OJEE 10:4 - Bibəl ta Sar̄

⁴ Nin̄ ɔrə̄n̄ najə̄ ngá̰ý ō, túbən̄ túbə́ kə́ rɔ̄kum aĺ gə̄ ō, əndān̄ jīdə́ gír makətūbə̄ gə̄ kə́ nin̄ ənīn̄ń ndūdə́ adə̄n̄ naā tə́ ō. Banī ɓōĺ gidə yá̰á̰ kə́ súmūú to i tītə̄ mu kə́ a tɔ̄l̄ de kə́ əɓa kem ndɔrɔ́ beē tām̄ yādə́ tə́.

Bible sar

⁴ Nin̄ ɔrə̄n̄ najə̄ ngá̰ý ō, túbən̄ túbə́ kə́ rɔ̄kum aĺ gə̄ ō, əndān̄ jīdə́ gír makətūbə̄ gə̄ kə́ nin̄ ənīn̄ń ndūdə́ adə̄n̄ naā tə́ ō. Banī ɓōĺ gidə yá̰á̰ kə́ súmūú to i tītə̄ mu kə́ a tɔ̄l̄ de kə́ əɓa kem ndɔrɔ́ beē tām̄ yādə́ tə́.

OJEE 10:4 Referans Kwoze

AMOS 6:12

Sə́nda gə̄ a a̰ȳn̄ ngɔ̄də̄ dɔ mbal̄ gə̄ tə́ a? Deē a ndɔr̄ dɔ mbal̄ gə̄ kə mangá a? Sḭḭ̄ ī-rāāī adə̄ yá̰á̰ kə́ súmūú tél yá̰á̰ kə́ yḛl deē ō, yá̰á̰ kə́ gōtə́ téĺ yá̰á̰ kə́ atə̄ kárárá ō. I tām̄ rí tə́?

AMOS 5:7

Ajá! yá̰á̰ kə́ súmūú tél i yá̰á̰ kə́ atə̄ kárárá ō, ndɔ́rə̄n̄ yá̰a̰ rāā kə́ gōtə́ nang tə́ ō.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

2 TIMOTE 3:3

a usədə́ yá̰a̰ aĺ ō, a rāān̄ yá̰a̰ i kə̄ nodə́ tə́ ō, a tāmən kə de gēé ō, a rāān̄ yá̰á̰ ń ndū najə̄ əda ní aĺ ō, kumdə́ a o̰o̰də́ aĺ ō, a gḛyn̄ yá̰á̰ kə́ majə aĺ ō,

Makətūbə̄ ń Pol ndang adə̄ Rom gə̄ ní 1:31

Kur̄ dɔdə́ gətóo, tá ənīn̄ míndə́də́ anī ran̄ dɔ tə́ aĺ ō. Ndér̄də́ loo rāā madə̄də́ gə̄ yá̰á̰ kə́ tōr̄ tə́ kɔ̄ɔ́ ō, kumdə́ o̰o̰də́ kə deé aĺ ō.

KƏLA RĀĀ 8:23

Tɔdɔ̄ m-á̰a̰ kadə̄ majaĺ kógə̄ḿ kə́ atə̄ kárárá rosə kemií ō, yá̰á̰ kə́ majaĺ kə́ ī-rāā do̰ō̰ī kə kəlāá ō.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

NDŪ NAJƏ̄ 29:18

Ré de kə́rēý oō najə̄ gə̄ ń túbən̄neé toō ba kɔ́ɔ̄ gír̄ kemən tə́ na Nə́ɓā na rāā majə seneé kɔ̄ɔ́ ɓá, adə̄ əda kə̄ kemən tə́ na: M-ə́ngé yá̰a̰ malang tɔdɔ̄ i yá̰a̰ gə̄ ń kemḿ ndigə ní n m-ə́hɔ gōdə́ m̄-rāādə́ ní, tām̄ dɔ nang ń adə̄nən̄ man̄ kɔ̄ɔ́ ɓá ní kəndā man̄ rāān to̰ alé anī,

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?