NGÉ SARYA 7:8 - Bibəl ta Sar̄

⁸ Jedeo̰ ngɔ̄m̄ de kə́ ɓú mətá gə̄ ba əya̰ gotə ngán Israel gə̄ adə̄ tél aw̄n̄. Jedeo̰ nin̄ kə de kə́ ɓú mətá gə̄ ní táān̄ jóo yā ngé kaw̄ gə̄ ō, tōw̄ yādə́ gə̄ ō. Gérger yā Jedeo̰ ndi i loo kə́ ḭḭ kə̄ dɔɔ́ tə́, banī gérger yā Madian gə̄ ndi i loo kə́ tél kə̄ nang tə́ tə́ ndágə looó.

Bible sar

⁸ Jedeo̰ ngɔ̄m̄ de kə́ ɓú mətá gə̄ ba əya̰ gotə ngán Israel gə̄ adə̄ tél aw̄n̄. Jedeo̰ nin̄ kə de kə́ ɓú mətá gə̄ ní táān̄ jóo yā ngé kaw̄ gə̄ ō, tōw̄ yādə́ gə̄ ō. Gérger yā Jedeo̰ ndi i loo kə́ ḭḭ kə̄ dɔɔ́ tə́, banī gérger yā Madian gə̄ ndi i loo kə́ tél kə̄ nang tə́ tə́ ndágə looó.

NGÉ SARYA 7:8 Referans Kwoze

1 KORḚNTƏ 15:52

a tūr̄ i láẃ ngá̰ý tītə̄ kum de kə́ kənda sapə beé, dan ń bərúnjə́ kə́ ta tɔ̄l̄ ta tə́ a ɓār̄ ní. Tɔdɔ̄ kōō bərúnjə a ɓār̄, anī de gə̄ ń oyn̄ ní a ndólə̄n̄ ō, rɔ̄də́ a ndum to̰ aĺ ō, ba jḭḭ̄ ní rɔ̄jí a tūr̄.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

NGÉ SARYA 6:33

Madian gə̄ ō, Amalek gə̄ ō, ngáń kə́ gír ɓē tə́ gə̄ ō, əngen̄ naā loo kógə̄ḿ malang. Nin̄ teēn̄ bā Jurdḛ ba aw̄ rāān̄ gérger yādə́ ndágə loo kə́ Jisreel tə́.

NGÉ SARYA 3:27

Dan ń ugə̄ loo ní tə́ anī, kɔ̄ŕ tōw̄ dɔ mbal̄ yā Epəraim tə́ ɓāŕəń ngán Israel gə̄. Gō tə́ anī risən̄ kɔ̄ɔ́ dɔ mbalá, nəkɔ́ i kété no ngán Israel gə̄ tə́.

JOJUE 6:20

Ngé tun̄ yá̰a̰ gə̄ kɔ̄rə́n̄ tōw̄. Dan ń de gə̄ oōn̄ kōō anī, túrə̄n̄ kɔĺ rɔ̄ɔ̄ kə́ to ɓōĺ ngá̰ý, anī ndogə̄ mbal̄ tetə. Kə̄ ta jī tə́ nuū ngán Israel gə̄ udən̄ kem ɓēé, náā nəkɔ́ a kumən i súmūú non tə́, adə̄ nin̄ taān̄ ɓē ní.

JOJUE 6:4

Ngé tun̄ yá̰a̰ gə̄ sīrí a njə̄ran̄ kété no sandúkə madə̄ naā tə́ kə tōw̄ gajə batāá jīdə́ gə̄ tə́ kógə̄ḿ kógə̄ḿ. Kə ndɔ̄ kə́ nge ko̰ sīrí anī, ā ī-njə̄rāī yā gīr̄ gidə ɓē nja sīrí ō, ngé tun̄ yá̰a̰ gə̄ a kɔ̄rə́n̄ tōw̄ ō.

TƏ́DA 10:9

Dan ń ā ī-ndiī dɔ nang yāsí tə́ ba ḭ́ḭḭ̄ yā rɔ̄ɔ̄ madə̄ ba̰ā̰sí gə̄ kə́ ngé rāā kumsí ndoō tə́ gə̄ anī, ā ī-tétī ndū bərúnjə gə̄ ní kadə̄ əgań kem Kɔ́ɔ̄ɓē Nə́ɓā yāsí dɔsí tə́ ba taāńsí jī madə̄ ba̰ā̰sí gə̄ tə́ əya̰sí dɔɔ́.

LEBI GƏ̄ 25:9

Ndɔ̄ kə́ nge ko̰ kutə yā nāā kə́ nge ko̰ sīrí i ndɔ̄ mā̰ȳ rɔ̄ kə́ bo. Ndɔ̄ ń noō tə́ ā ī-ɓāríī tōw̄ dɔ nang yāsí tə́ malang kadə̄ de gə̄ əganə̄ń kɔr̄ rɔ̄nel̄.

LEBI GƏ̄ 23:24

kəda ngán Israel gə̄ ndū najə̄ gə̄ ń toō: Ndɔ̄ kə́ ta kəga dɔ yā nāā kə́ nge ko̰ sīrí i ndɔ̄ kɔr̄ koō yāsí, adə̄ i ndɔ̄ sabat. I ndɔ̄ kəga kem dɔ yá̰a̰ gə̄ ń rāān̄ yá̰á̰ tə́ ní ō, i ndɔ̄ kəga kɔr̄ rɔ̄nel̄ dɔ Kɔ́ɔ̄ɓē tə́ ō, i ndɔ̄ kán̄ naā yā rɔȳm̄ ō.

NGÉ SARYA 7:7

Kɔ́ɔ̄ɓē əda Jedeo̰ na: M-ā m-ájə́ ngán Israel gə̄ i kə ta kūl̄ de kə́ ɓú mətá gə̄ ń tə́gān̄ man̄ kə̄ tadə́ tə́ ní ō, m-ā m-ə́la Madian gə̄ kem jīí tə́ i kə kūl̄də́ ō. Ba ādə̄ gotə de gə̄ tél aw̄n̄ kógə̄ḿ kógə̄ḿ kə̄ ɓē yādə́ gə̄ tə́.

NGÉ SARYA 7:9

Ndɔ̄ɔ́ ndɔ̄ ń yá̰a̰ gə̄ ń noō rāānəń yá̰á̰ tə́ ní, Kɔ́ɔ̄ɓē əda Jedeo̰ na: Ḭ́ḭ dɔɔ́ āw̄ ə̄nī gérger yā Madian gə̄ rɔ̄ɔ̄, tɔdɔ̄ m-ə́lan kem jīí tə́ kɔ̄ɔ́.