NŌŌ RƆ̄ 2:9 - Bibəl ta Sar̄

⁹ Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

Bible sar

⁹ Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ *ndū najə̄ gətóo kɔ̄ɔ́. Tá *ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

NŌŌ RƆ̄ 2:9 Referans Kwoze

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

NEHEMI 1:3

Anī nin̄ tél ədamə̄n̄ na de gə̄ ní na ndin̄ na i gō nang kə́ Juda tə́. Banī ndin̄ na i dan yá̰á̰ kə́ to kum kaȳ aĺ kə́ ngá̰ý tə́ ō, kum rɔ̄sɔl̄ tə́ ō. Kə́ tām̄ yā ɓē kə́ Jerusalem tə́ ɓá anī ndogə̄ mbal̄ ń ənīn̄ dɔ tə́ ní dāmə̄n kə́rēý gə̄ na i kə́ tétə̄ nang tə́ kɔ̄ɔ́ ō, bápə gə̄ kə́ ta róbə gə̄ tə́ na i kə́ kəla hor dɔ tə́ kɔ̄ɔ́ ō.

2 YÁ̰A̰ GƏ̄ 15:3

Israel gə̄ ndin̄ kanjə̄ Nə́ɓā kə́ rɔ̄kum ō, kanjə̄ nge tun̄ yá̰á̰ kə́ yā ndóōdə́ yá̰a̰ ō, kanjə̄ ndū najə̄ ō, dan i ngá̰ý.

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

NDŪ NAJƏ̄ 28:36

Kɔ́ɔ̄ɓē a əlaī, ḭ̄ ō, mban̄g yāí ń ā ə̄ndā dɔí tə́ ní ō, jī nápar de gə̄ kə́ ḭ̄ gə̄gē, bɔbí gə̄gē ī-gerīdə́ aĺ tə́, kadə̄ ī-rāā kəla adə̄ ɓesə̄ kāgə̄ gə̄ kə ɓesə̄ mbal̄ gə̄ kem ɓē yādə́ tə́.

EJEKIEL 17:20

M-ā m-ə̄yā gūmbə̄ non tə́ ō, m-ā m-ə́hɔn dəngáy ō. M-ā m-āw̄ seneé Babilon, ba m-ā m̄-gān̄g sarya dɔn tə́ nú, tɔdɔ̄ ni-ra dɔ ndūn tə́ seḿ alé.

EJEKIEL 12:13

Mā Kɔ́ɔ̄ɓē m-ā m-ə̄yā gūmbə̄ non tə́ ō, m-ā m-ə́hɔn ō. M-ā m-āw̄ seneé kem ɓē yā Babilon gə̄ tə́, banī ni a asə ka̰a̰ ɓē ní aĺ ō, ni a oy i noó ō.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

NŌŌ RƆ̄ 4:15

Ré de gə̄ a̰a̰n̄ dɔdə́ kə̄ róbó anī, urən̄ kɔĺ ədan̄ na: Ī-téliī kə̄ gogə́, ī-téliī kə̄ gogə́, ī-lōōī kɔdə́də́ jīsí tə́. Nin̄ a̰ȳn̄ naā ō, dáȳn̄ dɔɔ́ ō. Nápar de gə̄ ədan̄ na: Nin̄ asən̄ ndi ɓē yājí tə́ alé.

NŌŌ RƆ̄ 1:3

Əhɔn̄ Juda aw̄n̄ seneé, ni i kə rɔ̄sɔlɔ̄ɔ́. Aw̄ i kə̄ ɓəloó. Ni-ndi i dan nápar de gə̄ tə́, adə̄ a̰a̰ loo ndi lɔm alé. Ngé rāā kumən ndoō tə́ gə̄ malang ngɔ̄də̄ əhɔnən̄ kɔgə̄ loo kógə̄ḿ tə́.

JEREMI 52:14

Ngol ngé ngɔ̄m̄ dɔ mban̄g un ndūn adə̄ ɓūtə̄ áskar gə̄ malang kə́ Kalde tə́ gə̄ adə̄ tɔ̄ɔ̄n̄ ndogə̄ mbal̄ kə́ gidə ɓē kə́ Jerusalem tə́ kɔ̄ɔ́.

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

JEREMI 39:2

Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

2 MBAN̄G 25:7

Tə́jān̄ míndə ngán Sedekias gə̄ ta kumən tə́. Gō tə́ anī Nabukodonosor tɔ́sə̄ kumən tɔ̄ɔ̄ ō, do̰ō̰n kə súĺ kə́ rāā kə nə̄ngá kasaá adə̄ ngan̄g ō, ba əla seneé Babilon.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

OJEE 11:6

I tām̄ najə̄ ń noō tə́ n rɔ̄ɔ̄ a əsō kə̄ kem ɓē yādə́ gə̄ tə́ ní, rɔ̄ɔ̄ ní nujə yá̰á̰ ń a ngɔ̄m̄də́ ní kɔ̄ɔ́, nujə yá̰a̰ malang kɔ̄ɔ́, tɔdɔ̄ Israel gə̄ númə̄n̄ rāā yá̰á̰ kə́ majaĺ gə̄.

AMOS 1:5

M-ā m̄-rāā kadə̄ yá̰á̰ rákə̄ ta róbə gə̄ kə́ Damas i kə́ ró̰ȳ kɔ̄ɔ́. Wól loo ń de gə̄ a rāān̄ majaĺ tū tə́ ní, adə̄ i ɓē ń de gə̄ a rāān̄ rɔ̄nel̄ tū tə́ ní, m-ā m̄-rāā kadə̄ mban̄g kə́ tū tə́ gətóo. Ba a tə̄ɓān̄ gír de kə́ Aram gə̄ yā kaw̄ sedə́ Kir dɔ gúú tə́. I Kɔ́ɔ̄ɓē n əda najə̄ ń noó ní.

NDŪ NAJƏ̄ 28:63

Tītə̄ ń ka̰a̰ gōsí kadə̄ ī-ndiī majə ō, rāā kadə̄ kutəsí i ngá̰ý ō, i yá̰á̰ kə́ nel̄ Kɔ́ɔ̄ɓē ngá̰ý ní, yá̰á̰ ń a tél yā nelə̄n ní i kəndā kumən gōsí tə́ yā rāań kadə̄ sḭḭ̄ ī-gətóoī kɔ̄ɔ́ ō, yā nujəńsí kɔ̄ɔ́ malang ō. Ni a ngḭ̄sí yā kɔr̄sí kɔ̄ɔ́ dɔ nang ń ā āwī kə̄ tū tə́ yā taā ní.

1 SAMUEL 28:6

Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

IJAI 24:12

I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.