NŌŌ RƆ̄ 1:4 - Bibəl ta Sar̄

⁴ Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

Bible sar

⁴ Róbə́ kə́ ta reē kə̄ *Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

NŌŌ RƆ̄ 1:4 Referans Kwoze

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 14:2

Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

JEREMI 10:22

De gə̄ oōn̄ kōō yá̰á̰ kógə̄ḿ kə́ a reē kə̄ dɔdə́ tə́ ō, kə́ ḭḭ dām̄ mbɔ́r ɓē kə́ ko̰ó̰ tə́ ba yéȳ yá̰a̰ kə ngangāá ngá̰ý ō. A reē yā rāā ɓē kə́ Juda tə́ kadə̄ tél loo kə́ to kum ko̰ ō, kadə̄ telən̄ loo ra tal̄ gə̄ ō.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

NŌŌ RƆ̄ 5:13

Balsáa gə̄ ətōn̄ mbal̄ riī yá̰a̰ ō, ngán gə̄ bḭ́ḭ̄n̄ kə kāgə̄ kə́ kɔȳ ngá̰ý gə̄ dɔdə́ tə́ ō.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

LEBI GƏ̄ 26:22

M-ā m-ə́la kə dā̰ do̰ gēé kadə̄ əhɔn̄ ngáńsí gə̄ ō, yá̰a̰ kul̄ yāsí gə̄ ō. A əhɔn̄sí kadə̄ ā ī-nayiī i sḛ́ý beē, kadə̄ deē a a̰a̰ deē loo njə̄rā tə́ dɔ ngáń róbə yāsí gə̄ tə́ to̰ alé.

NŌŌ RƆ̄ 5:14

Kum kɔɔ̄ gə̄ lōōn̄ gír kaw̄ loo koō naā dɔ najə̄ tə́ ō, balsáa gə̄ lōōn̄ gír taā pā tə́ ō.

OJEE 2:13

Yá̰a̰ malang ń adə̄n rɔ̄nel̄ á i pétə yān gə̄ ō, ndɔ̄ rāā nāā kə́ kijə yān gə̄ ō, ndɔ̄ sabat yān gə̄ ō, kán̄ naā kə́ bo yān gə̄ malang ō ní, m-ā m̄-rāā kadə̄ gíŕdə́ a gān̄g kɔ̄ɔ́.