NŌŌ RƆ̄ 1:11 - Bibəl ta Sar̄

¹¹ Gír deē yān gə̄ malang a nōōn̄ i ɓō, nin̄ a sāān̄ i yá̰a̰ kəsa. Adə̄n̄ yá̰a̰ yādə́ kə́ majə ngá̰ý gə̄ gíŕ yá̰a̰ kəsa tə́, tām̄ kadə̄ kə n-ndin̄neé kə kumdə́. Anī ni ndɔ̄ȳ Nə́ɓā, ə́da na: Kɔ́ɔ̄ɓē, á̰á̰ kídə̄ ń kídə̄mə̄n̄ toó.

Bible sar

¹¹ Gír deē yān gə̄ malang a nōōn̄ i ɓō, nin̄ a sāān̄ i yá̰a̰ kəsa. Adə̄n̄ yá̰a̰ yādə́ kə́ majə ngá̰ý gə̄ gíŕ yá̰a̰ kəsa tə́, tām̄ kadə̄ kə n-ndin̄neé kə kumdə́. Anī ni ndɔ̄ȳ Nə́ɓā, ə́da na: Kɔ́ɔ̄ɓē, á̰á̰ kídə̄ ń kídə̄mə̄n̄ toó.

NŌŌ RƆ̄ 1:11 Referans Kwoze

JEREMI 52:6

Ɓō i ngá̰ý kem ɓēé. De gə̄ əngen̄ yá̰á̰ kə́ yā kəsa to̰ alé. Kə ndɔ̄ kə́ nge ko̰ ndōhó yā nāā kə́ nge ko̰ sɔ́ anī,

JEREMI 38:9

Ni ədan na: Kɔ́ɔ̄ḿ mban̄g, i yá̰á̰ kə́ majaĺ ngá̰ý n de gə̄ ń toō rāān̄ kə Jeremi nge koō taá ní. Nin̄ ənīnən̄ kem bəlo ta man̄ ndī tə́. Ɓō a tɔ̄lən kemeé, tɔdɔ̄ mápa gətóo kem ɓē.

NŌŌ RƆ̄ 2:12

Nin̄ dəjen̄ kó̰ó̰də́ gə̄ na: Kōō gémē ō, kasə nduú ō i rá? Nin̄ ton̄ kə́ yo tə́ tītə̄ ngé kənge do gə̄ kə́ ton̄ ndágə loo gə̄ kə́ kem ɓēé tə́ beé ō, koōdə́ teē kɔ̄ɔ́ kə̄ jī kó̰ó̰də́ gə̄ tə́ ō.

NŌŌ RƆ̄ 2:20

Á̰a̰ā̰, Kɔ́ɔ̄ɓē, á̰a̰ā̰ majə ké i náā n ī-rāān beé toō wa. Ní, kə dəyá̰ gə̄ kə əsan̄ ngán kemdə́ gə̄ ń i ngáń kə́ majə asə naā beé gə̄ ní a? Ní, kə de gə̄ kə tɔ̄lə̄n̄ ngé tun̄ yá̰a̰ gə̄ ō, ngé koō ta gə̄ ō, kem loo kə́ táĺ yā Kɔ́ɔ̄ɓē tə́ kɔ̄ɔ́ a?

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

JEREMI 19:9

M-ā m̄-rāā kadə̄ əsan̄ dā̰ ngáńdə́ kə́ dəngam gə̄ ō, kə́ dəyá̰ gə̄ ō. A əsan̄ dā̰ naā dɔ dáńdə́ tə́ dan wur kɔl tə́ ō, kə sōlōó ō, dan ń madə̄ ba̰ā̰də́ kə́ ngé ndə̄ngādə́ yo gə̄ a utə̄n̄də́ ní.

Makətūbə̄ yā Job 40:4

Mā i yá̰á̰ kógə̄ḿ alé. I rí n kə m̄-tūr̄ kə m-ə́daī ní? M-ə̄ndā jīḿ taḿ tə́ kɔ̄ɔ́.

2 MBAN̄G 6:25

Loo ń noō tə́ ɓō kə́ ngá̰ý əsō kem ɓēé. Ngé rɔ̄ɔ̄ gə̄ ń gīrə̄n̄ gidə ɓē ní utə̄n̄ ɓē i kutə̄ kə́ ngan̄g ngá̰ý adə̄ gātə̄ dɔ kərō kógə̄ḿ i njár sə́lē arjā̰a̰ sɔ́sɔ́ ō, gātə̄ yedə̄ déŕ kə́ rosə kem kɔ̄ý kógə̄ḿ i njáŕ sə́lē arjā̰a̰ mí ō.

JEREMI 15:19

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

NŌŌ RƆ̄ 5:1

Kɔ́ɔ̄ɓē ādə̄ əga kemií dɔ yá̰á̰ ń rāājí tə́ ní, ī-teē kumií á̰a̰ń tájə̄ ń de gə̄ tájə̄n̄jí asə naā beé ní.