NGÉ SARYA 8:10 - Bibəl ta Sar̄

¹⁰ Jeba nin̄ kə Salmuna ndin̄ i kem loo ń a ɓārə́n̄ na i Karkor ní tə́ kə ngé rɔ̄ɔ̄ yādə́ kə́ 15 000 gēé. Kutə gotə ngé rɔ̄ɔ̄ gə̄ yā ngáń kə́ gír ɓē tə́ gə̄ ń na̰yn̄ ní n noó. Tām̄ ngé rɔ̄ɔ̄ kə́ 120 000 gə̄ oyn̄ kɔ̄ɔ́.

Bible sar

¹⁰ Jeba nin̄ kə Salmuna ndin̄ i kem loo ń a ɓārə́n̄ na i Karkor ní tə́ kə ngé rɔ̄ɔ̄ yādə́ kə́ 15 000 gēé. Kutə gotə ngé rɔ̄ɔ̄ gə̄ yā ngáń kə́ gír ɓē tə́ gə̄ ń na̰yn̄ ní n noó. Tām̄ ngé rɔ̄ɔ̄ kə́ 120 000 gə̄ oyn̄ kɔ̄ɔ́.

NGÉ SARYA 8:10 Referans Kwoze

NGÉ SARYA 7:12

Madian gə̄ ō, Amalek gə̄ ō, ngáń kə́ gír ɓē tə́ ō, ton̄ ta kaw̄ kə̄ nú ngágə looó tītə̄ yim̄ gə̄ beé. Deē asə tə́da kutə jámbal yādə́ gə̄ alé, tām̄ kutədə́ i ngá̰ý tītə̄ nán̄g ngárə̄ḿnjēý kə́ ta bā bo tə́ beē.

2 MBAN̄G 3:26

Dan ń mban̄g kə́ Moab a̰a̰ kadə̄ rɔ̄ɔ̄ tetən kɔ̄ɔ́ anī, ɔy ngé kaskar gə̄ ɓú sīrí yā mbə̄lāń loo kum kə̄ rɔ̄ mban̄g kə́ Edom tə́, banī ngé kaskar gə̄ ní asən̄ alé.

NGÉ SARYA 20:46

Benjamḛ gə̄ 25 000 oyn̄ ndɔ̄ ń noō tə́. I de kə́ ger̄ rɔ̄ɔ̄ kə kaskaraá gə̄ ō, i go̰ rɔ̄ɔ̄ gə̄ malang ō.

NGÉ SARYA 20:35

Kɔ́ɔ̄ɓē tetə Benjamḛ gə̄ rɔ̄ɔ̄ adə̄ Israel gə̄. Ndɔ̄ noō tə́ ní ngán Israel gə̄ tɔ̄lə̄n̄ Benjamḛ gə̄ 25 100 rɔ̄ɔ̄. Nin̄ malang ní i go̰ rɔ̄ɔ̄ gə̄. Ré ngán Israel gə̄ a̰ȳn̄ ba əya̰n̄ loo adə̄n̄ ngán Benjamḛ gə̄ kété ní anī, i tām̄ nin̄ əndān̄ kemdə́ dɔ de gə̄ ń ɓɔ̄ɔ̄n̄də́ gidə ɓē kə́ Gibea tə́ ní.

NGÉ SARYA 20:17

De kə́ dəngam kə́ Israel tə́ gə̄ reēn̄ adə̄ tə́dan̄ kutədə́ ō. Ngé kə́ ger̄ rɔ̄ɔ̄ kə kaskaraá gə̄ i dūbú ɓú sɔ́ kanjə̄ tə́da Benjamḛ gə̄ Nin̄ i deē rɔ̄ɔ̄ gə̄ malang.

NGÉ SARYA 20:15

Ndɔ̄ ń noō tə́ tə́dan̄ kutə ngán Benjamḛ gə̄ ń ḭḭn̄ kə gō ɓē gēé reēn̄ ní anī de kə́ dəngam gə̄ kə́ gerə̄n̄ rɔ̄ɔ̄ kə kaskaraá gə̄ i dūbú kutə jōó kə dūbú mehḛ́ kanjə̄ tə́da Gibea gə̄ ń go̰ rɔ̄ɔ̄ yādə́ i ɓú sīrí ní.

