NŌŌ RƆ̄ 5:7 - Bibəl ta Sar̄

⁷ Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.

Bible sar

⁷ Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.

NŌŌ RƆ̄ 5:7 Referans Kwoze

JEREMI 31:29

Kem ndɔ̄ gə̄ ń noō tə́ ní, najə̄ ń de gə̄ a əndan̄ dejə na: Bɔbə̄ ngán gə̄ əsan̄ kan̄ nduú kə́ ɓogə́ro, ba i ngān̄g ngán gə̄ n nujə ní, a ədan̄ to̰ alé.

JEREMI 16:12

Sḭḭ̄ tā anī ī-rāāī yá̰a̰ majaĺ tɔȳ yā kaasí gə̄ ɓáý. Náā nəkɔ́ ɓáa rāā dɔ ngan̄g kə́ dum̄ kəda ta tə́ kə̄ non tə́ ba ōōī najə̄ yāḿ alé.

EJEKIEL 18:2

I tām̄ rí tə́ á ədan̄ kāgə̄ najə̄ ń toō kə̄ nja naā tə́ dɔ nang kə́ Israel tə́ ní, ədan̄ na: Bɔbə̄ ngán gə̄ əsan̄ kan̄ kāgə̄ nduú kə́ ɓogə́ro, ba i ngán gə̄ n ngān̄gdə́ oy ō ní?

JEREMI 14:20

Kɔ́ɔ̄ɓē, jə-ger̄ majə kadə̄ jḭḭ i kə najá dɔjí tə́ ō, jə-ger̄ gō yá̰á̰ kə́ gōtə́ aĺ gə̄ ń kaají gə̄ rāān̄ ní ō.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

JEREMI 31:15

Najə̄ ń Kɔ́ɔ̄ɓē əda ní n toó: De gə̄ oōn̄ kōō kɔŕ nōō rɔ̄ ō, nōō kə́ kə wur katāá ngá̰ý ō, kem ɓē kə́ Rama tə́. I Rasel n a nōō ngánən gə̄ ní. Ni-mbātə́ kadə̄ sɔlə̄n̄ kemən, tɔdɔ̄ ngánən gə̄ gətóon̄ kɔ̄ɔ́.

TA KƏLA 42:36

Bɔbə̄də́ əda na i nin̄ n a rāān̄ kadə̄ na n-nal̄ ngánən gə̄ ní. Jəjep na gətóo, Simeo̰ na gətóo, tá ń toō ké a sāān̄ taā Benjamḛ jīn tə́ ɓáý to̰ wa. Yá̰a̰ gə̄ ń noō na a télən̄ na i kə̄ dɔn nəkɔ́ tə́ malang.

JAKARI 1:5

Kaasí gə̄ gətóon̄ kɔ̄ɔ́ ō, ngé koō ta gə̄ oyn̄ kɔ̄ɔ́ ō.

Makətūbə̄ yā Job 7:21

Ásə́ tə́gā taí dɔ mbātə́ najə̄ yāḿ tə́ aĺ a? Yá̰á̰ kə́ gōtə́ aĺ ń m̄-rāā ní ásə kəya̰ gō kɔ̄ɔ́ aĺ a? Tɔdɔ̄ ń toō ní, m̄-to i kum bumbə́rú tə́ kɔ̄ɔ́ ɓá. Ā ī-sāām̄, banī mā m̄-gətóo kɔ̄ɔ́.

Makətūbə̄ yā Job 7:8

Kum deē ń a̰a̰m̄ kété ní, a tél yā ka̰a̰m̄ gogə́ to̰ alé. Kumií a ra dɔḿ tə́ ba m-ā m̄-gətóo kɔ̄ɔ́.

TA KƏLA 42:13

Nin̄ tél ədanən̄ na nin̄ ngé kəla yān gə̄ na nin̄ na i deē kutə gidə i jōó. Nin̄ na i ngákó̰o̰ naā gə̄, ngán de kə́ kógə̄ḿ beē dɔ nang kə́ Kanaan tə́. Ngōkó̰ó̰də́ kə́ dūú na ndi ɓēé noō kə bɔbə̄də́, ba nge kə́ kógə̄ḿ tá na gətóo.

TƏ́DA 14:18

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

EJEKIEL 16:58

I tītə̄ ń noō n ə́lań dɔí gír kɔȳ yá̰a̰ rāāí kə́ to rɔ̄sɔl̄ gə̄ tə́ ō, yá̰a̰ rāāí kə́ majaĺ ngá̰ý gə̄ tə́ ō ní. Najə̄ ń mā Kɔ́ɔ̄ɓē m-ə́dá ní n noó.