NŌŌ RƆ̄ 1:2 - Bibəl ta Sar̄

² Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

Bible sar

² Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

NŌŌ RƆ̄ 1:2 Referans Kwoze

PĀ GƏ̄ 6:6

Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

MISE 7:5

Ī-lōōī taā kem de kə́ ngɔr rɔ̄sí tə́ gə̄ ō, ī-lōōī taā kem madə̄ tasí gə̄ ō. Á̰a̰ī majə! Ī-lōōī teē tasí, ká i ta kum nə̄yá̰sí tə́ gə̄gē, ī-lōōī teē tasí.

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

NŌŌ RƆ̄ 1:19

m̄-ɓāŕ ngé sāāḿ gə̄, banī nin̄ gól̄mə̄n̄. Ngé tun̄ yá̰a̰ yāḿ gə̄ ō, kum kɔ̄ɔ́ yāḿ gə̄ ō, oyn̄ kem ɓēé dan ń a sāān̄neé yá̰a̰ kəsa kə́ tadə́ tə́ yā kajəń ní.

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

JEREMI 4:30

Ba ḭ̄, ā ī-rāā i rí? Ə́la kūbə̄ kə́ kərē bḭḭ ō, ī-tə́lá yá̰á̰ súū rɔ̄ kə́ rāā kə lɔ́rɔ́ gə̄ ō. Ī-rāā yá̰á̰ súū rɔ̄ dɔ kumií tə́. Ī-rāā mandə i ndāńg. ngé sāāí gə̄ idən̄ tadə́ gírí tə́, nin̄ sāān̄ tɔ̄lī.

PĀ GƏ̄ 31:11

Rɔ̄ḿ nelə̄m̄ aĺ bátə́ kadə̄ ndɔ̄ḿ təgāń. m̄-ra i dan to̰ō̰ tə́ bátə́ kadə̄ ɓālə̄ḿ təgāń. Yá̰á̰ kə́ majaĺ ń m̄-rāā ní rāā adə̄ tɔ́gə́ḿ gətóo kɔ̄ɔ́ ō, əsa kə̄ngāḿ ō.

JEJU TEĒ KUM JA̰A̰ 17:16

Gajə dā̰ kə́ kutə gə̄ ń na m-á̰a̰ā̰ ō, dā̰ ní ō, a imə̄n̄ dəyá̰ kə́ nge rāā ájə́ba ní. Nin̄ na a taān̄ yá̰a̰ yān malang adə̄ rɔ̄n i karī. Nin̄ na a əsan̄ dā̰n ba na a róōn̄ gotən kə́ na̰y horoó.

JEJU TEĒ KUM JA̰A̰ 17:13

Gír̄ yādə́ i kógə̄ḿ beē, i kadə̄ adə̄n̄ dā̰ ní tɔ́gə́də́ ō, ko̰o̰ ɓē yādə́ ō.

OJEE 2:7

Tɔdɔ̄ kó̰ó̰də́ i dəyá̰ kə́ nge rāā ájə́ba, dəyá̰ ń ojədə́ ní rāā adə̄ rɔ̄sɔl̄ utə̄ gidə rɔ̄n malang kɔ̄ɔ́. A̰á̰ā̰, ni-əda na m-ā m-ún gō ngé sāāḿ gə̄ ń nin̄ i ngé kadə̄m̄ yá̰a̰ kəsaḿ ō, man̄ ka̰yḿ ō, kūbə̄ bḭḭ̄ batə̄ ō, kūbə̄ lḛ́ḛ ō, yibə̄ ō yá̰a̰ ka̰ȳ gə̄ ō ní.

EJEKIEL 16:37

Tām̄ najə̄ ń toō tə́ ní, ngé sāāí gə̄ malang ń nel̄də́ seí adə̄ i ngé gə̄ ń nelī sedə́ ō, ngé gə̄ ń nelī sedə́ aĺ ō ní, m-ā m-ɔ́sə dɔdə́ naā tə́ malang. M-ā m-ɔ́ýdə́ kə̄ loo gə̄ tə́ malang yā reē sedə́, ba m-ā m-ɔ̄r̄ kūbə̄ rɔ̄í tə́ ta kumdə́ tə́, kadə̄ nin̄ a a̰a̰n̄ rɔ̄í kə́ karī.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 19:7

Deē ń i nge ndoō ní ngákó̰o̰n gə̄gē ba im̄nən̄ ɓáý anī madə̄ tan gə̄ tá a əya̰nən̄ kɔ̄ɔ́ aĺ i ba̰ý. Dan ń ni a ɔr̄ najə̄ ɓáý ní anī nin̄ gətóon̄ kɔ̄ɔ́.

Makətūbə̄ yā Job 7:3

Yāḿ mā i tītə̄ ń noō ō: Kəndā kem dɔ tə́ yāḿ gotə to i karī asə nāā ngá̰ý, m̄-tə́gā taḿ gíŕ yá̰á̰ kə́ tōr̄ rɔ̄ḿ tə́ ndɔ̄ɔ́ kə dɔ ndɔ̄ gə̄.

Makətūbə̄ yā Job 6:15

Ngákó̰ó̰ḿ gə̄ gól̄mə̄n̄ tītə̄ man̄ dɔ mbal̄ beé, tītə̄ man̄ dɔ mbal̄ kə́ kem kārə̄n tutə káḿ káḿ kɔ̄ɔ́ beē.

PĀ GƏ̄ 126:5

Deē ń dubə̄ kōō i kə nōó kumən tə́ ní, a sāā kōō ní i kə rɔ̄nelēé.

JEREMI 2:25

Ī-dəba aĺ anī, ā ī-tél de kə́ nge njə̄rā da njan karī ō, kem míndí a tutə ō. Banī ə́da na: Yá̰á̰ kə́ yā rāā to̰ gətóo! Nelə̄m̄ kə mbā gēé ō, m̄-ndigə ngɔ̄də̄ gōdə́ tə́ ō.

PĀ GƏ̄ 69:21

Ndū ń tájə̄mə̄n̄ ní nujə kem sák sák ō, rāām̄ kə moyo̰ó̰ ō, m-ə̄ndā kemḿ dɔ ka̰a̰ deē kógə̄ḿ loo rāā yá̰á̰ kə́ ɔjə kadə̄ kumən o̰o̰n tām̄ yāḿ tə́ ō, banī m-á̰a̰ deē loo rāā yá̰á̰ kógə̄ḿ tə́ alé. m̄-sāā deē kógə̄ḿ kə́ kadə̄ sɔl̄ kemḿ, banī m-ə́nge alé.