NGÉ SARYA 6:4 - Bibəl ta Sar̄

⁴ Nin̄ reē a ndin̄ i dɔ nang yā ngán Israel gə̄ tə́ n a nujənə̄ń kan̄ yá̰a̰ gə̄ kə́ kem ndɔrɔ́ bátə́ ta kaw̄ kə̄ Gaja ngɔr ní. Nin̄ əya̰n̄ yá̰a̰ kəsa adə̄n̄ ngán Israel gə̄ alé. Əya̰n̄ batə̄ aĺ ō, man̄g aĺ ō, kərō aĺ ō.

Bible sar

⁴ Nin̄ reē a ndin̄ i dɔ nang yā ngán Israel gə̄ tə́ n a nujənə̄ń kan̄ yá̰a̰ gə̄ kə́ kem ndɔrɔ́ bátə́ ta kaw̄ kə̄ Gaja ngɔr ní. Nin̄ əya̰n̄ yá̰a̰ kəsa adə̄n̄ ngán Israel gə̄ alé. Əya̰n̄ batə̄ aĺ ō, man̄g aĺ ō, kərō aĺ ō.

NGÉ SARYA 6:4 Referans Kwoze

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

NDŪ NAJƏ̄ 28:51

A əsan̄ yá̰a̰ kul̄ yāí gə̄ ō, kōō ndɔrí gə̄ ō, bátə́ kadə̄ ī-gətóoń. Nin̄ a əya̰n̄ kōō gémē ō, man̄ nduú ō, yibə̄ ō yā kadī alé. A əya̰n̄ ngán man̄g yāí gə̄ ō, ngán batə̄ yāí gə̄ ō, ngán bə̄yā̰ yāí gə̄ ō, yā kadī alé, bátə́ kadə̄ ī-gətóoń.

MISE 6:15

Ā ī-dubī yá̰a̰, banī ā ásiī kəja alé. Ā ī-kásī kan̄ kāgə̄ olibə, banī ā úniī yibə̄n yā rāań yá̰a̰ alé. Ā ī-mbə́rēī kan̄ kāgə̄ nduú, banī ā ā̰ȳ kasən alé.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

Gōsə̄ najə̄ gə̄ 28:3

Ngol de gə̄ kə́ ndoō rāān ō kə́ a kəsa tətō ngé tɔ́gə gətóo gə̄ ō, to i tītə̄ man̄ kə́ edə kə tɔ́gɔ́, kə́ nujə kōō gə̄ adə̄ yá̰a̰ kəsa gətóo ō.

TA KƏLA 13:10

Lot un kumən kə́ dɔɔ́ anī a̰a̰ ndágə loo kə́ Jurdḛ tə́ ń man̄ aw̄ tū tə́ majə ní. Kété tá kadə̄ Kɔ́ɔ̄ɓē nujə Sodom ō, Gomor ō ní, ndágə loo kə́ Jurdḛ tə́ ní to i tītə̄ loo kə́ kem ndɔr̄ yā Kɔ́ɔ̄ɓē tə́ ō, to i tītə̄ dɔ nang kə́ Ejiptə tə́ ō, bátə́ ugə̄ń Soar.

TA KƏLA 10:19

Dɔ nin̄ loo yādə́ əla gír i Sidon, teēń Gerar bátə́ ugə̄ń Gaja ō, Sodom ō, Gomor ō, Adəma ō, Seboim ō, Lesa ō.

ABƏDIAS 1:5

Ré ngé ɓogə gə̄, aláa ngé kɔy yá̰a̰ yā de gə̄ dɔ gúú tə́ gə̄, reēn̄ ɓēé looí ndɔ̄ɔ́ anī, yá̰a̰ malang ń nin̄ a asən̄ kɔy ní, a ɔyn̄ ō, yá̰á̰ kógə̄ḿ kə́ a na̰y tām̄ yāí tə́ a gətóo ō. Ré ngé kəla gə̄ reēn̄ kəja kan̄ nduú kem ndɔr̄ kāgə̄ nduú yāí tə́ anī, nin̄ a əya̰n̄ i dɔ bəran kə́rēý gə̄ ngóy.

NGÉ SARYA 6:3

Ré ngán Israel gə̄ dubə̄n̄ kōō oy anī Madian gə̄ kə Amalek gə̄, kə ngáń kə́ gír ɓē tə́ gə̄ reē a rɔ̄ɔ̄n̄də́ i mbée dejə.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.