NŌŌ RƆ̄ 4:6 - Bibəl ta Sar̄

⁶ Ngōmandə ń toō ń rāā rɔ̄n i gír deē yāḿ gə̄ tə́ ní, rāā yá̰á̰ kə́ majaĺ ngá̰ý tɔȳ yā Sodom ń rāā yá̰á̰ kə́ gōtə́ aĺ á nujən̄ seneé gidə kógə̄ḿ kanjə̄ kadə̄ jī deē ɔdən ní.

Bible sar

⁶ Ngōmandə ń toō ń rāā rɔ̄n i gír deē yāḿ gə̄ tə́ ní, rāā yá̰á̰ kə́ majaĺ ngá̰ý tɔȳ yā Sodom ń rāā yá̰á̰ kə́ gōtə́ aĺ á nujən̄ seneé gidə kógə̄ḿ kanjə̄ kadə̄ jī deē ɔdən ní.

NŌŌ RƆ̄ 4:6 Referans Kwoze

TA KƏLA 19:25

Ni-nujə ɓē kə́ jōó gə̄ ń noō kə de kə́ kemeé gə̄ malang ō, nujə ndágə loo malang ō, yá̰a̰ malang kə́ kəɓa dɔ nang tə́ ō.

Najə̄ kə́ Majə yā Jeju ń Luk ndang ní 10:12

Ādə̄ m-ə́dásí, ndɔ̄ń tə́ anī yá̰á̰ ń a reē dɔ ɓē ń noō tə́ ní, yā ɓē kə́ Sodom i só tə́ ngá̰ý tɔȳ yān.

Najə̄ kə́ Majə yā Jeju ń Luk ndang ní 12:47

Nge kəla ń ger̄ yá̰á̰ ń kɔ́ɔ̄n gḛy ní majə, banī ndi dɔ rɔ̄n tə́ aĺ ō, rāā yá̰á̰ ń kɔ́ɔ̄n gḛy ní aĺ ō ní, a ənge ndéý jī ngá̰ý.

MATIYE 24:21

Tɔdɔ̄ kem ndɔ̄ gə̄ ngeé ń noō tə́ ní, wur de gə̄ a ɔldə́ ngá̰ý. Wur kɔl kə́ tītə̄ ń noō gətóo ta kəla gír tə́ bátə́ ngɔlaā ń toō tə́ ō, a to gogə́ to̰ aĺ bátə́ ō.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

NŌŌ RƆ̄ 4:9

De gə̄ ń oyn̄ yo kaskar ní, yādə́ i sótə́ tɔȳ yā ngé gə̄ ń oyn̄ yo ɓō á ndəlēn̄ ngandəra najə̄ kōō kə́ gətóo ndɔrɔ́ tə́ ní.

TA KƏLA 19:24

Loo ń noō tə́ Kɔ́ɔ̄ɓē rāā adə̄ hor bursu ḭḭ dɔ rā̰ tə́ edə tītə̄ man̄ dɔ ɓē kə́ Sodom tə́ ō, Gomor tə́ ō.

JEREMI 20:16

Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

IJAI 24:2

I yá̰á̰ kə́ kógə̄ḿ beē n rāā nge tun̄ yá̰a̰ ō, nge tun̄ yá̰a̰ aĺ ō, kɔ́ɔ̄ ɓəlo ō, ɓəlo ō, kɔ́ɔ̄ kújə́ kə́ dəyá̰ ō, nge kəla kə́ dəyá̰ ō, nge kigə yá̰a̰ ō, nge mang yá̰a̰ ō, nge kadə̄ yá̰a̰ loo tə̄nā tə́ ō, nge tə̄nā yá̰a̰ ō, de kə́ kə̄rā i dɔn tə́ ō, de kə́ yá̰a̰ yān i dɔ deē tə́ ō ní.

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

DANIEL 8:25

Kumən edə̄ ngá̰ý adə̄ a gól̄ madə̄n gə̄. A ɔsə rɔ̄n kə̄ dɔɔ́, adə̄ dan ń loo a to lápə́ya ngá̰ý ɓáa ni a nujə kósə de kə́ ngá̰ý gə̄ kɔ̄ɔ́. Ni a ḭḭ yā rɔ̄ɔ̄ ngār kə́ dɔ ngār gə̄ tə́ banī a əsō kəsō kógə̄ḿ kə́ a tétə̄ rárák kanjə̄ kadə̄ jī deē ɔdə rɔ̄n.