NŌŌ RƆ̄ 2:2 - Bibəl ta Sar̄

² Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

Bible sar

² Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ *Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

NŌŌ RƆ̄ 2:2 Referans Kwoze

NŌŌ RƆ̄ 3:43

Ūtə̄ rɔ̄í kem wōn̄g kə́ ngá̰ý tə́ ba ī-rāājí yá̰á̰ kə́ tōr̄ gə̄ ō, ī-tɔ̄l̄jí kanjə̄ kadə̄ kumií o̰o̰ī ō.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

IJAI 25:12

Ḭ̄ Moab, ndogə̄ mbal̄ yāí gə̄ ń ā ī-rɔ̄ɔń dɔ rɔ̄í tə́ ní, nin̄ ń ngɔ̄mīn̄ majə ngá̰ý ní, Kɔ́ɔ̄ɓē tetədə́ nang tə́, ni mbə́rē tə́nīdə́ kɔ̄ɔ́, tə́nīdə́ nang tə́ kum bumbə́rú tə́.

PĀ GƏ̄ 21:9

Ā ə́hɔ madə̄ ba̰ā̰í gə̄ malang kə jīí. Ā ə́hɔ́ ngé kənīī rɔ̄ɔ̄ gə̄ kə jī ko̰í.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.

NŌŌ RƆ̄ 2:5

Kɔ́ɔ̄ɓē rāā yá̰a̰ tītə̄ kə́ ni i madə̄ ba̰ā̰n beé. Nujə kə Israel ō, kə kújə yān kə́ majə ngá̰ý gə̄ ō, gidə kógə̄ḿ. Ni tɔ̄ɔ̄ kújə yān kə́ ngan̄g ngá̰ý gə̄ kɔ̄ɔ́. Rāā adə̄ de gə̄ nōōn̄ rɔ̄də́ ngá̰ý ō, to̰ō̰n̄ ō, kem ɓē yā ngōmandə kə́ Juda tə́.

IJAI 26:5

Ni-rāā ngé ndi ɓē loo kə́ kḭḭ kə̄ dɔɔ́ gə̄ tə́ adə̄ tə́sōn̄. Ni mbəre ɓē bo kə́ de gə̄ ngɔ̄mə̄n̄ majə ngá̰ý ənīn. Ni-tél seneé bátə́ ugə̄ seneé nang tə́, ənīn kum bumbə́rú tə́.

2 KORḚNTƏ 10:4

Tɔdɔ̄ yá̰a̰ rɔ̄ɔ̄ gə̄ ń j-a jə-rɔ̄ɔń ní, i deē ndul n rāā ní alé. Ba i yá̰a̰ rɔ̄ɔ̄ kə́ ngan̄g gə̄ yā Nə́ɓā yā nujəń kújə́ kə́ ngan̄g gə̄. Jə-nujə gír̄ kə́ gō tə́ aĺ gə̄ kɔ̄ɔ́ ō,

MATIYE 18:33

ba ədan na: Nge kəla kə́ nge kem ndul, m-ə́ya̰ kə̄rā yāḿ kə́ dɔí tə́ kɔ̄ɔ́ tɔdɔ̄ ī-rāām̄ ɓɔ́. Ní, majə kadə̄ á̰a̰ kum tō ndoō yā madí tītə̄ ń mā m-á̰a̰ń kum tō ndoō yāí ní ō aĺ a?

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

EJEKIEL 7:9

Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

IJAI 23:9

I Kɔ́ɔ̄ɓē kə́ bo kə́ tɔ́gən i ngá̰ý, i yā nujəń kɔjə rɔ̄ yā de gə̄ ń de gə̄ rɔȳn̄də́ ní, i yā téləń kə de kə́ bo kə́ dɔ nang tə́ laā gə̄ kə̄ nang tə́.

Makətūbə̄ yā Job 2:3

Anī Kɔ́ɔ̄ɓē dəjen najə̄ ədan na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō. Ni-əhɔ rɔ̄n tɔgə kem háĺ kə́ gōtə́ yān tə́, banī ḭ̄ ī-ra seḿ ta rāān yá̰á̰ kə́ gōtə́ aĺ kanjə̄ kumən.

PĀ GƏ̄ 74:7

Nin̄ əlan̄ hor dɔ loo kə́ táĺ yāí tə́ tétə̄n̄ kújə ndií nang tə́ kɔ̄ɔ́ ō, rāān̄ adə̄ tél loo kə́ yḛr ō.

IJAI 22:5

Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

MISE 5:14

Gō tə́ anī, gotə nápar de gə̄ ń oōn̄ taḿ aĺ ní, m-ā m̄-dal ba̰ā̰ dɔdə́ tə́ kə wōn̄g kə́ ngá̰ý.

NDŪ NAJƏ̄ 28:52

Nin̄ a gīrə̄n̄ gidə ɓē yāí gə̄ malang yā rɔ̄ɔ̄īneé bátə́ kadə̄ ndogə̄ mbal̄ kə́ ngan̄g yāí gə̄ ń ə̄ndā kemií dɔ tə́ ní ɓéngə̄lēn̄ kɔ̄ɔ́ malang. A gīrə̄n̄ gidə ɓē yāí gə̄ malang dɔ nang ń Kɔ́ɔ̄ɓē Nə́ɓā yāí adī tə́ ní yā rɔ̄ɔ̄īneé.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.