NŌŌ RƆ̄ 4:9 - Bibəl ta Sar̄

⁹ De gə̄ ń oyn̄ yo kaskar ní, yādə́ i sótə́ tɔȳ yā ngé gə̄ ń oyn̄ yo ɓō á ndəlēn̄ ngandəra najə̄ kōō kə́ gətóo ndɔrɔ́ tə́ ní.

Bible sar

⁹ De gə̄ ń oyn̄ yo kaskar ní, yādə́ i sótə́ tɔȳ yā ngé gə̄ ń oyn̄ yo ɓō á ndəlēn̄ ngandəra najə̄ kōō kə́ gətóo ndɔrɔ́ tə́ ní.

NŌŌ RƆ̄ 4:9 Referans Kwoze

EJEKIEL 24:23

Ta kūbə̄ ń ə́ndaīń dɔsí ní a to dɔsí tə́ beé ō, sākə̄rā yāsí gə̄ ī-tə́laī njasí tə́ ní, a ton̄ njasí tə́ beē ō, ā ī-nōōī rɔ̄sí aĺ ō, ā ī-nōōī kə man̄ kumsí aĺ ō.

LEBI GƏ̄ 26:39

De kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, tɔ́gə́də́ a gətóo sɔɔ̄ń dɔ majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō.

EJEKIEL 33:10

Ḭ̄ ngōn̄ deē, ə́dá ngán Israel gə̄ na: Sḭḭ̄ ɔ̄rī najə̄ i beé, ə́daī na: Yá̰a̰ rāājí kə́ gōtə́ aĺ gə̄ ō, mān̄ dɔ ndū najə̄ gə̄ yā Nə́ɓā yājí ō, ɔyn̄jí. Nin̄ taān̄ tɔ́gə́jí kɔ̄ɔ́. Ní, j-a jə-rāā i ba̰ý n j-a j-asəń ndi kə kumjí ní?

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

Teē Ngán Israel gə̄ 16:3

ədan̄ na ké i tām̄ rí tə́ áké Kɔ́ɔ̄ɓē nəkɔ́ tɔ̄l̄də́ kə jīneé dɔ nang kə́ Ejiptə tə́, dan ń n-ndin̄neé ta jóo dā̰ gə̄ tə́ ō, n-əsan̄neé yá̰a̰ adə̄ asə kemdə́ ō ní aĺ wa. Nin̄ na reēn̄ sedə́ kem dəla loo ń toō tə́ na i yā kəya̰də́ tū tə́ kadə̄ ɓō kə tɔ̄l̄də́ malang.

2 MBAN̄G 25:3

Ɓō i ngá̰ý kem ɓēé. De gə̄ əngen̄ yá̰á̰ kə́ yā kəsa to̰ alé. Kə ndɔ̄ nāā kə́ nge ko̰ ndōhó yā nāā kə́ nge ko̰ sɔ́ anī,

NDŪ NAJƏ̄ 28:51

A əsan̄ yá̰a̰ kul̄ yāí gə̄ ō, kōō ndɔrí gə̄ ō, bátə́ kadə̄ ī-gətóoń. Nin̄ a əya̰n̄ kōō gémē ō, man̄ nduú ō, yibə̄ ō yā kadī alé. A əya̰n̄ ngán man̄g yāí gə̄ ō, ngán batə̄ yāí gə̄ ō, ngán bə̄yā̰ yāí gə̄ ō, yā kadī alé, bátə́ kadə̄ ī-gətóoń.

IJAI 22:2

Jerusalem, i tām̄ rí tə́ á ḭ̄ i ɓē bo kə́ kōō de gə̄ kə́ kemií tə́ ɓār̄ ngá̰ý beē ō, de kə́ kemií tə́ gə̄ a̰a̰n̄ woy woy beé ō ní? De kə́ koy yāí gə̄ oyn̄ i ta rɔ̄ɔ̄ tə́ alé, i rɔ̄ɔ̄ n tɔ̄l̄də́ alé.

EJEKIEL 4:16

Ni-əda ɓáý to̰ na: Ḭ̄ ngōn̄ deē, ōō! M-ā m̄-rāā kadə̄ yá̰a̰ kəsa ō, man̄ ō i ngá̰ý aĺ kem ɓē kə́ Jerusalem tə́. De gə̄ a mbɔ̄jə́n̄ i yá̰a̰ kəsa ō, man̄ ō adə̄ de gə̄ a ndin̄ i kə sōlōó kə dɔ ndɔ̄ gə̄.

EJEKIEL 7:15

Rɔ̄ɔ̄ i ndágá ba mo̰y ngāl̄bɔ̄gīí ō, ɓō ō i kemeé. Dəngam gə̄ a oyn̄ ta rɔ̄ɔ̄ tə́ kem bembeé ō, nin̄ a oyn̄ yo ɓō ō, yo mo̰y ngāl̄bɔ̄gīí ō kem ɓēé.