NGÉ SARYA 6:5 - Bibəl ta Sar̄

⁵ Tɔdɔ̄ a reēn̄ i kə yá̰a̰ kul̄ yādə́ gēé ō, kújə tandā yādə́ gēé ō. A reēn̄ i ngá̰ý tītə̄ yim̄ gə̄ beé. Nin̄ gə̄gē, jámbal yādə́ gə̄ gə̄gē. Kutədə́ i ngá̰ý al̄ naā adə̄ loo tə́dádə́ gətóo. Nin̄ reē a taān̄ kem ɓē ō, a nujən̄ kem ɓē sák sák kɔ̄ɔ́ ō.

Bible sar

⁵ Tɔdɔ̄ a reēn̄ i kə yá̰a̰ kul̄ yādə́ gēé ō, kújə tandā yādə́ gēé ō. A reēn̄ i ngá̰ý tītə̄ yim̄ gə̄ beé. Nin̄ gə̄gē, jámbal yādə́ gə̄ gə̄gē. Kutədə́ i ngá̰ý al̄ naā adə̄ loo tə́dádə́ gətóo. Nin̄ reē a taān̄ kem ɓē ō, a nujən̄ kem ɓē sák sák kɔ̄ɔ́ ō.

NGÉ SARYA 6:5 Referans Kwoze

NGÉ SARYA 7:12

Madian gə̄ ō, Amalek gə̄ ō, ngáń kə́ gír ɓē tə́ ō, ton̄ ta kaw̄ kə̄ nú ngágə looó tītə̄ yim̄ gə̄ beé. Deē asə tə́da kutə jámbal yādə́ gə̄ alé, tām̄ kutədə́ i ngá̰ý tītə̄ nán̄g ngárə̄ḿnjēý kə́ ta bā bo tə́ beē.

NGÉ SARYA 8:10

Jeba nin̄ kə Salmuna ndin̄ i kem loo ń a ɓārə́n̄ na i Karkor ní tə́ kə ngé rɔ̄ɔ̄ yādə́ kə́ 15 000 gēé. Kutə gotə ngé rɔ̄ɔ̄ gə̄ yā ngáń kə́ gír ɓē tə́ gə̄ ń na̰yn̄ ní n noó. Tām̄ ngé rɔ̄ɔ̄ kə́ 120 000 gə̄ oyn̄ kɔ̄ɔ́.

JEREMI 49:32

De gə̄ a narə̄n̄ jámbal yādə́ gə̄ ō, a ənīn̄də́ rɔ̄ɔ̄ yā taā ɓūtə̄ yá̰a̰ kul̄ kə́ ngá̰ý gə̄ ō jīdə́ tə́. Ngé dəsā mbāý kə́ mdɔ́ŕdə́ tə́ gə̄ ń noō, m-ā m̄-tə̄ndā yā tḭ̄ḭ̄də́ kógə̄ḿ kógə̄ḿ kə̄ loo gə̄ tə́ ō, m-ā m̄-rāā kadə̄ yá̰á̰ kə́ to nujə loo gə̄ teēn̄ kə̄ ta loo gə̄ tə́ malang kə̄ dɔdə́ tə́ ō. Najə̄ ń Kɔ́ɔ̄ɓē əda ní n noó.

JEREMI 49:29

De gə̄ taān̄ tandā yādə́ gə̄ ō, ɓūtə̄ yá̰a̰ kul̄ yādə́ gə̄ ō, kūbə̄ kə́ hɔɔ́lɔ̄ yādə́ gə̄ ō, ngáń gájə́ yá̰a̰ rāā kəla yādə́ gə̄ malang ō, jīdə́ tə́ kɔ̄ɔ́. Əhɔn̄ jámbal yādə́ gə̄ aw̄n̄neé ba ədan̄ dɔdə́ na: Loo malang i ɓōĺ.

JEREMI 46:23

Ká ré ku kāgə̄ yān nderə̄ń tītə̄ rí gə̄gē anī, ī-tə́gāī kāgə̄ gə̄ kə́ tū tə́ kɔ̄ɔ́. Najə̄ ń Kɔ́ɔ̄ɓē əda ní n noó. Kutədə́ i ngá̰ý tɔȳ yim̄ gə̄, adə̄ deē asə tə́dádə́ alé.

IJAI 60:6

Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.

IJAI 13:20

Deē a ndi kemeé to̰ aĺ i kə́ bátə́ gə̄ tə́, kemən a ra karī i kə́ njɔ́ḿ gə̄ tə́. Ngé njə̄rā dɔɔ́ gə̄gē a əhɔn̄ loo kemeé yā ndi tū tə́ to̰ alé. Ngé ngɔ̄m̄ yá̰a̰ kul̄ gə̄ gə̄gē a aw̄n̄ kə ɓūtə̄ yá̰a̰ kul̄ yādə́ gēé tū tə́ to̰ alé.

PĀ KƏ́ MAJƏ 1:5

Ngáń kə́ dəyá̰ kə́ Jerusalem gə̄, mā i de kə́ m̄-kərē kasə ō, m̄-majə deē ō. m̄-to tītə̄ kújə tandā gə̄ kə́ rāān̄də́ kə bḭḭ̄ dā̰ kə́ ndul gusə gusə beē, m̄-to tītə̄ kūbə̄ tapīi gə̄ kə́ gātə̄n i ngá̰ý beē.

1 SAMUEL 30:17

Dabid tɔ̄l̄də́ kə gír looí ɓatə bátə́ loo tíbə, loo tīī tél tíbə gotə madāá. Deē kógə̄ḿ kə́ teē gətóo, ba i balsáá kə́ ɓú sɔ́ gə̄ ń alə̄n̄ gidə jámbal gə̄ tə́ á a̰ȳ aw̄n̄ kɔ̄ɔ́ ní tá ngóy.

NGÉ SARYA 8:21

Tā anī Jeba nin̄ kə Salmuna ədan̄ Jedeo̰ na: īkɔ́ ḭ́ḭ dɔɔ́ ī-tɔ̄l̄jí, tɔdɔ̄ náā nəkɔ́ asə rāā kem dəngam i kə gō tɔ́gəneé. Loo ń noō tə́ Jedeo̰ tɔ̄l̄ Jeba nin̄ kə Salmuna, ba ró̰ȳ yá̰á̰ súū rɔ̄ gə̄ ń tə́lan̄ míndə́ jámbal yādə́ gə̄ tə́ ní.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

JEREMI 51:14

Kɔ́ɔ̄ɓē kə́ bo kə́ tɔ́gən i ngá̰ý túbə əda na: M-ā m̄-bə̄gā de kə́ kutədə́ i ngá̰ý tītə̄ yim̄ gə̄ beé dɔí tə́, nin̄ a əgan̄ kɔŕ tetə dɔí tə́ tītə̄ ngé kəja kan̄ kāgə̄ nduú gə̄ beé.