NŌŌ RƆ̄ 4:2 - Bibəl ta Sar̄

² Ngán kə́ Siyo̰ gə̄ majən̄ ngá̰ý ō, gātə̄də́ asə kə yā lɔ́ŕ kə́ unjə̄ njáý njáý ō, ba i ba̰ý tā á rāān̄də́ i jóó nánjə́ ń i yá̰á̰ kə́ kɔdə̄ jóo rāā kə jīneé tə́ ní?

Bible sar

² Ngán kə́ *Siyo̰ gə̄ majən̄ ngá̰ý ō, gātə̄də́ asə kə yā lɔ́ŕ kə́ *unjə̄ njáý njáý ō, ba i ba̰ý tā á rāān̄də́ i jóó nánjə́ ń i yá̰á̰ kə́ kɔdə̄ jóo rāā kə jīneé tə́ ní?

NŌŌ RƆ̄ 4:2 Referans Kwoze

IJAI 30:14

Ndogə̄ mbal̄ ní a əsō tétə̄ ká káḿ kadə̄ gajən gə̄ a dūún̄ tītə̄ bay kə́ laa yā kɔdə̄ jóo beé. Deē a əndā kemən dɔ tə́ to̰ alé, deē a ənge gájən kə́ tə́sō sḛ́ý yā kunəń hor aĺ ō, yā kɔdəń man̄ kə́ tə́gā aĺ ō.

JEREMI 19:11

Gō tə́ anī, ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-nujə kə gír de gə̄ ń toō ō, kə ɓē ń toō ō, tītə̄ loo tɔ̄ɔ̄ jóó ń kɔdə̄ jóo əɓā ní beē, adə̄ deē a asə kəndā ta naā tə́ to̰ alé. Loo kə́ yā dubə̄ń yo a asə alé, adə̄ de gə̄ a dubə̄n̄ nīń Topet tə́ gə̄ gə̄gē.

2 TIMOTE 2:20

Jóo gə̄ ń ton̄ kem kújə́ kə́ bo tə́ ní, rāān̄ kə́rēý gə̄ i kə lɔ́rɔ́ ō, kə gində̄ arjā̰a̰á̰ ō, ngóy alé. Kə́ rang gə̄ i kə́ rāā kə kāgāá ō, kə nánjá ō. Adə̄ kə́rēý gə̄ i tām̄ yā kəla kə́ to rɔȳ tə́ ō, kə́rēý gə̄ i tām̄ yā kəla kə́ to rɔȳ aĺ gə̄ tə́ ō.

2 KORḚNTƏ 4:7

Banī jḭḭ ń j-ətō yá̰a̰ kənge kə́ gātə̄n i ngá̰ý ngeé ń toō ní, jə-to i tītə̄ jóó nánjə̄ gə̄ beé, yā kadə̄ de gə̄ gerə̄n̄neé kadə̄ tɔ́gə́ kə́ ngá̰ý kə́ to tayā ngeé ń toō ní, i yā Nə́ɓā ba i yājí jḭḭ alé.

JAKARI 9:13

M-ā m-ún dɔ nang kə́ Juda tītə̄ loo kun ga̰ gərā kə́ yā rɔ̄ɔń beē. Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.

NŌŌ RƆ̄ 5:12

Nin̄ kɔ́ gə̄ ənīn̄ kəlā míndə ngār gə̄ tə́ kə jīdə́ tɔ̄l̄neédə́ ō, rɔyn̄ kum kɔɔ̄ gə̄ aĺ ō.

IJAI 51:18

Dan ngán gə̄ malang ń ḭ̄ ójə́də́ tə́ ní, dan de gə̄ malang ń ḭ̄ ə̄tōdə́ tə́ ní, kógə̄ḿ kə́ əhɔ ta jīí ɔriīneé ta róbə gətóo.

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.

JEREMI 22:28

Konia ngeé ń toō ní, i jóó kə́ tɔ̄ɔ̄ adə̄ majə rāań yá̰a̰ to̰ aĺ, aké i bay kə́ de gə̄ əyan̄ kɔ̄ɔ́ kə̄ nodə́ tə́ a? I tām̄ rí tə́ á tə́ɓānən̄ kə ngánən gēé ō, ɓōkə́n̄də́ kɔ̄ɔ́ dɔ nang kə́ gerə̄n̄ aĺ tə́ ō ní?

JEREMI 19:1

Kɔ́ɔ̄ɓē ɔr̄ najə̄ i tītə̄ ń toō beé: Āw̄ ī-mang jóo man̄ jī kɔdə̄ jóó tə́, ba ī-gə̄rā kum kɔɔ̄ kə́rēý gə̄ dan ngáń Israel gə̄ tə́ ō, dan ngé tun̄ yá̰a̰ gə̄ tə́ ō ādə̄ aw̄n̄ seí.

OJEE 8:8

Urən̄ Israel kɔ̄ɔ́. Ngɔlaā ní, ni-ndi dan nápar de gə̄ tə́ i tītə̄ yá̰á̰ kógə̄ḿ kə́ gātə̄n gətóo beé.