NŌŌ RƆ̄ 2:10 - Bibəl ta Sar̄

¹⁰ Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

Bible sar

¹⁰ Kum kɔɔ̄ gə̄ yā ngōmandə kə́ *Siyo̰ ndin̄ nang tə́ tadə́ mbóo. Ba ɔyn̄ *bumbə́ru kə̄ dɔdə́ tə́ ō, o̰ō̰n̄ *kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

NŌŌ RƆ̄ 2:10 Referans Kwoze

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

IJAI 15:3

Nin̄ əlan̄ kūbə̄ kəhɔ ndoō rɔ̄də́ tə́ njə̄rān̄neée kum róbə kɔsə gə̄ tə́. Nin̄ ran̄ kə̄ ta kújə gə̄ tə́ ō, kə̄ ndágə loo gə̄ tə́ ō ənīnəń pā yo ō, de gə̄ malang nōōn̄ ō.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

NŌŌ RƆ̄ 3:28

Majə kadə̄ deē tél kə̄ gogə́ sḛ́ý ba ndi tan mbóo, tɔdɔ̄ i yá̰á̰ ń Kɔ́ɔ̄ɓē əndā dɔn tə́ ní.

NŌŌ RƆ̄ 1:4

Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

JEJU TEĒ KUM JA̰A̰ 18:19

Nin̄-əgan̄ bumbə́ru kə̄ dɔdə́ tə́ dɔdə́ tə́ ō əgan̄ kɔŕ ō, nōōn̄ ō, əhɔn̄ ndoō ō, ba ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń ngé to bo gə̄ kə́ dɔ bā bo gə̄ tə́ malang əngen̄ yá̰a̰ i kə ta kūl̄neé ní, nujə sák sák kɔ̄ɔ́ i kum mbang kógə̄ḿ beē ngóy.

AMOS 8:13

Ndɔ̄ ń noō tə́ ní, kəndā man̄ a taā tɔ́gə́ ngáń kə́ dəyá̰ kə́ mandə ngá̰ý gə̄ ō, balsáa gə̄ ō.

AMOS 5:13

Kum mbang ń toō i kum mbang yā yá̰á̰ kə́ to kum kaȳ aĺ. I tām̄ najə̄ ń toō tə́ n nge kum kedə̄ ndi kə tan kə́ mbóó ní.

JOEL 1:8

Ī-nō rɔ̄í, tītə̄ ngōmandə kə́ ger̄ dəngam aĺ ɓáý kə́ o̰ō̰ sákə̄ kūbə̄ rɔ̄n tə́, yā nōoń dəngam ń əhɔ gātə̄n dan ń ni i mandən tə́ ní.

EJEKIEL 27:31

Nin̄ dəsān̄ dɔdə́ ō, a o̰o̰n̄ kūbə̄ kəhɔ ndoō ō, najə̄ yāí tə́. Nin̄ a nōōīn̄ kə man̄ kumdə́, tɔdɔ̄ kemdə́ nel̄də́ aĺ ngá̰ý ō, nin̄ a nōōn̄ rɔ̄də́ kə wur katāá ō.

NŌŌ RƆ̄ 5:14

Kum kɔɔ̄ gə̄ lōōn̄ gír kaw̄ loo koō naā dɔ najə̄ tə́ ō, balsáa gə̄ lōōn̄ gír taā pā tə́ ō.

NŌŌ RƆ̄ 5:12

Nin̄ kɔ́ gə̄ ənīn̄ kəlā míndə ngār gə̄ tə́ kə jīdə́ tɔ̄l̄neédə́ ō, rɔyn̄ kum kɔɔ̄ gə̄ aĺ ō.

NŌŌ RƆ̄ 4:16

Kɔ́ɔ̄ɓē teē kə̄ rɔ̄də́ tə́ anī, tə̄ndān̄ naā tḭ̄ḭ̄n̄ loo gə̄ tə́. Ni gḛy ka̰a̰də́ to̰ alé. Tɔdɔ̄ de gə̄ ɓōlə́n̄ ndíĺ ngé tun̄ yá̰a̰ gə̄ aĺ ō, rɔyn̄ kum kɔɔ̄ gə̄ aĺ ō.

NŌŌ RƆ̄ 4:5

Ngé kəsa yá̰á̰ kə́ majə gə̄ nujən̄ sák sák kɔ̄ɔ́ kum róbə kɔsə gə̄ tə́. Ngé ndi majə ngá̰ý gə̄ ndəlen̄ yá̰a̰ kəsa dɔ bū loo tə́.

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

IJAI 47:5

Ɓē yā Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

IJAI 36:22

Gō yá̰á̰ ń noō tə́ anī, Eliakim kə́ ngōn̄ Hilkia ń i ngār kə́ dɔ kújə ngol yā mban̄g tə́ ní ō, Sebəna nge ndang makətūbə̄ ō, Yoa kə́ ngōn̄ Asap ń i ngōmbang kəla yā mban̄g ní ō, rə́yā̰n̄ kūbə̄ yādə́ gə̄. Nin̄ tél reēn̄ rɔ̄ Ejekias tə́ ba ɔjənən̄ gotə najə̄ ń ngol áskar gə̄ kə́ dɔ madə̄ gə̄ tə́ ń i de kə́ Asiri ní əda ní.

2 SAMUEL 13:19

Tamar ɔy bū hor rāā dɔn tə́ ō, kūbə̄ yān kə́ majə ngá̰ý ń rɔ̄n tə́ ní, əhɔ rə̄yā̰ ō. Ni ɓōkə́ jīn dɔn tə́ ba ɔtə aw̄ kə nōō gēé.

IJAI 3:24

Sēē yá̰á̰ kə́ ndum a otə kum gotə ítər gə̄ ō, kəlā kə́ karī a un gotə ndāŕ kəhɔ ɓōdə̄ ō. Dɔ kə́ dəsā a un gotə dɔ kə́ tūmə̄n tə́la naā ngá̰ý ō, kūbə̄ kəhɔ ndoō kə́ rāā kə sákə̄ kə́ ndo̰ō̰ huyuyu a un gotə kūbə̄ kə́ majə ngá̰ý kə́ gātə̄n i ngá̰ý ō. Tə́re rɔ̄sɔl̄ a un gotə majə kə́ rɔ̄ deē majə ō.

EJEKIEL 27:30

Nin̄ a nōōn̄ rɔ̄də́ dɔí tə́, kə nōō kə́ kə wur katāá. Nin̄ a əgan̄ bumbə́ru kə̄ dɔdə́ tə́ ō, a wángə̄lān̄ kum bū tə́ ō, yā kɔjəń rɔ̄nelāĺ yādə́ kə̄ ndágá.

JONAS 3:6

Mban̄g kə́ Ninibə oō kōō yá̰á̰ ní. Anī ni-ḭḭ kɔ̄ɔ́ dɔ kōr̄ kāgə̄ mbang yān tə́. Ni-ɔr̄ kūbə̄ mban̄g kə́ rɔ̄n tə́ kɔ̄ɔ́, ba əla kūbə̄ kəhɔ ndoō rɔ̄n tə́ ō, ndi kum bū tə́ ō.