NŌŌ RƆ̄ 1:13 - Bibəl ta Sar̄

¹³ Ni-ndi i dɔɔ́ nú ba əla hor adə̄ udə kem kə̄ngāḿ tə́. Ni i kɔ́ɔ̄ yá̰a̰. Ni-ənī réng róbə́ḿ tə́, rāām̄ adə̄ m-ə̄sō kə gōḿ. Rāām̄ adə̄ m̄-tél dəyá̰ kə́ deē teē tan tə́ alé, rɔ̄ḿ tōrə̄m̄ kə dɔ ndɔ̄ gə̄ ō.

Bible sar

¹³ Ni-ndi i dɔɔ́ nú ba əla hor adə̄ udə kem kə̄ngāḿ tə́. Ni i kɔ́ɔ̄ yá̰a̰. Ni-ənī réng róbə́ḿ tə́, rāām̄ adə̄ m-ə̄sō kə gōḿ. Rāām̄ adə̄ m̄-tél dəyá̰ kə́ deē teē tan tə́ alé, rɔ̄ḿ tōrə̄m̄ kə dɔ ndɔ̄ gə̄ ō.

NŌŌ RƆ̄ 1:13 Referans Kwoze

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

Makətūbə̄ yā Job 30:30

Ndārə́ḿ téĺ kə́ ndul ō ɔr̄ ō. Mo̰y gajə əla hor dɔḿ tə́ adə̄ kə̄ngāḿ o̰o̰ hor bir bir.

EJEKIEL 17:20

M-ā m-ə̄yā gūmbə̄ non tə́ ō, m-ā m-ə́hɔn dəngáy ō. M-ā m-āw̄ seneé Babilon, ba m-ā m̄-gān̄g sarya dɔn tə́ nú, tɔdɔ̄ ni-ra dɔ ndūn tə́ seḿ alé.

PĀ GƏ̄ 22:14

Ton̄ tītə̄ ɓɔl kɔ̄r̄ gə̄ kə́ a nōōn̄ ō, teēn̄ nga ngá̰də́ taḿ tə́ ō.

Makətūbə̄ yā Job 19:6

I beé ní, majə kadə̄ ī-gerī na i Nə́ɓā n rāā yá̰á̰ kə́ gōtə́ aĺ ń noō seḿ ní ō, i ni n ɓírə̄m̄ kə réng yānneé ní ō.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

EJEKIEL 12:13

Mā Kɔ́ɔ̄ɓē m-ā m-ə̄yā gūmbə̄ non tə́ ō, m-ā m-ə́hɔn ō. M-ā m-āw̄ seneé kem ɓē yā Babilon gə̄ tə́, banī ni a asə ka̰a̰ ɓē ní aĺ ō, ni a oy i noó ō.

PĀ GƏ̄ 66:11

Ḭ̄ ə́lájí kum gūmbə̄ tə́, ə̄ndā yá̰a̰ kətō kə́ kɔȳ dɔjí tə́.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

OJEE 7:12

Dan ngeé ń noō tə́ ní, mā m-ə̄nī réng yāḿ dɔ Epəraim gə̄ tə́, m̄-rāā adə̄ nin̄ tə́sōn̄ tītə̄ yel̄ gə̄ beé. Dan ń m-ōō kōōdə́ loo kɔsə dɔdə́ naā tə́ tə́ anī, m-ə́wádə́ kə gūmbūú.

EJEKIEL 32:3

Najə̄ ń Kɔ́ɔ̄ɓē Nə́ɓā ɔr̄ ní n toó: Gír de gə̄ ngá̰ý a ɔsən̄ dɔdə́ naā tə́. Kum mbang ngeé ń noō tə́ ɓáa m-ā m-ə̄nī réng yāḿ dɔí tə́ kadə̄ kumən gə̄ əhɔīn̄, adə̄ a ndɔ́rīn̄ kə̄ ndágá ta gógə́ tə́.

