NŌŌ RƆ̄ 1:9 - Bibəl ta Sar̄

⁹ Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

Bible sar

⁹ Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

NŌŌ RƆ̄ 1:9 Referans Kwoze

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

IJAI 47:7

Ḭ̄ ə́da na ā ī-ndi kə kumií ngándáńg, na ā ī-ndi mban̄g kə́ dəyá̰ kə́ njɔ́ḿ gə̄ tə́. Ḭ̄ ī-gír̄ yá̰a̰ dɔ yá̰a̰ gə̄ ń toō tə́ alé, ḭ̄ ī-gír̄ dɔ ndɔ̄ kə́ bírí tə́ alé.

NŌŌ RƆ̄ 1:17

Siyo̰ ɔy jīn kə̄ dɔɔ́ rāań ɓɔ́, banī de kə́ sɔl̄ kemən gətóo. Kɔ́ɔ̄ɓē adə̄ ndūn ngé rɔ̄ɔ̄ Jakob gə̄ ń ndi gīrə̄n̄ gidən ní kadə̄ ənīnən̄ rɔ̄ɔ̄. Jerusalem tél yá̰á̰ kə́ yḛr dɔ dandə́ tə́.

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

PĀ GƏ̄ 25:18

Á̰á̰ yá̰á̰ kə́ to kum tō ndoō ń rāām̄ ní ō á̰á̰ tápə̄ yāḿ ō, ba ɔ̄r̄ yá̰á̰ kə́ gōtə́ aĺ yāḿ gə̄ kɔ̄ɔ́ malang.

SOPONI 2:10

Yá̰á̰ ń nin̄ a əngen̄ tām̄ kɔjə rɔ̄ yādə́ tə́ ní n noó. A̰á̰ā̰, nin̄ tájə̄n̄ gír de gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír de gə̄ yā Kɔ́ɔ̄ɓē ō.

JEREMI 48:26

Ādīin̄ kasə ādə̄ rāān, tām̄ ni ɔjə kə̄ ndágá kadə̄ na n-bo n-tɔȳ Kɔ́ɔ̄ɓē. Á̰a̰ī i ni n to a ndūbə̄rū kum tōmbə̄ tə́ toō. Ta i dɔn tə́ kadə̄ ni-tél kur̄ kəgō tā.

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

PĀ GƏ̄ 119:153

Á̰á̰ yá̰á̰ kə́ to kum tō ndoō ń rāām̄ ní ba ī-gān̄g dɔḿ, tɔdɔ̄ dɔḿ ndígə̄nal ndū najə̄ yāí alé.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

JA̰A̰ 11:19

adə̄ Jipə gə̄ ngá̰ý reēn̄ rɔ̄ Martə nin̄ kə Mari tə́ yā sɔl̄ kemdə́ tām̄ yā ngōkó̰ó̰də́ tə́.

OJEE 2:14

M-ā m̄-nujə kāgə̄ nduú yān gə̄ ō, kāgə̄ kótə̄ yān gə̄ ō ń ni-əda na: I yá̰a̰ kəndā nja ń ngé sāāḿ gə̄ adə̄mə̄n̄ ní n noó ní. M-ā m̄-rāā kadə̄ nin̄ a télən̄ túpə́ kámbə gə̄ ō, dā̰ kə́ bembeé gə̄ a əsan̄də́ ō.

NŌŌ RƆ̄ 4:1

I rí n rāā yá̰a̰! Lɔ́r ń i yá̰á̰ kə́ ndə́lē pir pir ō, i gində̄ kə́ majə páráńg ō ní, kumən oy a? I rí n rāā yá̰á̰ á mbal̄ kə́ táĺ gə̄ ton̄ kógə̄ḿ kógə̄ḿ kə gō kadə̄ róbó ní?

NŌŌ RƆ̄ 2:13

Jerusalem ngōmandə yāḿ, kə m-ə́daī na i rí ɓáý to̰? I náā n to tītīí ta kumḿ mā tə́ ní? ngōn̄ kə́ madə̄ yāḿ, ngōmandə kə́ Siyo̰, i rí n kə m̄-sɔlə̄ń kemií ní? Tɔdɔ̄ ī-nujə i nujə kə́ to ɓōĺ ngá̰ý tītə̄ man̄ bā bo ń i yá̰á̰ kə́ laa to ɓōĺ ngá̰ý ní beē. I náā n a ajiī ní?

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ táĺ yā Israel tə́.

JEREMI 16:7

Deē a gān̄g ta mápa yā kadə̄ nge kəhɔ ndoō yā sɔlə̄ń kemən najə̄ ngeen de kə́ oy tə́ aĺ ō, deē a ndējə̄n kópə sɔl̄ kem najə̄ yā bɔbə̄n deē aláa kó̰o̰n de kə́ oy tə́ aĺ ō.

