NGÉ SARYA 7:12 - Bibəl ta Sar̄

¹² Madian gə̄ ō, Amalek gə̄ ō, ngáń kə́ gír ɓē tə́ ō, ton̄ ta kaw̄ kə̄ nú ngágə looó tītə̄ yim̄ gə̄ beé. Deē asə tə́da kutə jámbal yādə́ gə̄ alé, tām̄ kutədə́ i ngá̰ý tītə̄ nán̄g ngárə̄ḿnjēý kə́ ta bā bo tə́ beē.

Bible sar

¹² Madian gə̄ ō, Amalek gə̄ ō, ngáń kə́ gír ɓē tə́ ō, ton̄ ta kaw̄ kə̄ nú ngágə looó tītə̄ yim̄ gə̄ beé. Deē asə tə́da kutə jámbal yādə́ gə̄ alé, tām̄ kutədə́ i ngá̰ý tītə̄ nán̄g ngárə̄ḿnjēý kə́ ta bā bo tə́ beē.

NGÉ SARYA 7:12 Referans Kwoze

NGÉ SARYA 8:10

Jeba nin̄ kə Salmuna ndin̄ i kem loo ń a ɓārə́n̄ na i Karkor ní tə́ kə ngé rɔ̄ɔ̄ yādə́ kə́ 15 000 gēé. Kutə gotə ngé rɔ̄ɔ̄ gə̄ yā ngáń kə́ gír ɓē tə́ gə̄ ń na̰yn̄ ní n noó. Tām̄ ngé rɔ̄ɔ̄ kə́ 120 000 gə̄ oyn̄ kɔ̄ɔ́.

NGÉ SARYA 6:5

Tɔdɔ̄ a reēn̄ i kə yá̰a̰ kul̄ yādə́ gēé ō, kújə tandā yādə́ gēé ō. A reēn̄ i ngá̰ý tītə̄ yim̄ gə̄ beé. Nin̄ gə̄gē, jámbal yādə́ gə̄ gə̄gē. Kutədə́ i ngá̰ý al̄ naā adə̄ loo tə́dádə́ gətóo. Nin̄ reē a taān̄ kem ɓē ō, a nujən̄ kem ɓē sák sák kɔ̄ɔ́ ō.

NGÉ SARYA 6:3

Ré ngán Israel gə̄ dubə̄n̄ kōō oy anī Madian gə̄ kə Amalek gə̄, kə ngáń kə́ gír ɓē tə́ gə̄ reē a rɔ̄ɔ̄n̄də́ i mbée dejə.

JOJUE 11:4

Adə̄ mban̄g gə̄ teēn̄ kə ɓūtə̄ ngé rɔ̄ɔ̄ yādə́ gēé malang. I kósə de kə́ dum̄ tə́da, tām̄ nin̄ ton̄ tītə̄ kum nán̄g ngárə̄ḿnjēý. Sə́nda yādə́ gə̄ i ngá̰ý ō, púsə́ sə́nda yādə́ i ngá̰ý ō.

PĀ GƏ̄ 33:16

I kutə ngé rɔ̄ɔ̄ kə́ ngá̰ý gə̄ n a ajə mban̄g ní a? I tɔ́gə kə́ ngá̰ý n a ajə go̰ rɔ̄ ní a?

PĀ GƏ̄ 3:1

Pā yā Dabid, i dan ń a̰ȳń kɔ̄ɔ́ no ngōnən Absalom tə́ ní.

NGÉ SARYA 6:33

Madian gə̄ ō, Amalek gə̄ ō, ngáń kə́ gír ɓē tə́ gə̄ ō, əngen̄ naā loo kógə̄ḿ malang. Nin̄ teēn̄ bā Jurdḛ ba aw̄ rāān̄ gérger yādə́ ndágə loo kə́ Jisreel tə́.

NGÉ SARYA 7:13

Dan ń Jedeo̰ reē ugə̄ anī deē kógə̄ḿ ndi a ɔjə i madə̄n gotə nī kə́ rāān. Deē ní əda madə̄n na: Nī kógə̄ḿ rāām̄. M-á̰á̰ mápá ɔrjə ndūburu kem gérger yājí tə́ reē ənda kadə̄ kújə tandā kógə̄ḿ adə̄ teē əsō nujə sák sák kɔ̄ɔ́.

1 SAMUEL 30:17

Dabid tɔ̄l̄də́ kə gír looí ɓatə bátə́ loo tíbə, loo tīī tél tíbə gotə madāá. Deē kógə̄ḿ kə́ teē gətóo, ba i balsáá kə́ ɓú sɔ́ gə̄ ń alə̄n̄ gidə jámbal gə̄ tə́ á a̰ȳ aw̄n̄ kɔ̄ɔ́ ní tá ngóy.

JEREMI 46:23

Ká ré ku kāgə̄ yān nderə̄ń tītə̄ rí gə̄gē anī, ī-tə́gāī kāgə̄ gə̄ kə́ tū tə́ kɔ̄ɔ́. Najə̄ ń Kɔ́ɔ̄ɓē əda ní n noó. Kutədə́ i ngá̰ý tɔȳ yim̄ gə̄, adə̄ deē asə tə́dádə́ alé.

1 SAMUEL 13:5

Pilistin gə̄ ɔsən̄ dɔdə́ naā tə́ yā rɔ̄ɔ̄ Israel gə̄ ō. Púsə rɔ̄ɔ̄ yādə́ gə̄ i dūbú kutə mətá ō, ngé kal̄ sə́nda rɔ̄ɔ̄ yādə́ gē i dūbú mehḛ́ ō, kutə ngé rɔ̄ɔ̄ yādə́ kə́ ngé njə̄rā kə njadə́ gə̄ i ngá̰ý tītə̄ nán̄g ngárə̄ḿnjēý kə́ ta bā tə́ ō. Nin̄ aw̄ ndin̄ Mikəmas. Loo ń ndin̄ tū tə́ ní, ré deē ra Bet Aben anī i kə̄ dām̄ kə́ gír ɓē tə́.

1 MBAN̄G GƏ̄ 20:27

Ngán Israel gə̄ ran̄ kə ta naá adə̄ Akab mān̄ a̰a̰də́ ō, adə̄n̄də́ yá̰a̰ kəsa ō, tá kadə̄ aw̄n̄ tə́nī ta Aram gə̄ tə́ ɓáý. Nin̄ ran̄ no Aram gə̄ tə́ tītə̄ ɓūtə̄ bə̄yā̰ kə́ sḛ́ý beé gə̄ gír loo jōó, banī Aram gə̄ i ngá̰ý, nin̄ taān̄ loo malang.