NŌŌ RƆ̄ 3:57 - Bibəl ta Sar̄

⁵⁷ Ndɔ̄ ń m̄-ɓārə́nń rīí tə́ ní, ḭ̄ ī-ndɔ́tə̄ kə̄ ngɔr rɔ̄ḿ tə́ ba ə́da na kə m̄-lōō ɓōĺ.

Bible sar

⁵⁷ Ndɔ̄ ń m̄-ɓārə́nń rīí tə́ ní, ḭ̄ ī-ndɔ́tə̄ kə̄ ngɔr rɔ̄ḿ tə́ ba ə́da na kə m̄-lōō ɓōĺ.

NŌŌ RƆ̄ 3:57 Referans Kwoze

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

IJAI 58:9

Dan ń ā ī-ɓāŕ yá̰a̰ anī, Kɔ́ɔ̄ɓē a ndigiī. Dan ń ā ə́ga kɔŕ anī, ni a əda na: Mā i laā! Yá̰á̰ kə́ a rējə̄ madí gə̄ ō, yá̰a̰ rāā kə́ a əla ɓōĺ kem deē tə́ ō, najə̄ kə́ adə̄ deē do ō ní, ré ī-rāādə́ adə̄ gətóon̄ kɔ̄ɔ́ kem ɓē yāí tə́ anī,

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

PĀ GƏ̄ 145:18

Kɔ́ɔ̄ɓē i ngɔr rɔ̄ de gə̄ malang ń a ɓāŕnən̄ tə́ ní, rɔ̄ de gə̄ malang ń a ɓāŕnən̄ kə́ rɔ̄kum tə́ ní.

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.

KƏLA RĀĀ 18:9

Kɔ́ɔ̄ɓē ndɔ̄bə̄ Pol ndɔ̄ɔ́ ndɔ̄ kógə̄ḿ tə́ ba ədan na: Ī-lōō ɓōĺ, ɔ̄r̄ najə̄ ba ī-lōō ndi kə taí kə́ mbóó,

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

PĀ GƏ̄ 69:18

Ī-tūr̄ gidií kɔ̄ɔ́ taḿ mā nge kəla yāí tə́ to̰ alé. Wur kɔl əsō dɔḿ tə́, ɔ́r bā̰ā̰ loo ndigəm̄ tə́ alé.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

HEBƏRO 7:19

Tɔdɔ̄ yá̰á̰ kə́ ndū najə̄ yā Moijə rāā adə̄ reē majə ɔtə̄ kə́ taá beé gətóo. Banī adə̄n̄jí kəndā kem dɔ tə́ kə́ majə tɔȳ kə́ kété. Adə̄ jə-ndɔ́tī ngɔr kə̄ rɔ̄ Nə́ɓā tə́, i kə ta kūl̄ kəndā kem dɔ tə́ ngeé ń toō.

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

2 MBAN̄G 19:6

anī ni ədadə́ na kə aw̄ kə ədan̄ ngoldə́ na Kɔ́ɔ̄ɓē əda na kə lōō ɓōĺ najə̄ kə́ to ngonjə̄ gə̄ ń ngé kəla yā mban̄g kə́ Asiri gə̄ ədan̄ dɔn ni Kɔ́ɔ̄ɓē tə́ á oō ní.

PĀ GƏ̄ 138:3

Ndɔ̄ ń m̄-ɓāríī á ī-ndigə ní, ḭ̄ ə́la go̰ kemḿ tə́ ō, ādə̄m̄ tɔ́gə ō.