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 54:11

Jerusalem, rɔ̄í tō ndoō. Man̄ kə́ edə kə nélé əndaī ō, de kə́ tél adī kəndā kem dɔ tə́ gogə́ rang gətóo ō. Mā Kɔ́ɔ̄ɓē, m-ā m̄-tél yā rāāī gogə́ rang kə mbal̄ gə̄ kə́ ɓáĺdə́ to. A əndān̄ ngəraí i kə mbal̄ gə̄ kə́ gātə̄də́ i ngá̰ý ń i mbal̄ sapir gə̄ ní.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

IJAI 37:29

A̰á̰ā̰ wōn̄g rāāī dɔḿ tə́, najə̄ kə́ ɔjə kadə̄ ī-kídə̄m̄ ń ɔ̄r̄ ní m-ōō. I tām̄ najə̄ ń toō tə́ n m-ā m-ə́la gində̄ kə́ ta rugə kóní tə́ ō, m-ā m-ə́lá sáā gində̄ kógə̄ḿ mbo̰ō̰ ngāngīí kə́ dɔɔ́ gə̄ tə́ kə ngāngīí kə́ nang tə́ gə̄ tə́ ō ní. M-ā m̄-tél yā kaw̄ sesí gogə́ ɓēé kə róbə́ ń úń á ī-reēń laā ní.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

IJAI 37:17

Kɔ́ɔ̄ɓē, ī-nēl̄ mbīí ōoń, á̰a̰ā̰ majə. Ōō ndū ń ngámbang kəla yā Senakerib gə̄ tájīn̄ ḭ̄ Nə́ɓā kə́ ī-ndi kə kumií ní!

IJAI 37:4

Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

PĀ GƏ̄ 140:8

Nə́ɓā, Kɔ́ɔ̄ɓē, tɔ́gə́ kə́ nge kajəḿ, ī-taā dɔḿ ndɔ̄ rɔ̄ɔ̄ tə́ adə̄ yá̰a̰ ɔdə alé.

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, ngé tun̄ yá̰a̰ yājí gə̄ ō, ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

2 MBAN̄G 14:26

Tɔdɔ̄ Kɔ́ɔ̄ɓē a̰a̰ rɔ̄sɔl̄ kə́ ngá̰ý ń rāā ngán Israel gə̄ ní. Ɓəlo, aláa de kə́ kɔ́ɔ̄ rɔ̄n, kal deē kógə̄ḿ kə́ yā dḭḭ̄ Israel gətóo.

2 SAMUEL 16:12

Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.

1 SAMUEL 1:11

Ni-ənī ndūn əda na: Kɔ́ɔ̄ɓē kə́ bo kə́ tɔ́gən i ngá̰ý, ré á̰a̰ kum tō ndoō yāḿ mā nge kəla yāí ō, əga kemií dɔḿ tə́ ō, dɔí ndígə̄naləḿ aĺ ō, adə̄ ādə̄m̄ ngōn̄ kə́ dəngam anī, m-ā m-ɔ̄r̄ kamə̄n tayā tām̄ yāí tə́ kə dɔ ndɔ̄ gə̄ malang ń a ndiń kə kumneé ní ō, deē a əndā nə́nga dɔn tə́ yā dəsāń dɔn aĺ ō.

NDŪ NAJƏ̄ 32:27

Ba m̄-ɓōĺ i najə̄ kadə̄ madə̄ ba̰ā̰də́ gə̄ gerə̄n̄ aĺ ba ḭḭ ədan̄ na, i nin̄ n na n-rāān̄ yá̰a̰ gə̄ ń noō malang ní ba na i mā alé.

NDŪ NAJƏ̄ 26:7

Loo ń noō tə́ j-əga kɔŕ kə̄ dɔ Kɔ́ɔ̄ɓē ń i Nə́ɓā yā kaají gə̄ tə́ ní, anī oō ndūjí. Ni-a̰a̰ kadə̄ jə-ndoō ō, a̰a̰ rɔ̄ tō ndoō yājí ō, a̰a̰ rāā ń rāān̄ kumjí ndoō tə́ ní ō.

Teē Ngán Israel gə̄ 4:31

Nin̄-taān̄ kem. Dan ń gerə̄n̄ kadə̄ Kɔ́ɔ̄ɓē a̰a̰ yá̰á̰ kə́ tōr̄ gə̄ ń a rāān̄ sedə́ ní ō, kadə̄ ni-reē i kajədə́ tə́ ō ní anī, tétə̄n̄ kejədə́ nang tə́ ō, ɔsən̄ nodə́ nang tə́ ō, rɔȳnəń Kɔ́ɔ̄ɓē.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

PĀ GƏ̄ 69:21

Ndū ń tájə̄mə̄n̄ ní nujə kem sák sák ō, rāām̄ kə moyo̰ó̰ ō, m-ə̄ndā kemḿ dɔ ka̰a̰ deē kógə̄ḿ loo rāā yá̰á̰ kə́ ɔjə kadə̄ kumən o̰o̰n tām̄ yāḿ tə́ ō, banī m-á̰a̰ deē loo rāā yá̰á̰ kógə̄ḿ tə́ alé. m̄-sāā deē kógə̄ḿ kə́ kadə̄ sɔl̄ kemḿ, banī m-ə́nge alé.

IJAI 51:19

Yá̰á̰ kə́ to kum kaȳ aĺ gə̄ əhɔn̄ naā i jōó jōó n teēn̄neé dɔí tə́ ní: Yá̰a̰ rāā kə́ kə dɔ́nɔ́ ō nujə loo ō, ɓō ō rɔ̄ɔ̄ ō. Banī i náā n a nōōī ní? I náā n a tél kə kəndā kem dɔ tə́ yā kadī gogə́ ní?

NŌŌ RƆ̄ 5:1

Kɔ́ɔ̄ɓē ādə̄ əga kemií dɔ yá̰á̰ ń rāājí tə́ ní, ī-teē kumií á̰a̰ń tájə̄ ń de gə̄ tájə̄n̄jí asə naā beé ní.