OJEE 10:11 - Bibəl ta Sar̄

¹¹ Epəraim i duĺ man̄g kə́ ndóōnən̄ yá̰a̰ majə, nelə̄n səɓā kōō gémē ngá̰ý. Mā tā a dan ń m-á̰á̰ míndən kə́ majə ngá̰ý ní, m̄-ndigə kənī yá̰á̰ míndən tə́ yā rāāń kəla: Juda a ndɔr̄, ba Israel a tɔ̄ɔ̄ nán̄g ta kɔsə kə yá̰a̰ jɔ̄r̄yɔ̄ nán̄g ta kɔsɔɔ́.

Bible sar

¹¹ *Epəraim i duĺ man̄g kə́ ndóōnən̄ yá̰a̰ majə, nelə̄n səɓā kōō gémē ngá̰ý. Mā tā a dan ń m-á̰á̰ míndən kə́ majə ngá̰ý ní, m̄-ndigə kənī yá̰á̰ míndən tə́ yā rāāń kəla: *Juda a ndɔr̄, ba *Israel a tɔ̄ɔ̄ nán̄g ta kɔsə kə yá̰a̰ jɔ̄r̄yɔ̄ nán̄g ta kɔsɔɔ́.

OJEE 10:11 Referans Kwoze

OJEE 4:16

Israel rāā dɔ ngan̄g tītə̄ man̄g kə́ mbātə́ rāā kəla beé. Ní, ngɔlaā ní Kɔ́ɔ̄ɓē a rāā gír deē yān gə̄ i ngán batə̄ gə̄ ń deē a aw̄ sedə́ dɔ mu kə́ ngá̰ý tə́ ní a?

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

NDŪ NAJƏ̄ 25:4

Ā ə́la bendə ta man̄g kə́ a səɓā kōō tə́ alé.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

OJEE 11:4

M-ɔ́rən ta róbə kə kemḿ kə́ sɔl̄ léléḿ ō, tár do̰ō̰jí naā tə́ seneé ō. Kété ní m̄-to i tītə̄ de kə́ un ngōnən əndā kadə mbɔ́rən tə́ beē tām̄ yān tə́. m̄-rodə́ i mbée n m-ā m-ādə̄nəń yá̰a̰ kəsa ní.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.

OJEE 3:1

Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ kāgə̄ nduú kə́ kɔsə mbō̰ tə́ nel̄də́ ō.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

IJAI 28:24

Nge ndɔr̄ ń gḛy dubə̄ kōō ní, a un kum mbang yān malang yā ndɔrə̄ń alé, yā kɔrə̄ń ɓaȳ aĺ ō, yā tɔ̄ɔń nán̄g ta kɔsə aĺ ō.

JEREMI 28:14

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: I njúkə gində̄ n m-ā m-ə̄nī míndə́ nápar de gə̄ malang ń toō tə́ yā kadə̄ rāān̄eé kəla adə̄n̄ Nabukodonosor mban̄g kə́ Babilon tə́ ní, a rāān̄ kəla yā kadə̄n. M-ā m-ə́la dā̰ gə̄ kə́ bembeé gə̄gē kem jīn tə́.

JEREMI 46:20

Ejiptə i mandə man̄g kə́ majə ngá̰ý, banī kón̄g mba gə̄ ḭḭn̄ dām̄ mbɔ́r ɓē kə́ ko̰ó̰ tə́ reē əhɔn̄ loo dɔn tə́.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.