NGÉ SARYA 7:21 - Bibəl ta Sar̄

²¹ Nin̄ ran̄ gotə kógə̄ḿ kə gō gidə gérgereé, banī de gə̄ malang kə́ kem gérgereé a a̰ȳn̄ i ngɔ̄də̄ ō, a əgan̄ i kɔŕ ō, a a̰ȳn̄ i naā ō.

Bible sar

²¹ Nin̄ ran̄ gotə kógə̄ḿ kə gō gidə gérgereé, banī de gə̄ malang kə́ kem gérgereé a a̰ȳn̄ i ngɔ̄də̄ ō, a əgan̄ i kɔŕ ō, a a̰ȳn̄ i naā ō.

NGÉ SARYA 7:21 Referans Kwoze

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

IJAI 30:15

Najə̄ ń Kɔ́ɔ̄ɓē, ni ń i Nə́ɓā kə́ táĺ yā Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

2 YÁ̰A̰ GƏ̄ 20:17

Ā ī-rɔ̄ɔ̄īdə́ loo ń noō tə́ alé. Āw̄ ī-raī loo ní tə́ gotə kógə̄ḿ ba á̰a̰ī loo tetə ń Kɔ́ɔ̄ɓē a tetə rɔ̄ɔ̄ yā kadə̄sí ní. De kə́ Juda gə̄ ō, Jerusalem gə̄ ō, ī-lōōī ɓōĺ ō, ī-lōōī kadə̄ ndíĺsí a̰ȳ ō. Bírí ī-teē ī-tə́nāī tadə́ loo ń noō tə́ na Kɔ́ɔ̄ɓē i naā tə́ sesí.

Teē Ngán Israel gə̄ 14:25

Ni-do̰ō̰ nja púsə rɔ̄ɔ̄ yādə́ gə̄ gotə kógə̄ḿ, adə̄ loo kɔrdə́ tōr̄. Loo ń noō tə́ de kə́ Ejiptə gə̄ ədan̄ na kə n-a̰ȳn̄ naā no ngán Israel gə̄ tə́ kə n-aw̄n̄ sa̰y kɔ̄ɔ́, tɔdɔ̄ na i Kɔ́ɔ̄ɓē n a rɔ̄ɔ̄də́ adə̄ ngán Israel gə̄ toó.

HEBƏRO 11:34

tɔ̄lə̄n̄ kəngā hor gə̄ ō, teēn̄ ta yo kaskar tə́ ō, loo ń mo̰y rāādə́ ní əngen̄ rɔ̄ ngan̄g ō, rāān̄ go̰ loo rɔ̄ɔ̄ tə́ ō, tə̄ɓān̄ ɓūtə̄ áskar kə́ tə̄rā gə̄ ō.

NGÉ SARYA 7:20

Gír ɓūtə̄ kə́ jōó gə̄ ní rāān̄ tītə̄ yādə́ ō. Nin̄ əhɔn̄ hor ngel̄ kə jīdə́ kə́ geleé ō, jī ko̰də́ əhɔnə̄ń tōw̄ ō, ba ədan̄ kə tɔ́gɔ́ na: I kaskar kə́ tām̄ yā Kɔ́ɔ̄ɓē tə́ ō, Jedeo̰ tə́ ō.

1 MBAN̄G GƏ̄ 20:20

Nin̄ tɔ̄lə̄n̄ deē kógə̄ḿ kógə̄ḿ kə dɔdə́ gēé. Aram gə̄ a̰ȳn̄ naā, banī Israel gə̄ ngɔ̄də̄n̄də́. Ben Hadad, mban̄g kə́ Aram a̰ȳ i dɔ sə́nda kógə̄ḿ tə́ naā tə́ kə ngé kal̄ sə́ndá kə́rēý gēé.

2 YÁ̰A̰ GƏ̄ 20:15

Ni-əda na: Sḭḭ̄ malang, Juda gə̄ ō, de kə́ Jerusalem gə̄ ō, mban̄g Josapat ō, ī-nēlī mbīsí majə ōōīneé! Najə̄ ń Kɔ́ɔ̄ɓē əda ní n toó: Ī-lōōī sōl̄ ō, ī-lōōī kadə̄ ndíĺsí a̰ȳ ō, no kósə de kə́ ngá̰ý gə̄ ń toō tə́, tām̄ rɔ̄ɔ̄ ń toō i rɔ̄ɔ̄ yāsí alé ba i rɔ̄ɔ̄ yā Nə́ɓā.