NŌŌ RƆ̄ 2:3 - Bibəl ta Sar̄

³ Ni-ɔr̄ tɔ́gə Israel malang kɔ̄ɔ́ kə wōngōó ngá̰ý. Tél kə jīn kə́ ko̰ó̰ kə̄ gogə́ ta kum madə̄ ba̰ā̰n tə́. Əla hor dɔ ɓē yā Jakob tə́ adə̄ o̰o̰ loo gīr̄ gidə.

Bible sar

³ Ni-ɔr̄ tɔ́gə Israel malang kɔ̄ɔ́ kə wōngōó ngá̰ý. Tél kə jīn kə́ ko̰ó̰ kə̄ gogə́ ta kum madə̄ ba̰ā̰n tə́. Əla hor dɔ ɓē yā Jakob tə́ adə̄ o̰o̰ loo gīr̄ gidə.

NŌŌ RƆ̄ 2:3 Referans Kwoze

PĀ GƏ̄ 74:11

Ī-tél kə jīí kə̄ rɔ̄í tə́ kɔ̄ɔ́ i tām̄ rí tə́? Ī-tél kə jī ko̰í ə́hɔ kadií tə́ i tām̄ rí tə́?

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

PĀ GƏ̄ 75:10

Banī mā m-ā m-ə̄nī gotə yá̰a̰ gə̄ ń noō ngándáńg. M-ā m-ə̄nī pā yā rɔȳń Nə́ɓā yā Jakob.

PĀ GƏ̄ 75:5

M-ə́dá ngé kɔjə rɔ̄də́ gə̄ na ī-lōōī kɔjə rɔ̄sí gogə́ ō, m-ə́dá ngé mbātə́ Nə́ɓā gə̄ na ī-lōōī kɔr̄ dɔsí dɔɔ́ ō.

JEREMI 48:25

Tɔ́gə Moab təgā malang kɔ̄ɔ́ jīn i kə́ tetə kɔ̄ɔ́. Najə̄ ń Kɔ́ɔ̄ɓē əda ní n noó.

PĀ GƏ̄ 89:46

Ī-gān̄g ta ɓāl̄ balsáa yān kɔ̄ɔ́, ə́la rɔ̄sɔl̄ dɔn tə́.

PĀ GƏ̄ 79:5

Kɔ́ɔ̄ɓē, ā ī-rāā wōn̄g kə́ dan gān̄g aĺ sejí i bátə́ ta kə́ rá? Jang yāí a o̰o̰ loo kə́ hor tə́ i bátə́ ta kə́ rá?

Najə̄ kə́ Majə yā Jeju ń Luk ndang ní 3:17

Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.

Najə̄ kə́ Majə yā Jeju ń Luk ndang ní 1:69

Ni teē kə nge kajə de gə̄ kógə̄ḿ kə́ tɔ́gən i ngá̰ý adə̄jí, teē seneé i dan de gə̄ kə́ gír kaa yā nge kəla yān Dabid tə́.

JEREMI 21:14

M-ā m̄-rāāsí yá̰á̰ kə́ tōr̄ kə gō yá̰a̰ rāāsí gə̄. M-ā m-ə́la hor dɔ kāgə̄ kújə́ kə́ ngá̰ý gə̄ yā mban̄g tə́. A o̰o̰ yá̰a̰ gə̄ malang ń gīr̄ gidə ní

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

PĀ GƏ̄ 132:17

M-ā m̄-rāā kadə̄ a ojən̄ mban̄g kógə̄ḿ kə́ tɔ́gən i ngá̰ý, gír yā Dabid tə́ kem ɓē kə́ Siyo̰ tə́ ō, m-ā m̄-rāā gō lámba tām̄ yā nge ń m-úr yibə̄ dɔn tə́ ní ō.

PĀ GƏ̄ 89:24

Tɔdɔ̄ m-ā m̄-rējə̄ ngé rɔ̄ɔ̄n gə̄ ta kumən tə́, ngé gə̄ ń a im̄nən̄ ní m-ā m-ə́ndádə́.

Makətūbə̄ yā Job 16:15

M-ūr̄ kūbə̄ kəhɔ ndoō m-ə́la rɔ̄ḿ tə́ m-ūtəń tə́re doo gə̄ ō, m-ə́la nɔtə noḿ kum bumbə́rú tə́ ō.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

2 YÁ̰A̰ GƏ̄ 34:25

Tɔdɔ̄ de kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā kə́ rang gə̄. Yá̰a̰ malang ń rāān̄ ní adə̄m̄ wōn̄g ngá̰ý. Wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a tetə láẃ alé.

NŌŌ RƆ̄ 1:13

Ni-ndi i dɔɔ́ nú ba əla hor adə̄ udə kem kə̄ngāḿ tə́. Ni i kɔ́ɔ̄ yá̰a̰. Ni-ənī réng róbə́ḿ tə́, rāām̄ adə̄ m-ə̄sō kə gōḿ. Rāām̄ adə̄ m̄-tél dəyá̰ kə́ deē teē tan tə́ alé, rɔ̄ḿ tōrə̄m̄ kə dɔ ndɔ̄ gə̄ ō.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

EJEKIEL 7:14

De gə̄ a kɔ̄rə́n̄ bərúnjə ngá̰ý ō, a əndān̄ dɔ yá̰a̰ malang danaá kɔ̄ɔ́ ō ɓá tā, ba deē kógə̄ḿ kə́ yā kaw̄ ta rɔ̄ɔ̄ tə́ a gətóo. Tɔdɔ̄ wōn̄g rāām̄ i kə ngán Israel gēé malang.

EJEKIEL 13:13

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Kem wōn̄g yāḿ kə́ ngá̰ý tə́ ní, m-ā m̄-rāā kadə̄ nél man̄ kə́ bo ngá̰ý a əla kə tɔ́gɔ́ ngá̰ý ō, m-ā m̄-rāā kadə̄ man̄ a edə ngá̰ý ō. Kɔ̄sə̄ a tə́sō kə ngangá ngá̰ý yā nujə yá̰a̰ malang kɔ̄ɔ́.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.