NŌŌ RƆ̄ 1:10 - Bibəl ta Sar̄

¹⁰ Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

Bible sar

¹⁰ Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem *loo kə́ táĺ yān tə́.

NŌŌ RƆ̄ 1:10 Referans Kwoze

NDŪ NAJƏ̄ 23:3

Ngōn̄ kə́ kojən kə gō ndū najə̄ kə́ dɔ taā naā tə́ alé a udə dan ngé kán̄ naā gə̄ yā Kɔ́ɔ̄ɓē tə́ alé. Ngōnən ō, ngōn̄ kaan ō, kaa gugūn ō, kaa dɔgən ō, a udən̄ alé. Ká i gír kojə yān kə́ nge ko̰ kutə gə̄gē a udə alé.

JEREMI 51:51

Dan ń de gə̄ tájə̄n̄jí ō, tə̄rā gə̄ reē udən̄ kem loo kə́ táĺ tə́ kem kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.

NŌŌ RƆ̄ 1:7

Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.

NEHEMI 13:1

Dan ngeé ń noō tə́ ní tə́dan̄ makətūbə̄ yā Moijə adə̄n̄ de gə̄ oōn̄ ndágə looó, anī teēn̄ dɔ loo ń ndangən̄ tū tə́ na Amon ō Moab ō na a udən̄ dan ngé kán̄ naā gə̄ yā Nə́ɓā tə́ aĺ i kə́ bátə́ gə̄ tə́ ní tə́.

MARK 13:14

Dan ń ā á̰a̰ī yá̰á̰ kə́ majaĺ kə́ to yḛr kum ndi loo ń sɔɔ̄ kadə̄ ni-ndi tū tə́ aĺ ní anī, ādə̄ nge ń tə́da najə̄ kə́ kem makətūbə̄ ń toō tə́ ní ger̄ kum. Ndɔ̄ ń noō tə́ ní, ādə̄ ngé gə̄ ń nin̄ i gō nang kə́ Jude tə́ ní, a̰ȳn̄ naā kə̄ dɔ mbal̄ gə̄ tə́ kɔ̄ɔ́ ō,

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

EJEKIEL 9:7

Anī Kɔ́ɔ̄ɓē adə̄ ndūn əda na: Ī-rāāī kújə yā Kɔ́ɔ̄ɓē ādī téĺ kə́ yḛr, ādī nīń gə̄ taān̄ loo ndágə loo kə́ gīr̄ gidə kújə yān gə̄ tə́, ba gō tə́ anī ī-teēī ndágá!

EJEKIEL 7:22

Dan ń nin̄ a rāān̄ yá̰a̰ kənge yāḿ kə́ ngá̰ý yá̰á̰ kə́ karī tə́ ní, mā m-ā m̄-rāā yá̰á̰ kógə̄ḿ alé. De kə́ kur̄ dɔdə́ gətóo gə̄ a reēn̄, ba a rāānən̄ kadə̄ a téĺ kə́ yḛr.

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

JEREMI 20:5

Yá̰á̰ kə́ kəndā kon̄ tə́ gə̄ malang kə́ kem ɓē ń toō tə́ ō, yá̰a̰ gə̄ ń teēn̄ tū kəla rāān gə̄ tə́ malang ō, yá̰a̰ yān malang kə́ gātə̄də́ i ngá̰ý gə̄ ō, yá̰a̰ gə̄ malang kə́ kem kújə ngɔ̄m̄ yá̰a̰ kənge gə̄ yā mban̄g kə́ Juda tə́ gə̄ ō ní, m-ā m-ə́ya̰ m-ādə̄ madə̄ ba̰ā̰də́ gə̄ kadə̄ ɔyn̄ dɔ gúú tə́. A ɔyn̄ nánáḿ yā kaw̄ń Babilon.

JEREMI 15:13

M-ādə̄ de gə̄ a ɔyn̄ yá̰a̰ kənge yāí gə̄ ō, yá̰a̰ yāí gə̄ kə́ gātə̄də́ i ngá̰ý ń ə̄ndā dɔ jīí ní ō dɔ gúú tə́. Yá̰á̰ ń m-ə̄gań kə̄rā majaĺ yāí gə̄ malang ń ī-rāā gō nang yāí tə́ kə taá malang ní n noó.

IJAI 63:18

Jḭḭ ń i gír deē yāí kə́ táĺ gə̄ ní, j-ənge dɔ nang yá̰a̰ ndəbā tə́ dan i ngá̰ý alé. Madə̄ ba̰ā̰jí gə̄ rāān̄ loo yāí kə́ táĺ adə̄ téĺ kə́ yḛr kɔ̄ɔ́.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.

NDŪ NAJƏ̄ 23:4

Amon gə̄ ō, Moab gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé i kə́ bátə́ gə̄ tə́. Ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé. Ká i gír kojə yādə́ kə́ nge ko̰ kutə gə̄gē a udə alé.

2 YÁ̰A̰ GƏ̄ 36:18

Yá̰a̰ malang kə́ bo gə̄gē kə́ dūú gə̄gē, kə́ kem kújə yā Nə́ɓā tə́ gə̄gē, yá̰a̰ ɓɔ̄ɔ̄ gə̄ kə́ kem kújə yā Kɔ́ɔ̄ɓē tə́ gə̄gē, yá̰a̰ ɓɔ̄ɔ̄ gə̄ yā mban̄g gə̄gē, yā de kə́ bo yān gə̄ gə̄gē ní mban̄g kə́ Babilon ɔy aw̄ń Babilon malang.

JEREMI 27:19

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ dɔ gində̄ nə̄ngá kasə kə́ ngāl̄ ɓururu gə̄ tə́ ō, bay kə́ bo ō, púsə nə̄ngá kasə gə̄ ō, yá̰a̰ rāā kəla kə́ rang gə̄ malang ń ton̄ kem ɓē ń toō tə́ ní ō,

JEREMI 27:21

Ɓáa anī, ōōī najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda dɔ gotə yá̰a̰ rāā kəla gə̄ ń ton̄ kem kújə yā Kɔ́ɔ̄ɓē tə́ ō, kem kújə yā mban̄g tə́ ō, Jerusalem tə́ ō ní: