OJEE 10:5 - Bibəl ta Sar̄

⁵ De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

Bible sar

⁵ De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, *ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

OJEE 10:5 Referans Kwoze

OJEE 9:11

Ngɔlaā ní kɔjə rɔ̄ yā Epəraim gə̄ a ḭḭ bɔ̄gə̄ yā kaw̄ kɔ̄ɔ́ tītə̄ yel̄ kə́ ḭḭ bɔ̄gə̄ aw̄ kɔ̄ɔ́ beē: Ngán gə̄ a gətóon̄ ō, dəyá̰ kə́ ngé ndān̄ ngán gə̄ a gətóon̄ ō, deē a ojə deē ndul to̰ aĺ ō!

OJEE 5:8

Kɔ́ɔ̄ɓē əda na: Ī-kɔ̄ríī tōw̄ gajə batə̄ kem ɓē kə́ Gibea tə́, ī-kɔ̄ríī bərúnjə kem ɓē kə́ Rama tə́! Ī-tāāī de kə́ Bet Aben gə̄. Sḭḭ̄ de kə́ gír ɓē yā Benjamḛ tə́ gə̄, madə̄ ba̰ā̰ a rə̄ngō rɔ̄n i gidəsí tə́ n a ənīńsí rɔ̄ɔ̄ ní.

OJEE 4:15

Ḭ̄ Israel, ún rɔ̄í ī-rāā ń ájə́ba. Ba majə kadə̄ Juda rāā yá̰á̰ kə́ gōtə́ aĺ kə́ kógə̄ḿ beē nəkɔ́ ń noō alé. Ī-lōōī kaw̄ loo kə́ yā ɓōĺ gidə kə́ Gilgal tə́ ō, ī-lōōī kaw̄ Bet Aben ō. Ī-lōōī túbə kəda na: Tītə̄ ń Kɔ́ɔ̄ɓē ndiń kə kumneé noō ō.

2 MBAN̄G 23:5

Ngé tun̄ yá̰á̰ kə́ rɔ̄kum aĺ gə̄ ń mban̄g kə́ Juda gə̄ adə̄n̄ a tunə̄n̄ yá̰a̰ dɔ loo ndɔ̄ȳ gə̄ tə́ kem ɓē gə̄ kə́ Juda tə́ ō, kə gō gidə ɓē kə́ Jerusalem ō ní, mban̄g Josias tə̄ɓādə́ kɔ̄ɔ́. Ni-tə̄ɓā ngé róō ndujə̄ yá̰á̰ kə́ kotə majə gə̄ kadə̄ ɓesə̄ Baal ō, ɓesə̄ Mbang ō, ɓesə̄ Nāā ō, ɓesə̄ Tə́yō̰ gə̄ malang kə́ dɔ rā̰ tə́ ō.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

KƏLA RĀĀ 19:27

I kəla yājí ngóy n a nujə ní alé, ba Artemis ń i nə́ɓā kə́ dəyá̰ kə́ bo ní gə̄gē, najə̄ kújə yān a ɓār̄ to̰ alé! Loo ń noō tə́ nə́ɓā kə́ dəyá̰ ngeé ń toō ń de gə̄ malang kə́ gō nang kə́ Aji tə́ ō, kə́ dɔ nang tə́ laā ō a rɔȳn̄ ní, kɔsə gɔn yān a gətóo kɔ̄ɔ́!

SOPONI 1:4

M-ā m̄-rāā yá̰á̰ kógə̄ḿ kə dɔ nang kə́ Juda ō, kə de gə̄ malang kə́ kem ɓē kə́ Jerusalem tə́ ō. Gotə jī bēl̄ loo rāā ɓesə̄ Baal ń a na̰y ní ō, yá̰á̰ ń a rāā kadə̄ əga kem de gə̄ dɔ ngé tun̄ yá̰a̰ gə̄ yā nə́ɓā ń noō tə́ ní gə̄gē, m-ā m̄-rāā kadə̄ a gətóon̄ kɔ̄ɔ́ loo ń toō tə́.

