Biblia Todo Logo
Bib sou entènèt

- Piblisite -




NŌŌ RƆ̄ 2:6 - Bibəl ta Sar̄

6 Ni bótə̄yō̰ gong kə́ kɔr gidə ndɔr̄ yān tə́ ō, nujə kə loo kán̄ naā yānneé kɔ̄ɔ́ ō. Kɔ́ɔ̄ɓē rāā adə̄ dɔ de kə́ Siyo̰ gə̄ ndígə̄nal rāā nāā gə̄ ō, ngɔ̄m̄ ndɔ̄ sabat ō. Ni-əla rɔ̄sɔl̄ dɔ mban̄g tə́ ō, dɔ nge tun̄ yá̰á̰ tə́ ō, kə wōngōó ngá̰ý.

Gade chapit la Kopi

Bible sar

6 Ni bótə̄yō̰ gong kə́ kɔr gidə ndɔr̄ yān tə́ ō, nujə kə loo kán̄ naā yānneé kɔ̄ɔ́ ō. Kɔ́ɔ̄ɓē rāā adə̄ dɔ de kə́ *Siyo̰ gə̄ ndígə̄nal rāā nāā gə̄ ō, ngɔ̄m̄ ndɔ̄ *sabat ō. Ni-əla rɔ̄sɔl̄ dɔ mban̄g tə́ ō, dɔ *nge tun̄ yá̰á̰ tə́ ō, kə wōngōó ngá̰ý.

Gade chapit la Kopi




NŌŌ RƆ̄ 2:6
25 Referans Kwoze  

tītə̄ kə́ ndɔ̄ rāā nāā tə́ beē. Kɔ́ɔ̄ɓē əda na: Jerusalem, m-ā m̄-rāā kadə̄ yá̰á̰ kə́ to kum kaȳ aĺ gətóo kɔ̄ɔ́ rɔ̄í tə́, yā kadə̄ rɔ̄í sɔlīiń to̰ alé.


Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.


Kɔ́ɔ̄ɓē teē kə̄ rɔ̄də́ tə́ anī, tə̄ndān̄ naā tḭ̄ḭ̄n̄ loo gə̄ tə́. Ni gḛy ka̰a̰də́ to̰ alé. Tɔdɔ̄ de gə̄ ɓōlə́n̄ ndíĺ ngé tun̄ yá̰a̰ gə̄ aĺ ō, rɔyn̄ kum kɔɔ̄ gə̄ aĺ ō.


I beé ní, ta i dɔḿ tə́ kadə̄ m̄-sə̄lā ngán Israel gə̄ dɔsí tə́, kadə̄ kídə̄n̄sí ō, télən̄ sesí kə̄ nang tə́ ō. Tām̄ sḭḭ̄ ōōī taḿ aĺ ō, dan ń úniī ndū najə̄ yā rāań kəla anī, ɔ̄rī kam̄ de gə̄ naā tə́ ō.


Usə mban̄g kə́ Israel tə́ dɔ túbə́ ń ni túbə́ tə́ ní alé, adə̄ ni-ra dɔ ndūdə́ ń ənīn̄ adə̄n̄ naā tə́ ní alé. Dan ń ni ənī ndūn pá tá rāā yá̰a̰ beé ní, ni a teē kum tə́ alé.


Nin̄ kɔ́ gə̄ ənīn̄ kəlā míndə ngār gə̄ tə́ kə jīdə́ tɔ̄l̄neédə́ ō, rɔyn̄ kum kɔɔ̄ gə̄ aĺ ō.


Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.


Kɔ́ɔ̄ɓē, yá̰á̰ kə́ to kum kaȳ aĺ gə̄ ń toō usiī alé a? Ásə ndi taí mbóo ō, rējə̄jí kə rɔ̄sɔl̄ kə́ deē asə tə́gā tan gírí aĺ ō a?


Jḭḭ ń i gír deē yāí kə́ táĺ gə̄ ní, j-ənge dɔ nang yá̰a̰ ndəbā tə́ dan i ngá̰ý alé. Madə̄ ba̰ā̰jí gə̄ rāān̄ loo yāí kə́ táĺ adə̄ téĺ kə́ yḛr kɔ̄ɔ́.


Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.


I beé ní, m̄-ndigə kədasí yá̰á̰ ń m̄-sāā rāā kə ndɔr̄ kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.


Ī-dəbaī ta reē kə yá̰a̰ ndējə̄ gə̄ kə́ kanjə̄ kumən gēé kadəm̄! Sa, i yá̰á̰ kə́ nelə̄m̄ aĺ ngá̰ý. Sḭḭ̄ ī-rāāī nāā kə́ teē kijə ō, nāā ndɔ̄ sabat ō, ə̄ndāī kán̄ naā kə́ bo gə̄ ō, kum mbang nəkɔ́ ń noō tə́ ɓáa sḭḭ̄ ī-rāāī yá̰á̰ kə́ majaĺ gə̄ ō. M-ásə́ tə́gā taḿ dɔ tə́ to̰ alé.


I ɓē kə́ Siyo̰ ngóy n teē ní. Ni to tītə̄ dabə kə́ ra kem ndɔr̄ kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.


Ḭ̄ ī-tūr̄ ndūí ń ə̄nī ādə̄ nge kəla yāí ní kɔ̄ɔ́, ə̄nī jākā mbang yān nang tə́, ī-rāā ādə̄ téĺ yá̰á̰ kə́ yḛr.


Ni al̄ bátə́ ugə̄ bā bo tə́ ō, ta jīn kə́ tɔ̄ɔ̄ gə̄ aw̄n̄ bátə́ ugə̄n̄ bā Opəratə tə́ ō.


Nə́ɓā rāā adə̄ ger̄nən̄ dɔ nang kə́ Juda tə́, rīn ɓār̄ ngá̰ý dɔ nang kə́ Israel tə́.


Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.


Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.


M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.


Nin̄ əlan̄ hor dɔ loo kə́ táĺ yāí tə́ tétə̄n̄ kújə ndií nang tə́ kɔ̄ɔ́ ō, rāān̄ adə̄ tél loo kə́ yḛr ō.


M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.


Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.


Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.


Swiv nou:

Piblisite


Piblisite