NGÉ SARYA 6:3 - Bibəl ta Sar̄

³ Ré ngán Israel gə̄ dubə̄n̄ kōō oy anī Madian gə̄ kə Amalek gə̄, kə ngáń kə́ gír ɓē tə́ gə̄ reē a rɔ̄ɔ̄n̄də́ i mbée dejə.

Bible sar

³ Ré ngán Israel gə̄ dubə̄n̄ kōō oy anī Madian gə̄ kə Amalek gə̄, kə ngáń kə́ gír ɓē tə́ gə̄ reē a rɔ̄ɔ̄n̄də́ i mbée dejə.

NGÉ SARYA 6:3 Referans Kwoze

NGÉ SARYA 7:12

Madian gə̄ ō, Amalek gə̄ ō, ngáń kə́ gír ɓē tə́ ō, ton̄ ta kaw̄ kə̄ nú ngágə looó tītə̄ yim̄ gə̄ beé. Deē asə tə́da kutə jámbal yādə́ gə̄ alé, tām̄ kutədə́ i ngá̰ý tītə̄ nán̄g ngárə̄ḿnjēý kə́ ta bā bo tə́ beē.

NGÉ SARYA 6:33

Madian gə̄ ō, Amalek gə̄ ō, ngáń kə́ gír ɓē tə́ gə̄ ō, əngen̄ naā loo kógə̄ḿ malang. Nin̄ teēn̄ bā Jurdḛ ba aw̄ rāān̄ gérger yādə́ ndágə loo kə́ Jisreel tə́.

NGÉ SARYA 3:13

Egəlon ɔy Amon gə̄ ō, Amalek gə̄ ō, gōn tə́ reē rɔ̄ɔń ngán Israel gə̄. Nin̄ taān̄ ɓē kə́ Jeriko ń kāgə̄ túmbur gə̄ i ngá̰ý tū tə́ ní.

Makətūbə̄ yā Job 1:3

Batə̄ yān gə̄ i dūbú sīrí ō, jámbal gə̄ i dūbú mətá ō, man̄g gə̄ kə́ kadə naā tə́ jōó jōó i ɓú mí ō, kó̰o̰ kərō gə̄ i ɓú mí ō, ngé kəla yān gə̄ i ngá̰ý ō. Deē ngeé ń toō i de kə́ bo tɔȳ gotə de gə̄ malang kə́ dām̄ kə́ gír ɓē tə́.

NGÉ SARYA 8:10

Jeba nin̄ kə Salmuna ndin̄ i kem loo ń a ɓārə́n̄ na i Karkor ní tə́ kə ngé rɔ̄ɔ̄ yādə́ kə́ 15 000 gēé. Kutə gotə ngé rɔ̄ɔ̄ gə̄ yā ngáń kə́ gír ɓē tə́ gə̄ ń na̰yn̄ ní n noó. Tām̄ ngé rɔ̄ɔ̄ kə́ 120 000 gə̄ oyn̄ kɔ̄ɔ́.

TA KƏLA 29:1

Jakob əsō róbó aw̄ kə̄ dɔ nang kə́ gír ɓē tə́.

MISE 6:15

Ā ī-dubī yá̰a̰, banī ā ásiī kəja alé. Ā ī-kásī kan̄ kāgə̄ olibə, banī ā úniī yibə̄n yā rāań yá̰a̰ alé. Ā ī-mbə́rēī kan̄ kāgə̄ nduú, banī ā ā̰ȳ kasən alé.

Makətūbə̄ yā Job 31:8

ādə̄ yá̰á̰ ń m̄-dubə̄ ní de kə́ rang əsa, aĺ anī ādə̄ ró̰ȳn̄ kōō yāḿ kɔ̄ɔ́!

