NŌŌ RƆ̄ 2:12 - Bibəl ta Sar̄

¹² Nin̄ dəjen̄ kó̰ó̰də́ gə̄ na: Kōō gémē ō, kasə nduú ō i rá? Nin̄ ton̄ kə́ yo tə́ tītə̄ ngé kənge do gə̄ kə́ ton̄ ndágə loo gə̄ kə́ kem ɓēé tə́ beé ō, koōdə́ teē kɔ̄ɔ́ kə̄ jī kó̰ó̰də́ gə̄ tə́ ō.

Bible sar

¹² Nin̄ dəjen̄ kó̰ó̰də́ gə̄ na: Kōō gémē ō, kasə *nduú ō i rá? Nin̄ ton̄ kə́ yo tə́ tītə̄ ngé kənge do gə̄ kə́ ton̄ ndágə loo gə̄ kə́ kem ɓēé tə́ beé ō, koōdə́ teē kɔ̄ɔ́ kə̄ jī kó̰ó̰də́ gə̄ tə́ ō.

NŌŌ RƆ̄ 2:12 Referans Kwoze

EJEKIEL 30:24

M-ā m̄-rāā mban̄g kə́ Babilon kadə̄ tɔ́gə jīn to tɔȳ kə́ kété ō, m-ā m-ə́la kaskar yāḿ jīn tə́ ō. M-ā m̄-tétə̄ jī mban̄g kə́ Ejiptə kɔ̄ɔ́ ō, ni a sōḿ tītə̄ de kə́ ənge do kə́ asə yon beé ō.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

Makətūbə̄ yā Job 30:16

Ngɔlaā kajə yāḿ teē rɔ̄ḿ tə́ tītə̄ man̄ kə́ a də̄yā̰ kɔ̄ɔ́ beé. Ndɔ̄ kə́ majaĺ gə̄ əhɔmə̄n̄ kə̄ rɔ̄də́ tə́ adə̄ ngan̄g.

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

NŌŌ RƆ̄ 4:4

Kəndā man̄ rāā ngōn̄ kə́ ta mba tə́ adə̄ ndo̰o̰n labə̄ ngaān tə́. Ngán gə̄ nōōn̄ najə̄ yá̰a̰ kəsa tə́ banī deē sḛ́ý kə́ adə̄də́ gətóo.

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

NŌŌ RƆ̄ 1:11

Gír deē yān gə̄ malang a nōōn̄ i ɓō, nin̄ a sāān̄ i yá̰a̰ kəsa. Adə̄n̄ yá̰a̰ yādə́ kə́ majə ngá̰ý gə̄ gíŕ yá̰a̰ kəsa tə́, tām̄ kadə̄ kə n-ndin̄neé kə kumdə́. Anī ni ndɔ̄ȳ Nə́ɓā, ə́da na: Kɔ́ɔ̄ɓē, á̰á̰ kídə̄ ń kídə̄mə̄n̄ toó.