī walya kə rɔ̄ ndebeé ō.

Makətūbə̄ yā Job 37:1

Wurəḿ tə́gām̄ diw diw najə̄n tə́ ō, ḭḭ bal kɔ̄ɔ́ loo ran kə́ kété tə́ ō.

JEJU TEĒ KUM JA̰A̰ 10:3

Ni-əga kɔŕ ngá̰ý tītə̄ ɓɔl kə́ a nōō beé. Dan ń ni-əga kɔŕ anī, ndán̄g man̄ kə́ sīrí gə̄ rāān̄ ndūdə́ adə̄ ɔr̄ najə̄.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

EJEKIEL 26:16

Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.

JAKARI 10:10

M-ā m-ɔ́ýdə́ dɔ nang kə́ Ejiptə tə́ yā reē sedə́ gogə́ ō, m-ā m-ɔ́ýdə́ dɔ nang kə́ Asiri tə́ yā kɔsə dɔdə́ naā tə́ ō. M-ā m-ɔ́r nodə́ gō nang kə́ Galaad tə́ ō, dan mbal̄ bo gə̄ kə́ Liban tə́ ō. Nge ń noō gə̄gē loo a asədə́ alé.