OJEE 10:1 - Bibəl ta Sar̄

¹ Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

Bible sar

¹ Kété ní *Israel i *kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā *loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

OJEE 10:1 Referans Kwoze

OJEE 8:11

Epəraim rāā loo tun̄ yá̰a̰ gə̄ gír i ngá̰ý yā kɔrə̄ń mān̄ dɔ ndū Nə́ɓā yān, banī ni mān̄ dɔ ndū Nə́ɓā i kə ta kūl̄ loo tun̄ yá̰a̰ gə̄ ngeé ń toō.

OJEE 12:11

Dan ngeé ń noō tə́ ní, m-ɔ̄r̄ najə̄ kə ngé koō ta gēé. Adə̄ yá̰á̰ kə́ yā ká̰ā̰ gə̄ ní, m-ə́lań i ngá̰ý m-ādə̄də́ adə̄ a̰a̰n̄. Tá kə ta kūl̄ ngé koō ta gə̄ ní, m-ə́da najə̄ yá̰a̰ gə̄ ń m̄-núm̄ rāā ní ɓáý to̰.

PILIPƏ 2:21

Gotə de gə̄ malang a sāān̄ i yá̰á̰ kə́ tām̄ yādə́ nin̄ kɔ́ gə̄ tə́, ba i yá̰á̰ kə́ tām̄ yā Jeju Kərist tə́ alé.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

LEBI GƏ̄ 26:1

Ī-rāāī ɓesə̄ aĺ ō, ī-ndɔ̄yī kāgə̄ kə́ tɔ́sə̄ aĺ ō, mbal̄ kə́ kudə kə nja dɔɔ́ aĺ ō, údiī mbal̄ kə́ tɔ́sə̄ kem ɓē yāsí tə́ yā rɔȳ aĺ ō, tām̄ mā i Kɔ́ɔ̄ɓē Nə́ɓā yāsí.

1 MBAN̄G GƏ̄ 14:23

Rāān̄ loo ndɔ̄ȳ gə̄ tītə̄ yā kaadə́ gə̄ ō, túdə̄n̄ mbal̄ gə̄ kə nja kə́ dɔɔ́ ō, túdə̄n̄ kāgə̄ ɓesə̄ kə́ yā ɓōĺ gidə gə̄ kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ əga ku gə̄ tə́ malang ō.

2 KORḚNTƏ 5:16

Adə̄ jḭḭ jə-ger̄ deē i kə gō yā dā̰ rɔ̄ɔ́ to̰ alé. Ká ré kété jóo jə-ger̄ Kərist i kə gō yā dā̰ rɔ̄ɔ́ gə̄gē anī, ngɔlaā jə-gerə̄n tītə̄ ń noō to̰ alé.

NAHUM 2:2

Ɓē kə́ Ninibə, ngé rɔ̄ɔ̄ gə̄ aw̄n̄ kənī rɔ̄ɔ̄ tə́. Sḭḭ̄ áskar gə̄, ī-ngɔ̄mī ndogə̄ mbal̄ gə̄ kə́ yā rɔ̄ɔ̄ń dɔ ɓē tə́ ō, ə̄ndāī kumsí gíŕ róbə gə̄ tə́ ō, ə̄ndāī dɔ rɔ̄sí danaá tām̄ yā rɔ̄ɔ̄ tə́ ō, ɔ́siī rɔ̄sí kə̄ naā tə́ ō.

OJEE 13:6

M-ɔ́riī ta róbə m-āw̄ seí ko̰ó̰ ō, ə́sá yá̰a̰ adə̄ tɔ̄l̄ ɓōí ō. Ba dan ń ī-ndān̄ anī, ɔ́jə rɔ̄í ō, dɔí ndígə̄naləḿ kɔ̄ɔ́ ō.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

OJEE 12:8

Kɔ́ɔ̄ɓē əda na: Epəraim, ḭ̄ āw̄ kə yá̰a̰ mbɔ̄jə́ kɔȳ yá̰á̰ kə́ gōtə́ aĺ jīí tə́. Nelī gól̄ de gə̄ ngá̰ý.

OJEE 8:4

Nin̄ əndān̄ mban̄g gə̄, banī i kanjə̄ koō yāḿ mā ō, gə̄rān̄ de kə́ bo gə̄, banī i kanjə̄ kədam̄ mā ō. Nin̄ ɔyn̄ gində̄ arjā̰a̰ yādə́ gə̄ ō, lɔ́r yādə́ gə̄ ō, nōn̄ horoó rāān̄ ɓesə̄ gə̄ tə́. Nge ń noō i ta róbə́ kə́ majə kə́ yā tḭ̄ḭń ta yá̰a̰ malang kɔ̄ɔ́!

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

OJEE 4:7

Ngé tun̄ yá̰a̰ gə̄ malang kanjə̄ kɔr̄ deē kógə̄ḿ kə̄ gogə́ ní, mānə̄n̄ dɔ ndūḿ. I beé ɓá ní, m̄ ī-tūr̄ gíŕ yá̰a̰ kɔjə rɔ̄ yādə́ kadə̄ téĺ yá̰a̰ rɔ̄sɔl̄.

OJEE 13:15

Dan ń Epəraim tɔgə dan ngákó̰o̰n gə̄ tə́ anī, nél kə́ dūn̄ ɓē tə́ reē, néĺ ní ḭḭ i dəla loo tə́. I mā Kɔ́ɔ̄ɓē n m-ə́la seneé ní. Loo ń noō tə́ ní, loo gə̄ ń man̄ gə̄ a əɓan̄ tū tə́ ní, man̄ kə́ tū tə́ gə̄ gətóon̄ kɔ̄ɔ́ ō, kem bəlo man̄ gə̄ tutən̄ kɔ̄ɔ́ ō. Nél un yá̰a̰ kənge aw̄ń kɔ̄ɔ́, ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

OJEE 2:10

Ni-a̰a̰ yá̰á̰ ń toō ger̄ alé: I mā n m-ādə̄n gémē ō, kasə nduú kə́ kijə ō, yibə̄ kə́ kijə ō ní. M-ādə̄n gində̄ arjā̰a̰ ō, lɔ́ŕ ō, ɔy aw̄ ndējə̄ ɓesə̄ Baal ní alé. Banī ni ɔy tām̄ yā Baal tə́.