NŌŌ RƆ̄ 2:1 - Bibəl ta Sar̄

¹ I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

Bible sar

¹ I ba̰ý á Kɔ́ɔ̄ɓē utə̄ dɔ ngōmandə kə́ *Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā *Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

NŌŌ RƆ̄ 2:1 Referans Kwoze

PĀ GƏ̄ 132:7

J-udiī kem kújə ndi Kɔ́ɔ̄ɓē tə́, j-ɔsiī nojí nang tə́ no loo kəndā nja yān tə́.

1 YÁ̰A̰ GƏ̄ 28:2

Mban̄g Dabid ḭḭ ra dɔɔ́ ba ədadə́ na: Ngákó̰ó̰ḿ gə̄ ō, gír deē yāḿ gə̄ ō, ōōī najə̄ ń m-ā m-ə́dásí ní. m̄-gír̄ rāā kújə́ kə́ yā kadə̄ sandúkə madə̄ naā yā Kɔ́ɔ̄ɓē ń i kōr̄ kāgə̄ kəndā nja yā Nə́ɓā yājí ní ndi kemeé. Adə̄ m-ɔ́sə dɔ yá̰a̰ gə̄ naā tə́ malang yā rāań kújə́ ní,

Najə̄ kə́ Majə yā Jeju ń Luk ndang ní 10:18

Anī Jeju tél ədadə́ na: M-á̰a̰ Sətan ḭḭ dɔ rā̰ tə́ əsō tītə̄ man̄ kə́ tel̄ beé.

MATIYE 11:23

Ba ḭ̄, ɓē kə́ Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá. Tɔdɔ̄ yá̰á̰ kə yáā gə̄ ń rāān̄ yá̰a̰ looí ní ré rāān̄ yá̰a̰ i Sodom anī, ɓōólaā ń toō gə̄gē ní ɓē kə́ Sodom a ndi noó ɓáý.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

EJEKIEL 30:18

Dan ń m-ā m̄-tetə tɔ́gə ɓē kə́ Ejiptə kɔ̄ɔ́, adə̄ tɔ́gən ń a ɔjəń rɔ̄n ní gətóo kɔ̄ɔ́ anī, mbang a əɓa dɔ ɓē kə́ Tapanes tə́ alé. Kil̄ man̄ kə́ ndul ndí ndḭ́ a utə̄ dɔ ɓē kɔ̄ɔ́ ō, a ɔyn̄ de gə̄ ń ndin̄ gō nang kə́ kadə tə́ gə̄ ní yā kaw̄ sedə́ dɔ ɓē kə́ rang tə́ dɔ gúú tə́.

PĀ GƏ̄ 99:5

Ɔ́siī gɔn Kɔ́ɔ̄ɓē Nə́ɓā yājí, ɔ́siī nosí nang tə́ no yá̰a̰ kəndā nja yān tə́! Ni i de kə́ táĺ!

Najə̄ kə́ Majə yā Jeju ń Luk ndang ní 10:15

Ba ḭ̄, Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

NŌŌ RƆ̄ 4:1

I rí n rāā yá̰a̰! Lɔ́r ń i yá̰á̰ kə́ ndə́lē pir pir ō, i gində̄ kə́ majə páráńg ō ní, kumən oy a? I rí n rāā yá̰á̰ á mbal̄ kə́ táĺ gə̄ ton̄ kógə̄ḿ kógə̄ḿ kə gō kadə̄ róbó ní?

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

IJAI 64:11

Kɔ́ɔ̄ɓē, yá̰á̰ kə́ to kum kaȳ aĺ gə̄ ń toō usiī alé a? Ásə ndi taí mbóo ō, rējə̄jí kə rɔ̄sɔl̄ kə́ deē asə tə́gā tan gírí aĺ ō a?

2 SAMUEL 1:19

Israel, i tām̄ rí tə́ á go̰ rɔ̄ɔ̄ gə̄ oyn̄ ní? Ngé rɔ̄ɔ̄ yāí gə̄ ń i yá̰a̰ kɔsə gɔn yāí ní i tām̄ rí tə́ á nīńdə́ to dɔ ngōn̄ mbalá ní?

1 SAMUEL 4:21

Ni-əndā rī ngōn̄ ní na i Ikabod. Kumən na Kɔsə gɔn gətóo kɔ̄ɔ́. Tɔdɔ̄ dəyá̰ ní əda na: Unən̄ kɔsə gɔn dɔ nang kə́ Israel tə́ aw̄n̄neé kɔ̄ɔ́. Ni-əda najə̄ ní sɔɔ̄ń i sandúkə yā Nə́ɓā ń i kə́ kun kɔ̄ɔ́ ní ō, sɔɔ̄ń i umən ō, ngaan ō.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

1 SAMUEL 4:22

Ni-əda na: Kɔsə gɔn gətóo kɔ̄ɔ́ dɔ nang kə́ Israel tə́ i tām̄ sandúkə yā Nə́ɓā ń madə̄ ba̰ā̰ gə̄ un aw̄n̄neé kɔ̄ɔ́ ní tə́.

PĀ GƏ̄ 89:45

Ī-taā ko̰o̰ ɓē jīn tə́ kɔ̄ɔ́, ī-mbəre kōr̄ kāgə̄ mbang yān ə̄nī nang tə́.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

EJEKIEL 13:13

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Kem wōn̄g yāḿ kə́ ngá̰ý tə́ ní, m-ā m̄-rāā kadə̄ nél man̄ kə́ bo ngá̰ý a əla kə tɔ́gɔ́ ngá̰ý ō, m-ā m̄-rāā kadə̄ man̄ a edə ngá̰ý ō. Kɔ̄sə̄ a tə́sō kə ngangá ngá̰ý yā nujə yá̰a̰ malang kɔ̄ɔ́.