NŌŌ RƆ̄ 3:3 - Bibəl ta Sar̄

³ Ni ɓir̄ jīn əndamə̄ń ba tél əndamə̄ń ɓáý to̰, dəloí bátə́ loo sɔl̄.

Bible sar

³ Ni ɓir̄ jīn əndamə̄ń ba tél əndamə̄ń ɓáý to̰, dəloí bátə́ loo sɔl̄.

NŌŌ RƆ̄ 3:3 Referans Kwoze

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

IJAI 1:25

Jerusalem, m-ā m̄-tūr̄ rɔ̄ḿ yā rɔ̄ɔ̄ seí. M-ā m̄-rāāī kadə̄ ā ūnjə̄ njáý njáý tītə̄ kə́ i kə katāá beē, m-ā m̄-rāā yedīí kadə̄ a yḛḛ̄ kɔ̄ɔ́, m-ā m-ɔ́ý yá̰á̰ kə́ yḛr yāí gə̄ kɔ̄ɔ́ malang.

Makətūbə̄ yā Job 31:21

Ré m-ún jīḿ kə́ ɓir̄ kə̄ dɔɔ́ yā kəndań ngōn̄ hal, tām̄ m̄-ger̄ kadə̄ ngé sarya gə̄ ndigən̄ najə̄ gōḿ tə́ anī,

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

PĀ GƏ̄ 38:2

Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

Makətūbə̄ yā Job 6:4

A̰á̰ā̰, Nə́ɓā kə́ tɔ́gən i ngá̰ý túrə̄m̄ kə kum gərā yān gēé, adə̄ dā̰ rɔ̄ḿ njíbə̄ kong kəga kə́ majaĺ ngá̰ý kə́ ta gərā yān gə̄ tə́. Yá̰a̰ gə̄ malang ń Nə́ɓā a əlań ɓōĺ kə́ ngá̰ý kem de gə̄ tə́ ní, əndān̄ rɔ̄də́ kə ta naá kə jī loo rɔ̄ɔ́ yā rɔ̄ɔ̄m̄.

Makətūbə̄ yā Job 16:12

m̄-ndi loo yāḿ jəke anī, ni-reē mbərem̄, əhɔm̄ gə́ra gōḿ tə́ ō, nujə seḿ sák sák kɔ̄ɔ́ ō, gō tə́ anī rāām̄ i yá̰á̰ kə́ yā kadə̄ ni ser kə gərā yān gēé tə́.

Makətūbə̄ yā Job 19:21

Sḭḭ̄ madə́ḿ gə̄, á̰a̰ī kum tō ndoō yāḿ tə́, á̰a̰ī kum tō ndoō yāḿ tə́, tɔdɔ̄ Nə́ɓā əndam̄.