NŌŌ RƆ̄ 1:21 - Bibəl ta Sar̄

²¹ De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

Bible sar

²¹ De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

NŌŌ RƆ̄ 1:21 Referans Kwoze

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

NŌŌ RƆ̄ 2:15

Ngé mān̄ róbə gə̄ malang əndan̄ jīdə́ gírí tə́ mbóon̄neé seí. Nin̄ kɔ̄rə́n̄ ngél ō, tə́gān̄ dɔdə́ nek nek ō, mbóōon̄neé kə ngōmandə kə́ Jerusalem. I ɓē ń de gə̄ ɓārə́n̄ na i yá̰á̰ kə́ majə ɔtə̄ kə taá ō, na i rɔ̄nel̄ yā dɔ nang kə taá malang ō ní n toó a?

NŌŌ RƆ̄ 1:22

Ādə̄ kem ndul yādə́ gə̄ malang ton̄ kə̄ dɔ ndágá ta kumií tə́ ō, ī-rāādə́ yá̰á̰ ń ī-rāā seḿ najə̄ mbātə́ najə̄ yāḿ gə̄ malang tə́ ní ō. Tɔdɔ̄ m̄-nōō rɔ̄ḿ ngá̰ý ō, rɔ̄ḿ tōrə̄m̄ kə̄ loo gə̄ tə́ ō.

NŌŌ RƆ̄ 1:16

Yá̰á̰ ń m̄-nōō najə̄n tə́ ní, rāā adə̄ kumḿ tetə man̄ jōó mbak. Tɔdɔ̄ nge sɔl̄ kemḿ ō, nge kadə̄m̄ tɔ́gə kadə̄ m̄-ndiń kə kumḿ ō, ɔr̄ rɔ̄n kɔ̄ɔ́ sa̰y rɔ̄ḿ tə́. Ngánə́ḿ gə̄ nujən̄ kɔ̄ɔ́, tɔdɔ̄ tɔ́gə madə̄ ba̰ā̰ḿ tɔȳ yādə́.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

PĀ GƏ̄ 35:15

Ba dan ń m-ā m̄-bibə́rī ní, nin̄ ɔsən̄ dɔdə́ naā tə́ ba əgōmə̄n̄ ō, əndān̄ rɔ̄də́ naā tə́ yā rɔ̄ɔ̄m̄ ō. Tə̄rā gə̄ ń i de kə́ m̄-ger̄də́ aĺ gə̄ ní, əgan̄ naā dɔḿ tə́ ō, əgan̄ kɔŕ ō.

NŌŌ RƆ̄ 1:4

Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

JEREMI 51:24

Yá̰á̰ kə́ majaĺ gə̄ malang ń Babilon ō, de gə̄ malang kə́ Kalde tə́ ō rāān̄ Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 18:6

Yá̰á̰ ń ni-rāā kə madə̄n gēé ní, ī-rāāī seneé ō, yá̰á̰ ń ni-rāā ní ī-rāāī seneé loo nja kə́ jōó tə́ ō, kópə ń ni guŕ kasə nduú kemeé adə̄ de gə̄ ní, ī-guríī kemeé loo nja kə́ jōó tə́ ādīin̄ ō.

EJEKIEL 26:2

Ḭ̄ ngōn̄ deē, ōō! De kə́ Tir gə̄ mbóon̄ kə de kə́ Jerusalem gēé ədan̄ na: Haw! Haw! Nujən̄ ɓē ń de gə̄ malang aw̄n̄ kemeé ní kɔ̄ɔ́! Ta i dɔjí tə́ kadə̄ jə-téliī de kə́ ngé kənge yá̰a̰ gə̄. Tɔdɔ̄ Jerusalem tél i kūbə̄rū mbal̄ gə̄ kə́ ran̄ dɔ naā tə́ bing!

JEREMI 51:49

De gə̄ oyn̄ ngá̰ý dɔ nang tə́ malang kə taá najə̄ yā Babilon tə́. Ní, i gáŕ kadə̄ Babilon əsō tām̄ yā de kə́ Israel tə́ gə̄ oyn̄ ní.

JEREMI 50:31

Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ táĺ yā Israel tə́.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

JEREMI 48:27

I rɔ̄kum kadə̄ Israel tél kur̄ kəgō tām̄ yāí tə́ aĺ a? Ə́ngen kə ngé ɓogə gə̄ á ré ā ɔ̄r̄ najə̄ yān anī, ā ī-wél̄ i dɔí tá dejə ní a?

JEREMI 30:16

Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.

PĀ GƏ̄ 38:16

Kɔ́ɔ̄ɓē, m-ə̄ndā kemḿ i dɔí ḭ̄ tə́: Kɔ́ɔ̄ɓē Nə́ɓā yāḿ, i ḭ̄ n ā ī-tūr̄ najə̄ yā kəda ní.

PĀ GƏ̄ 37:13

Banī Kɔ́ɔ̄ɓē əgōn, tɔdɔ̄ ni-a̰a̰ ndɔ̄ yān ń a asə ní.

IJAI 14:5

Kɔ́ɔ̄ɓē nujə ko̰o̰ ɓē yā ngé kem ndul gə̄ kɔ̄ɔ́. ni tétə̄ kāgə̄ ko̰o̰ ɓē

IJAI 14:6

ń ənda nápar de gə̄ kə wōngōó kanjə̄ dəba ō, rējə̄də́ kə tɔ́gɔ́ ō, rāādə́ adə̄ a̰a̰n̄ tápə̄ ngá̰ý ō ní.

NŌŌ RƆ̄ 2:16

Madə̄ ba̰ā̰í gə̄ malang teēn̄ tadə́ ɔrə̄n̄neé najə̄ dɔí tə́. Nin̄ kɔ̄rə́n̄ ngél ō, ngórə̄n̄ ngān̄gdə́ ō. Nin̄ ədan̄ na: Ādə̄ jə-nujiī seneé. I ndɔ̄ ń jə-ndi j-a jə-ngóō ta mandang ní n toó. J-ugə̄ kem ndɔ̄ ní tə́ ō, j-a̰a̰ ndɔ̄ ní kə kumjí ō.