2 YÁ̰A̰ GƏ̄ 11:15

Banī Jeroboam tə́ndā ngé tun̄ yá̰a̰ yān nəkɔ́ gə̄ kadə̄ nin̄ i ngé tun̄ yá̰a̰ gə̄ yā nə́ɓā kə́ rɔ̄kum aĺ gə̄ ń de gə̄ a ndɔ̄ȳn̄ loo ndɔ̄ȳ tə́ ní, adə̄ i ɓesə̄ bal bə̄yā̰ gə̄ ō, ɓesə̄ ngán man̄g gə̄ ō ń nəkɔ́ rāā ní.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

2 MBAN̄G 10:29

Ɓá tā ba ni un rɔ̄n kɔ̄ɔ́ gō yá̰á̰ kə́ majaĺ gə̄ ń Jeroboam ngōn̄ Nebat rāā á sə̄lā Israel gə̄ adə̄ rāān̄ ní tə́ alé. Yá̰á̰ kə́ majaĺ gə̄ ní i man̄g lɔ́r gə̄ ń ran̄ Betel ō, Dan ō ní.

NGÉ SARYA 18:24

Anī ni-tél ədadə́ na: Ɓesə̄ gə̄ ń m̄-rāādə́ tām̄ yāḿ tə́ ní sḭḭ̄ ɔ́yiīdə́ kɔ̄ɔ́ ō, āwī kə nge tun̄ yá̰a̰ yāḿ kɔ̄ɔ́ ō. Yá̰a̰ yāḿ kə́ na̰y gətóo anī ī-tél ī-dəjemī na ké i rí n rāām̄ wa a?

JOJUE 7:2

Jojue ndi Jeriko ba əla de gə̄ ɓē ń a ɓārə́n̄ na i Ai tə́, ɓē ní ra i kadə̄ ɓē madə̄ ń a ɓārə́n̄ na i Bet Aben ní tə́ Ré deē ra Betel anī, Ai i kə̄ dām̄ kə́ gír ɓē tə́. Ni-mēr̄də́ kaw̄ kəndā ma̰ȳ loo ní. Dan ń de gə̄ ní aw̄ əndān̄ ma̰ȳ loo ní oy anī,

2 YÁ̰A̰ GƏ̄ 13:8

Ba ń toō ɓáa ɔ̄rī i najə̄ mbātə́ ko̰o̰ ɓē yā Kɔ́ɔ̄ɓē ń i kem jī ngán Dabid tə́ ní! Sḭḭ̄ i kósə de kə́ ngá̰ý gə̄ ō, ngán man̄g lɔ́r gə̄ ń Jeroboam rāādə́ nə́ɓā gə̄ tə́ adə̄sí ní nin̄ i sesí ō.

IJAI 46:2

Nə́ɓā gə̄ rugən̄ ngung, nin̄ malang əsōn̄ nang tə́ ndɔ̄ naā tə́. Nin̄ asən̄ kajə yá̰a̰ gə̄ ń tɔ́sə̄n̄ kum gotədə́ ní alé, nin̄ kɔ́ gə̄ aw̄n̄ dɔ ɓē kə́ rang tə́ dɔ gúú tə́.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.

AMOS 3:14

Ndɔ̄ ń m-ā m̄-rāań yá̰á̰ kógə̄ḿ kə gír de gə̄ yā Israel najə̄ yá̰a̰ rāādə́ kə́ majaĺ ngá̰ý tə́ ní, m-ā m̄-rāā yá̰á̰ kógə̄ḿ kə loo tun̄ yá̰a̰ gə̄ kə́ Betel. A tɔ̄ɔ̄n̄ kíl loo tun̄ yá̰a̰ gə̄ ń rāān̄ adə̄ ḭḭ kə̄ dɔɔ́ ní ō, kíl loo tun̄ yá̰a̰ gə̄ ní a tə́sōn̄ nang tə́ ō.