NGÉ SARYA 20:2

Ngār gə̄ ō, gír ɓē gə̄ ō, malang yā ngán Israel gə̄ i kum kán̄ naā yā gír deē yā Nə́ɓā gə̄ ní tə́. Ngé njə̄rā kə njaá rɔ̄ɔń kə kaskaraá gə̄ i deē dūbūú ɓú sɔ́.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

2 YÁ̰A̰ GƏ̄ 28:8

Ngán Israel gə̄ əhɔn̄ ngákó̰ó̰də́ gə̄ dūbú ɓú jōó ɓəlo tə́, əhɔn̄ i dəyá̰ gə̄ ō, ngáń kə́ dəngam gə̄ ō, ngáń kə́ dəyá̰ gə̄ ō, ɔyn̄ yá̰a̰ kənge gə̄ ń əhɔn̄ ta rɔ̄ɔ̄ tə́ ní ngá̰ý aw̄n̄neé Samari ō.

2 YÁ̰A̰ GƏ̄ 28:6

Peka tɔ̄l̄ go̰ rɔ̄ɔ̄ kə́ Juda tə́ gə̄ dūbú ɓú kə dūbú kutə jōó ndɔ̄ kógə̄ḿ beē, tɔdɔ̄ əya̰n̄ Kɔ́ɔ̄ɓē Nə́ɓā yā kaadə́ gə̄ kɔ̄ɔ́.

2 YÁ̰A̰ GƏ̄ 13:17

Abia nin̄ kə deē yān gēé tetən̄də́ rɔ̄ɔ̄ tetə kə́ to ɓōĺ ngá̰ý. Nin̄ tɔ̄lə̄n̄ Israel kə́ ger̄ rɔ̄ɔ̄ majə gə̄ dūbú ɓú mí.

NGÉ SARYA 7:22

Dan ń de kə́ ɓú mətá gə̄ a kɔ̄rə́n̄ tōw̄ ní, Kɔ́ɔ̄ɓē rāā adə̄ de gə̄ malang kə́ kem gérgereé tél tūrə̄n̄ ta kaskar kə̄ dɔ naā tə́ tɔ̄l̄nəń naā, ba gotə de gə̄ ń na̰yn̄ ní a̰ȳn̄ naā bátə́ ugə̄n̄ ɓē kə́ Bet Sita tə́ kum kə̄ Sereda ō, bátə́ ugə̄n̄ ɓē kə́ Abel Mehola tə́ kadə ɓē kə́ Tabat tə́ ō.

NGÉ SARYA 6:5

Tɔdɔ̄ a reēn̄ i kə yá̰a̰ kul̄ yādə́ gēé ō, kújə tandā yādə́ gēé ō. A reēn̄ i ngá̰ý tītə̄ yim̄ gə̄ beé. Nin̄ gə̄gē, jámbal yādə́ gə̄ gə̄gē. Kutədə́ i ngá̰ý al̄ naā adə̄ loo tə́dádə́ gətóo. Nin̄ reē a taān̄ kem ɓē ō, a nujən̄ kem ɓē sák sák kɔ̄ɔ́ ō.

NGÉ SARYA 8:11

Jedeo̰ un róbə́ ń a ɓārə́n̄ na i róbə yā ngé ndi kem kújə tandā gə̄ tə́ ní. Ré deē ra Noba aláa Yogəboha anī róbə́ ní i kə̄ dām̄ kə́ gír ɓē tə́. Ni-aw̄ ənī ngé rɔ̄ɔ̄ gə̄ ń ɔjən̄ na n-ndin̄ na i loo kə́ yá̰a̰ na a rāādə́ tū tə́ aĺ tə́ ní rɔ̄ɔ̄ ba tetədə́ rɔ̄ɔ̄.

NGÉ SARYA 7:13

Dan ń Jedeo̰ reē ugə̄ anī deē kógə̄ḿ ndi a ɔjə i madə̄n gotə nī kə́ rāān. Deē ní əda madə̄n na: Nī kógə̄ḿ rāām̄. M-á̰á̰ mápá ɔrjə ndūburu kem gérger yājí tə́ reē ənda kadə̄ kújə tandā kógə̄ḿ adə̄ teē əsō nujə sák sák kɔ̄ɔ́.