NŌŌ RƆ̄ 1:7 - Bibəl ta Sar̄

⁷ Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.

Bible sar

⁷ Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.

NŌŌ RƆ̄ 1:7 Referans Kwoze

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

Najə̄ kə́ Majə yā Jeju ń Luk ndang ní 16:25

Anī Abəraham tél ədan na: Ngōnə̄ḿ, ādə̄ əga kemií na, dan ń ḭ̄ ī-ndi dɔ nang tə́ ɓáý ní, ḭ̄ ə́ngé yá̰á̰ kə́ majə yāí gə̄ ō, Lajar ní ənge i yá̰á̰ kə́ majaĺ gə̄ ō. Ngɔlaā ní ni-ənge kem sɔl̄ banī yāí i kadə̄ ə́ngé yá̰á̰ kə́ tōr̄.

Najə̄ kə́ Majə yā Jeju ń Luk ndang ní 15:17

Loo ń noō tə́ tél a gír̄ najə̄, əda na: Ngé gə̄ ń bɔbə́ḿ ɔydə́ kəlaá ní i kóndóńg, kə́ yá̰a̰ kəsa yādə́ əla loo kə̄ nang tə́ ō, mā m̄-to adə̄ ɓō a tɔ̄lə̄m̄ kɔ̄ɔ́ ō ní?

MISE 4:11

Ba ngɔlaā ní, de gə̄ ngá̰ý ɔsən̄ dɔdə́ naā tə́ yā rɔ̄ɔ̄sí. Nin̄ ədan̄ na: Ādə̄ j-ɔrī kɔsə gɔn yā ɓē yādə́ kɔ̄ɔ́, ādə̄ j-a̰ā̰ī Jerusalem ń nujənə̄ń kɔ̄ɔ́ ní kə rɔ̄nelēé.

OJEE 2:7

Tɔdɔ̄ kó̰ó̰də́ i dəyá̰ kə́ nge rāā ájə́ba, dəyá̰ ń ojədə́ ní rāā adə̄ rɔ̄sɔl̄ utə̄ gidə rɔ̄n malang kɔ̄ɔ́. A̰á̰ā̰, ni-əda na m-ā m-ún gō ngé sāāḿ gə̄ ń nin̄ i ngé kadə̄m̄ yá̰a̰ kəsaḿ ō, man̄ ka̰yḿ ō, kūbə̄ bḭḭ̄ batə̄ ō, kūbə̄ lḛ́ḛ ō, yibə̄ ō yá̰a̰ ka̰ȳ gə̄ ō ní.

NŌŌ RƆ̄ 4:17

Jḭḭ tā anī, kumjí roō kɔ̄ɔ́ loo ngóō ta de kə́ yā kadə̄ reē dḭḭ̄jí tə́. Jə-nda loo ngɔ̄m̄ loo yājí gə̄ tə́ jə-ngóoń ta reē nápar de kə́ tɔ́gə́də́ asə kajəjí aĺ gə̄.

JEREMI 37:7

Najə̄ ń mā Kɔ́ɔ̄ɓē, Nə́ɓā yā Israel m-ə́dá ní n toó: Najə̄ ń ā ə́daī mban̄g kə́ Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

PĀ GƏ̄ 77:3

Dan ń wur kɔl əsō dɔḿ tə́ ní, m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́. Ndɔ̄ɔ́ anī m̄-ə́la jīḿ kum kə̄ rɔ̄n tə́ kanjə̄ kɔr ta tə́, m̄-mbātə́ kadə̄ deē sɔl̄ kemḿ.

Makətūbə̄ yā Job 29:2

I náā n a rāā kadə̄ m̄-tél m̄-ndi tītə̄ ń m̄-ndiń kété kem nāā gə̄ ń mānə̄n̄ kɔ̄ɔ́ tə́ ní? Kem ndɔ̄ gə̄ ngeé ń noō tə́ ní, Nə́ɓā ngɔ̄mə̄m̄.

IJAI 64:11

Kɔ́ɔ̄ɓē, yá̰á̰ kə́ to kum kaȳ aĺ gə̄ ń toō usiī alé a? Ásə ndi taí mbóo ō, rējə̄jí kə rɔ̄sɔl̄ kə́ deē asə tə́gā tan gírí aĺ ō a?

JEREMI 48:27

I rɔ̄kum kadə̄ Israel tél kur̄ kəgō tām̄ yāí tə́ aĺ a? Ə́ngen kə ngé ɓogə gə̄ á ré ā ɔ̄r̄ najə̄ yān anī, ā ī-wél̄ i dɔí tá dejə ní a?

IJAI 64:10

Kújə́ kə́ táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

EJEKIEL 25:3

Ə́dádə́ na kə oōn̄ yá̰á̰ ń mā Kɔ́ɔ̄ɓē Nə́ɓā m-ɔ̄r̄ sedə́ ní. Dan ń rāān̄ loo yāḿ kə́ táĺ loo kə́ karī tə́ ní, dan ń nujən̄ ɓē kə́ Israel tə́ kɔ̄ɔ́ ní, dan ń ɔyn̄ de kə́ Juda gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, sḭḭ̄ ə̄gōīdə́ ngá̰ý.

EJEKIEL 25:6

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Dan ń sḭḭ̄ ōōī yá̰á̰ kə́ to kum kaȳ aĺ kə́ teē dɔ Israel tə́ ní, rɔ̄nel̄ rāāsí adə̄ ə́ndaī jīsí ō, ḭ́ḭḭ̄ bal walya ō. Sḭḭ̄ ī-rāāī rɔ̄nel̄ kə ngarā̰ kemsí gēé malang ō, ī-kídī gír deē yāḿ gə̄ ngá̰ý ō.