NŌŌ RƆ̄ 4:11 - Bibəl ta Sar̄

¹¹ Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

Bible sar

¹¹ Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ *Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

NŌŌ RƆ̄ 4:11 Referans Kwoze

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

Najə̄ kə́ Majə yā Jeju ń Luk ndang ní 21:22

Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

NŌŌ RƆ̄ 4:22

Ngōmandə kə́ Siyo̰ gír najə̄ kə́ dɔ yá̰á̰ kə́ gōtə́ aĺ yāí gə̄ tə́ ní gān̄g tā. A əhɔnī dɔ gúú tə́ yā kaw̄ seí dɔ nang kə́ rang tə́ to̰ alé. Ba ḭ̄ ngōmandə kə́ Edom, a teēn̄ kə yá̰a̰ rāāí kə́ gōtə́ aĺ gə̄ kə̄ ndágá náḿ náḿ ō, a ənīn̄ gotə kə ta njaá ō.

NŌŌ RƆ̄ 2:8

Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

JEREMI 21:14

M-ā m̄-rāāsí yá̰á̰ kə́ tōr̄ kə gō yá̰a̰ rāāsí gə̄. M-ā m-ə́la hor dɔ kāgə̄ kújə́ kə́ ngá̰ý gə̄ yā mban̄g tə́. A o̰o̰ yá̰a̰ gə̄ malang ń gīr̄ gidə ní

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

EJEKIEL 6:12

Ngé gə̄ ń ndin̄ sa̰y ní, a oy yo mo̰y ngāl̄bɔ̄gīí. Ngé gə̄ ń ndin̄ ngɔr ní, a a tɔ̄lə̄n̄də́ ta rɔ̄ɔ̄ tə́. Ngé gə̄ ń a teēn̄ ta yo tə́ ní, a oyn̄ yo ɓō. M-ā m̄-bəgā wōn̄g yāḿ dɔdə́ tə́ bátə́ ta tɔ̄l̄ ta tə́.

EJEKIEL 36:18

Nin̄ rāān̄ adə̄ dɔ nang téĺ kə́ yḛr, kə ta kūl̄ mósə́ ń nin̄ ɓōkə́n̄ nang tə́ núú ní ō, kə ta kūl̄ nə́ɓā yādə́ kə́ rɔ̄kum aĺ gə̄ ō. I tām̄ najə̄ ń toō tə́ n m̄-bə̄gā wōn̄g yāḿ kə́ ngá̰ý dɔdə́ tə́ ní.

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

NŌŌ RƆ̄ 2:1

I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

NŌŌ RƆ̄ 2:3

Ni-ɔr̄ tɔ́gə Israel malang kɔ̄ɔ́ kə wōngōó ngá̰ý. Tél kə jīn kə́ ko̰ó̰ kə̄ gogə́ ta kum madə̄ ba̰ā̰n tə́. Əla hor dɔ ɓē yā Jakob tə́ adə̄ o̰o̰ loo gīr̄ gidə.

NŌŌ RƆ̄ 2:4

Ndɔ́r̄ ga̰ gərā yān sɔɔ̄ń Jerusalem tītə̄ kə́ ni i madə̄ ba̰ā̰n beé ō, əhɔ jī ko̰o̰n dɔɔ́ tītə̄ nge rɔ̄ɔ̄ beé ō. Ni tɔ̄l̄ ngé gə̄ malang ń majən̄ ka̰ā̰ ngá̰ý ní. Ɓōkə́ wōn̄g yān kə́ ngá̰ý hor tə́ dɔ kújə tandā yā ngōmandə kə́ Siyo̰ tə́.