OJEE 10:13 - Bibəl ta Sar̄

¹³ Banī sḭḭ̄ ī-ndɔrī i kem ndul, yá̰á̰ ń ə́jaī ní, i yá̰á̰ kə́ majaĺ ō, ə́saī i kan̄ sor̄ ō. Israel, ḭ̄ ə̄ndā kemií i dɔ tɔ́gí īkɔ́ tə́, i dɔ ngé rɔ̄ɔ̄ yāí gə̄ kə́ nin̄ i ngá̰ý tə́.

Bible sar

¹³ Banī sḭḭ̄ ī-ndɔrī i kem ndul, yá̰á̰ ń ə́jaī ní, i yá̰á̰ kə́ majaĺ ō, ə́saī i kan̄ sor̄ ō. *Israel, ḭ̄ ə̄ndā kemií i dɔ tɔ́gí īkɔ́ tə́, i dɔ ngé rɔ̄ɔ̄ yāí gə̄ kə́ nin̄ i ngá̰ý tə́.

OJEE 10:13 Referans Kwoze

Makətūbə̄ yā Job 4:8

Yá̰á̰ ń m-ə̄ndā ma̰ȳ m-á̰a̰ā̰ majə ní n toó: I ngé ndɔr̄ yá̰á̰ kə́ gōtə́ aĺ gə̄ ō, i ngé dubə̄ yá̰á̰ kə́ tōr̄ gə̄ ō n a əjan̄ yá̰á̰ kə́ gōtə́ aĺ gə̄ ō, yá̰á̰ kə́ tōr̄ gə̄ ō ní.

OJEE 8:7

Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.

Gōsə̄ najə̄ gə̄ 22:8

Deē ń rāā yá̰á̰ kə́ gōtə́ aĺ ní majaĺ a əso dɔn tə́ ō, tɔ́gən ń rāań yá̰a̰ kə dɔ́nɔ́ ní a gətóo kɔ̄ɔ́ ō.

Gōsə̄ najə̄ gə̄ 1:31

i beé ní, háĺdə́ a ənī najə̄ dɔdə́ tə́ ō, gír̄ kə́ majaĺ kə́ kemdə́ nin̄ kɔ́ gə̄ tə́ a ndān̄də́ kə́ kəsa tə́ ō.

PĀ GƏ̄ 33:16

I kutə ngé rɔ̄ɔ̄ kə́ ngá̰ý gə̄ n a ajə mban̄g ní a? I tɔ́gə kə́ ngá̰ý n a ajə go̰ rɔ̄ ní a?

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

PĀ GƏ̄ 52:7

Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́. Ni a ndɔ́rī yā teē seí kɔ̄ɔ́ kem kújə tandā yāí tə́. A ɔrī kɔ̄ɔ́ kə ngəraí gēé dɔ nang ń de kə́ kə kumuú gə̄ ndin̄ tū tə́ ní tə́.

OJEE 7:3

Kə ta kūl̄ kem ndul yādə́, nin̄ rāān̄ mban̄g adə̄ rɔ̄n nelə̄n, kə ta kūl̄ sor̄ yādə́, nin̄ rāān̄ de kə́ bo gə̄ ādə̄ əren̄ kumdə́ ta yá̰á̰ tə́ alé.

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

Gōsə̄ najə̄ gə̄ 19:5

De kə́ kum yá̰á̰ tə́ kə́ nge kəda najə̄ kə́ rɔ̄kum aĺ ní a əya̰nən̄ kanjə̄ kəndan aĺ ō, de kə́ nge kɔr̄ najə̄ kə́ sor̄ ní, a teē kum tə́ aĺ ō.

Gōsə̄ najə̄ gə̄ 12:19

Nge kəda najə̄ kə́ rɔ̄kum a ndi ngándáńg, banī nge sor̄ a ndi dan i ngá̰ý alé tītə̄ kum kə́ kənda sapə beé.

Gōsə̄ najə̄ gə̄ 13:2

Deē kógə̄ḿ kógə̄ḿ a ənge yá̰a̰ kəsa kə́ majə i kə ta kūl̄ najə̄ kə́ tan tə́, banī yā ngé ngam gə̄ i rāā yá̰á̰ kə dɔ́nɔ́ ngóy.

IJAI 17:11

Ḭ̄-á̰á̰də́ loo kəɓa tə́ ndɔ̄ ń ī-dubə̄ńdə́ tə́ ní. Yá̰á̰ ń ī-dubə̄ dəloí ní, hútə̄ kə ndɔ̄ nəkɔ́ ń noō tə́. Ba dan ń mo̰y reē anī, loo sāā kōō gətóo kɔ̄ɔ́ ō, i rɔ̄ tōr̄ kə́ dáwán gətóo ō.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

OJEE 4:8

Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

1 SAMUEL 24:14

Tītə̄ ń kāgə̄ najə̄ kə́ jóo ədań na kem ndul əhɔ i ngé kem ndul gə̄ ní, m-ā m-ə́la jīḿ yā kɔdiīneé alé.