NGÉ SARYA 7:2 - Bibəl ta Sar̄

² Kɔ́ɔ̄ɓē əda Jedeo̰ na: De gə̄ ń seí ní nin̄ i ngá̰ý adə̄ m-ā m-ādə̄ a tetən̄ Madian gə̄ rɔ̄ɔ̄ alé na sōgə́ ngán Israel gə̄ ɔjən̄ rɔ̄də́ ədan̄ na i jīdə́ n na ajədə́ ní ō, tūrə̄n̄ gír rī ɓār̄ ń i yāḿ ní kə́ yādə́ tə́ ō.

Bible sar

² Kɔ́ɔ̄ɓē əda Jedeo̰ na: De gə̄ ń seí ní nin̄ i ngá̰ý adə̄ m-ā m-ādə̄ a tetən̄ Madian gə̄ rɔ̄ɔ̄ alé na sōgə́ ngán *Israel gə̄ ɔjən̄ rɔ̄də́ ədan̄ na i jīdə́ n na ajədə́ ní ō, tūrə̄n̄ gír rī ɓār̄ ń i yāḿ ní kə́ yādə́ tə́ ō.

NGÉ SARYA 7:2 Referans Kwoze

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

2 KORḚNTƏ 4:7

Banī jḭḭ ń j-ətō yá̰a̰ kənge kə́ gātə̄n i ngá̰ý ngeé ń toō ní, jə-to i tītə̄ jóó nánjə̄ gə̄ beé, yā kadə̄ de gə̄ gerə̄n̄neé kadə̄ tɔ́gə́ kə́ ngá̰ý kə́ to tayā ngeé ń toō ní, i yā Nə́ɓā ba i yājí jḭḭ alé.

Makətūbə̄ ń Pol ndang adə̄ Rom gə̄ ní 11:18

Loo ń noō tə́ ní, ḭ̄ i de kə́ kadə̄ ɔ́jə rɔ̄í dɔ ta jī kāgə̄ olibə gə̄ ń tə́gān̄də́ kɔ̄ɔ́ tə́ ní alé. Ā ɔ́jə rɔ̄í i ba̰ý? I ḭ̄ n i nge kətō ngə̄rā kāgə̄ olibə kə́ ɓēé ní alé, banī i ni n i nge kətōī ní.

EPEJƏ 2:9

I kəla yāsí gə̄ n ajən̄sí ní alé, adə̄ de kə́ a asə kɔr ta rɔ̄n tāmən tə́ gətóo!

JAKARI 12:7

I kojə gə̄ yā Juda ń Kɔ́ɔ̄ɓē a ajədə́ ta kəga dɔ ní. Loo ń noō tə́ de gə̄ kə́ kem kojə yā Dabid tə́ ō, de kə́ Jerusalem gə̄ ō, a rāān̄ rɔ̄də́ i de gə̄ kə́ dɔɔ́ dɔ gotə de kə́ rang gə̄ kə́ Juda tə́ alé.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

NDŪ NAJƏ̄ 32:27

Ba m̄-ɓōĺ i najə̄ kadə̄ madə̄ ba̰ā̰də́ gə̄ gerə̄n̄ aĺ ba ḭḭ ədan̄ na, i nin̄ n na n-rāān̄ yá̰a̰ gə̄ ń noō malang ní ba na i mā alé.

Makətūbə̄ ń Pol ndang adə̄ Rom gə̄ ní 3:27

Ní loo kadə̄ j-ɔjiī rɔ̄jí i rá ɓáý? Lon gətóo. I tām̄ rí tə́? I tām̄ yā kəla yājí gə̄ tə́ a? I tām̄ yā kəla yājí gə̄ tə́ alé, banī i tām̄ yā taā kem yājí tə́.

HABAKUK 1:16

Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

IJAI 10:13

Tām̄ mban̄g ngeé ń toō əda na: Yá̰a̰ malang ń m̄-rāā ní, i kə ta kūl̄ tɔ́gə́ḿ ō, kum kedə̄ yāḿ ō, tɔdɔ̄ mā i de kə́ m̄-ger̄ yá̰a̰. m̄-rāā adə̄ dɔ nin̄ loo gə̄ yā gír de gə̄ gətóo kɔ̄ɔ́ ō, m̄-ɓogə yá̰a̰ kənge yādə́ gə̄ kə́ to loo ɓɔ̄ɔ̄ tə́ ō. m̄-rāā mban̄g gə̄ adə̄ risən̄ kɔ̄ɔ́ dɔ kōr̄ kāgə̄ mbang yādə́ gə̄ tə́ ō.

2 YÁ̰A̰ GƏ̄ 14:11

Kɔ́ɔ̄ɓē tetə Nubi gə̄ rɔ̄ɔ̄ no Asa tə́ ō, no Juda gə̄ tə́ ō, adə̄ Nubi gə̄ a̰ȳn̄ naā.

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

TA KƏLA 46:2

Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob! Anī Jakob ndigən na: Mā n toó.

TƏ́DA 31:4

Ɔ̄rī deē dūbú kógə̄ḿ kə dɔ gír ɓē gēé yā ngán Israel gēé kógə̄ḿ kógə̄ḿ ādə̄ aw̄n̄ rɔ̄ɔ̄ tə́.