NŌŌ RƆ̄ 5:17

Á̰a̰ī yá̰á̰ ń rāā yá̰á̰ á rɔ̄jí malang tōr̄jí ní ō, yá̰á̰ ń rāā yá̰á̰ á loo əga til ta kumjí tə́ ō ní n toó:

NŌŌ RƆ̄ 1:22

Ādə̄ kem ndul yādə́ gə̄ malang ton̄ kə̄ dɔ ndágá ta kumií tə́ ō, ī-rāādə́ yá̰á̰ ń ī-rāā seḿ najə̄ mbātə́ najə̄ yāḿ gə̄ malang tə́ ní ō. Tɔdɔ̄ m̄-nōō rɔ̄ḿ ngá̰ý ō, rɔ̄ḿ tōrə̄m̄ kə̄ loo gə̄ tə́ ō.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

IJAI 42:17

Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

PĀ GƏ̄ 129:5

De gə̄ malang ń imə̄n̄ ɓē kə́ Siyo̰ ní ādə̄ rɔ̄də́ sɔl̄də́ ō, ādə̄ télən̄ kə̄ gogə́ ō!

PĀ GƏ̄ 35:4

Ngé gə̄ ń sāān̄ tɔ̄lə̄m̄ ní ādə̄ ndə̄ngān̄ rɔ̄də́ ō, ādə̄ rɔ̄də́ sɔl̄də́ ō! Ngé gə̄ ń nómə̄n̄ rāām̄ yá̰á̰ kə́ to kum kaȳ aĺ ní ādə̄ télən̄ kə gōdə́ kə rɔ̄sɔlɔ̄ɔ́.

PĀ GƏ̄ 31:10

Kɔ́ɔ̄ɓē á̰a̰ kum tō ndoō yāḿ, tɔdɔ̄ mā i dan wur kɔl tə́. Gír̄ najə̄ nujə kumḿ ō míndə́ḿ ō kemḿ ō.

Makətūbə̄ yā Job 18:8

Tɔdɔ̄ njan a aw̄ seneé yā kəlan kum réńg tə́ ō, ni a əla njan kum gūmbə̄ tə́ kadə̄ əhɔn ō.

NDŪ NAJƏ̄ 28:65

Ā ə́nge loo ndi lɔm dan nápar de gə̄ ngeé ń noō tə́ alé. Loo kə́ yā kadə̄ ə̄ndań njaí tū tə́ gə̄gē ā ə́nge alé. Kɔ́ɔ̄ɓē a adī dan wur kə́ a ndi i kə sōlōó ō, kum kə́ ndə́lē aĺ ō, rɔ̄ kə́ ur wak kɔ̄ɔ́ ō.

PĀ GƏ̄ 38:8

Tɔdɔ̄ dūnə̄ḿ təngām̄ tólóló, rɔ̄ḿ i do malang.

PĀ GƏ̄ 140:5

Kɔ́ɔ̄ɓē, ī-ngɔ̄mə̄m̄ ādə̄ m-ə̄sō kem jī de kə́ nge kem ndul tə́ alé. Ādə̄ m-ə̄sō kem jī de kə́ nge rāā yá̰a̰ kə dɔ́nɔ́ tə́ alé. Nin̄ gírə̄n̄ i rāām̄ kadə̄ m-ə̄sō ngóy.

Teē Ngán Israel gə̄ 12:9

Deē a əsa gójə̄ró aĺ ō, a ndīr̄ aĺ ō, ba ā ī-tə́ngāī i mbée kə dɔn gə̄ kə jīn gə̄ kə njan gə̄ kə tiīn gə̄ malang.

NŌŌ RƆ̄ 3:11

Ni-tə́lam̄ naā tə́ kə́ nja ngáā tə́ adə̄ m̄-ger̄ yá̰á̰ kə́ yā rāā to̰ aĺ ō, m̄-nujə kɔ̄ɔ́ ō.