NŌŌ RƆ̄ 2:8 - Bibəl ta Sar̄

⁸ Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

Bible sar

⁸ Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

NŌŌ RƆ̄ 2:8 Referans Kwoze

2 MBAN̄G 21:13

M-ā m̄-nujə ɓē kə́ Jerusalem tītə̄ ń m̄-nujəń ɓē kə́ Samari ō, de gə̄ kə́ gír kojə yā Akab tə́ ō ní. M-ā m̄-tə́go kem ɓē kə́ Jerusalem tītə̄ ń deē a tə́goń səmbē ba sébə kemən nang tə́ ní.

JEREMI 14:2

Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

IJAI 34:11

Kɔȳ múu gə̄ ō, kɔȳ mbə́rām̄jóo ō a ndin̄ kemeé, kɔȳ kōrōrōý ō, ká̰ā̰ ō, a rāān̄ ɓē kemeé. Kɔ́ɔ̄ɓē a nujə ɓē, adə̄ a to i tītə̄ loo kə́ ndágə doy keē ndi tū tə́ alé.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

EJEKIEL 20:22

Banī ré m̄-rāā yá̰á̰ ń noō aĺ anī, i tām̄ yā rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

NŌŌ RƆ̄ 2:5

Kɔ́ɔ̄ɓē rāā yá̰a̰ tītə̄ kə́ ni i madə̄ ba̰ā̰n beé. Nujə kə Israel ō, kə kújə yān kə́ majə ngá̰ý gə̄ ō, gidə kógə̄ḿ. Ni tɔ̄ɔ̄ kújə yān kə́ ngan̄g ngá̰ý gə̄ kɔ̄ɔ́. Rāā adə̄ de gə̄ nōōn̄ rɔ̄də́ ngá̰ý ō, to̰ō̰n̄ ō, kem ɓē yā ngōmandə kə́ Juda tə́.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 5:5

I beé ní, m̄-ndigə kədasí yá̰á̰ ń m̄-sāā rāā kə ndɔr̄ kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.

Makətūbə̄ yā Job 13:21

Ún jīí dɔḿ tə́ kɔ̄ɔ́. Ī-lōō kəla ɓōĺ kə́ ngá̰ý kemḿ tə́ to̰.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

NŌŌ RƆ̄ 2:18

Ngarā̰ kem de kə́ Jerusalem gə̄ nōō kə̄ dɔ Kɔ́ɔ̄ɓē tə́. Ndogə̄ mbal̄ yā ngōmandə kə́ Siyo̰, ə́ya̰ man̄ kumií ādə̄ a̰ȳ tītə̄ man̄ kə́ wól loo tə́ beé kadaá ō, ndɔ̄ɔ́ ō. Ī-lōō taā koō ō, ādə̄ kumií i kə nōó ō.

IJAI 22:5

Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.