NŌŌ RƆ̄ 2:11 - Bibəl ta Sar̄

¹¹ Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

Bible sar

¹¹ Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

NŌŌ RƆ̄ 2:11 Referans Kwoze

NŌŌ RƆ̄ 1:20

Kɔ́ɔ̄ɓē, á̰a̰ wur kɔl yāḿ, kemḿ təngām̄ ngá̰ý loon tə́. Ngarā̰ kemḿ nujə, tɔdɔ̄ mā i nge mbātə́ najə̄ rɔ̄kum. Kaskar tɔ̄ɔ̄ kōōdə́ kə gō gidə looó ō, yo nujə loo kem ɓēé ō.

NŌŌ RƆ̄ 1:16

Yá̰á̰ ń m̄-nōō najə̄n tə́ ní, rāā adə̄ kumḿ tetə man̄ jōó mbak. Tɔdɔ̄ nge sɔl̄ kemḿ ō, nge kadə̄m̄ tɔ́gə kadə̄ m̄-ndiń kə kumḿ ō, ɔr̄ rɔ̄n kɔ̄ɔ́ sa̰y rɔ̄ḿ tə́. Ngánə́ḿ gə̄ nujən̄ kɔ̄ɔ́, tɔdɔ̄ tɔ́gə madə̄ ba̰ā̰ḿ tɔȳ yādə́.

Makətūbə̄ yā Job 16:13

Kum gərā yān gə̄ ń ni túr̄də́ ní gīrə̄n̄ gidəḿ əlan̄ ta naā tə́ gejə. Ni túrə̄m̄ kə kum gərā yān gēé, adə̄ kum gərā ɔsə dūnə̄ḿ teē dām̄ kə́rēý tə́ kanjə̄ kadə̄ ni-a̰a̰ kum tō ndoō yāḿ ō, ni-rāā adə̄ ɗa̰ýḿ də̄yā̰ nang tə́ ō.

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

IJAI 22:4

I tām̄ najə̄ ń toō tə́ n m-ə́dásí najə̄ ń toō ní: Ə̄ndāī kumsí gōḿ tə́ to̰ alé, ə́ya̰mī ādə̄ m̄-nōō kə wur katāá. Nujən̄ gír deē yāḿ gə̄ kɔ̄ɔ́, ba ī-lōōī nāā sɔl̄ kemḿ.

PĀ GƏ̄ 22:14

Ton̄ tītə̄ ɓɔl kɔ̄r̄ gə̄ kə́ a nōōn̄ ō, teēn̄ nga ngá̰də́ taḿ tə́ ō.

PĀ GƏ̄ 6:7

m̄-to̰ō̰ bátə́ adə̄ kɔr to̰ō̰ taā tɔ́gə́ḿ kɔ̄ɔ́. Man̄ kumḿ nɔ̄l̄ tə̄rá yāḿ ndɔ̄ɔ́ kə dɔ ndɔ̄ gə̄. Man̄ nōō kə́ kumḿ tə́ nɔ̄l̄ yá̰a̰ toḿ.

Najə̄ kə́ Majə yā Jeju ń Luk ndang ní 23:29

Tɔdɔ̄ á̰a̰ī, ndɔ̄ gə̄ a reēn̄ noó kadə̄ a ədan̄ na: Rɔ̄nel̄ i yā dəyá̰ kə́ kujə gə̄! Rɔ̄nel̄ i yā ngé gə̄ ń ojən̄ ngōn̄ aĺ ní! Rɔ̄nel̄ i yā ngé gə̄ ń adə̄n̄ ngōn̄ mba aĺ ní!

JEREMI 44:7

Ngɔlaā ní Kɔ́ɔ̄ɓē Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: I tām̄ rí tə́ á sḭḭ̄ kɔ́ gə̄ ī-rāāī rɔ̄sí yá̰á̰ kə́ tōr̄ kum kə̄ kété kété, bátə́ adə̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngáń kásə̄ gə̄ ō, a oyn̄ yā təgā Juda tə́ kanjə̄ kadə̄ gotə de gə̄ sḛ́ý ndin̄ kə kumdə́ ní.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?

PĀ GƏ̄ 69:3

M-údə kum bɔr kə́ lú ngá̰ý tə́ kə́ loo kə́ ngan̄g gətóó gírí ō, yá̰á̰ kə́ yā kəhɔm̄ kə̄ dɔɔ́ gətóo tū tə́ ō. Mā i dan ɓūlūú. Katə man̄ əjam̄ aw̄ seḿ.

PĀ GƏ̄ 31:9

Ḭ̄ ə́ya̰m̄ ādə̄ m-ə̄sō kem jī madə̄ ba̰ā̰ḿ kógə̄ḿ tə́ alé. Ḭ̄ úń údəm̄ dɔɔ́ gogə́ ō, ī-taā ə́ya̰m̄ dɔɔ́ ō.

1 SAMUEL 30:4

Dabid nin̄ kə madə̄n gēé mbutən̄ kə̄ nōō tə́ nōōn̄ bátə́ adə̄ tɔ́gə́də́ kə́ yā kadə̄ nōōn̄neé to̰ gətóo kɔ̄ɔ́.

IJAI 38:14

m̄-nōō tītə̄ yel̄ gabə kɔsə beé, nōō yāḿ to tītə̄ nōō dér gutə beé. Kɔr asə kumḿ nák loo ka̰a̰ loo tə́ kum kə̄ dɔ rā̰ tə́. Kɔ́ɔ̄ɓē, tɔ́gə́ḿ ur̄ wak kɔ̄ɔ́, ī-rāā yá̰á̰ kógə̄ḿ tām̄ yāḿ tə́!

Makətūbə̄ yā Job 30:27

Kemḿ négə́m̄ wut wut kanjə̄ dəba. Ndɔ̄ kə́ majaĺ gə̄ teēn̄ dɔḿ tə́.

PĀ GƏ̄ 38:8

Tɔdɔ̄ dūnə̄ḿ təngām̄ tólóló, rɔ̄ḿ i do malang.

PĀ GƏ̄ 119:82

Kumḿ roō kɔ̄ɔ́ loo ndəle yá̰a̰ gə̄ ń ɔ́sə kə de gēé ta rāā ní tə́. adə̄ m-ə́da na: Ā ī-sɔl̄ kemḿ i rə́ngáý tə́?

NŌŌ RƆ̄ 5:17

Á̰a̰ī yá̰á̰ ń rāā yá̰á̰ á rɔ̄jí malang tōr̄jí ní ō, yá̰á̰ ń rāā yá̰á̰ á loo əga til ta kumjí tə́ ō ní n toó:

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

NŌŌ RƆ̄ 1:11

Gír deē yān gə̄ malang a nōōn̄ i ɓō, nin̄ a sāān̄ i yá̰a̰ kəsa. Adə̄n̄ yá̰a̰ yādə́ kə́ majə ngá̰ý gə̄ gíŕ yá̰a̰ kəsa tə́, tām̄ kadə̄ kə n-ndin̄neé kə kumdə́. Anī ni ndɔ̄ȳ Nə́ɓā, ə́da na: Kɔ́ɔ̄ɓē, á̰á̰ kídə̄ ń kídə̄mə̄n̄ toó.