NDŪ NAJƏ̄ 28:51

A əsan̄ yá̰a̰ kul̄ yāí gə̄ ō, kōō ndɔrí gə̄ ō, bátə́ kadə̄ ī-gətóoń. Nin̄ a əya̰n̄ kōō gémē ō, man̄ nduú ō, yibə̄ ō yā kadī alé. A əya̰n̄ ngán man̄g yāí gə̄ ō, ngán batə̄ yāí gə̄ ō, ngán bə̄yā̰ yāí gə̄ ō, yā kadī alé, bátə́ kadə̄ ī-gətóoń.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

NGÉ SARYA 6:2

Madian gə̄ rāān̄ kum ngán Israel gə̄ ndoō tə́ ngá̰ý, adə̄ nin̄ rāān̄ loo ɓɔ̄ɔ̄ rɔ̄ yādə́ mbo̰ō̰ mbal̄ gə̄ tə́ ō, bəlo mbal̄ gə̄ tə́ ō, dɔ mbal̄ gə̄ kə́ loo kaw̄ kə̄ tū tə́ tōr̄ ngá̰ý tə́ ō.

NGÉ SARYA 6:4

Nin̄ reē a ndin̄ i dɔ nang yā ngán Israel gə̄ tə́ n a nujənə̄ń kan̄ yá̰a̰ gə̄ kə́ kem ndɔrɔ́ bátə́ ta kaw̄ kə̄ Gaja ngɔr ní. Nin̄ əya̰n̄ yá̰a̰ kəsa adə̄n̄ ngán Israel gə̄ alé. Əya̰n̄ batə̄ aĺ ō, man̄g aĺ ō, kərō aĺ ō.

1 MBAN̄G GƏ̄ 20:27

Ngán Israel gə̄ ran̄ kə ta naá adə̄ Akab mān̄ a̰a̰də́ ō, adə̄n̄də́ yá̰a̰ kəsa ō, tá kadə̄ aw̄n̄ tə́nī ta Aram gə̄ tə́ ɓáý. Nin̄ ran̄ no Aram gə̄ tə́ tītə̄ ɓūtə̄ bə̄yā̰ kə́ sḛ́ý beé gə̄ gír loo jōó, banī Aram gə̄ i ngá̰ý, nin̄ taān̄ loo malang.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

EJEKIEL 25:4

Tām̄ najə̄ ń noō tə́ ní, m-ā m-ə́yá̰ ngé ngɔ̄m̄ yá̰a̰ kul̄ gə̄ kə́ ngé ndi gotə kógə̄ḿ aĺ gə̄, kə́ dām̄ kə́ gír ɓē tə́, kadə̄ taān̄ ɓē yāsí. Nin̄ a ndin̄ dɔ nang yāsí tə́, a túdə̄n̄ kújə tandā yādə́ gə̄ dɔ nang yāsí tə́. I nin̄ n a əsan̄ kan̄ kāgə̄ yāsí gə̄ ō, a a̰ȳn̄ mbaa yāsí ō ní.

TA KƏLA 25:6

Dan ń ni-ndi kə kumneé ɓáý ní, adə̄ ngán də̄yá̰ gidə ndogə̄ yān gə̄ kadə̄ karī gə̄ pá tá kadə̄ əla sedə́ sa̰y kɔ̄ɔ́ rɔ̄ ngōnə̄n Isaak tə́ dɔ nang kə́ gír ɓē tə́ tə́.

Teē Ngán Israel gə̄ 17:8

Amalek gə̄ reē ənīn̄ ngán Israel gə̄ rɔ̄ɔ̄ Repidim.

NGÉ SARYA 10:12

Sidon gə̄ ō, Amalek gə̄ ō, Maon gə̄ ō, rāān̄ kumsí ndoō tə́ á ī-ɓāŕmī kadə̄ m̄-rāā sesí m-ájə́sí aĺ a?

1 MBAN̄G GƏ̄ 5:10

Kum kedə̄ yā Salomo̰ tɔȳ kum kedə̄ yā ngáń kə́ dūn̄ ɓē tə́ gə̄ malang ō, tɔȳ kum kedə̄ gə̄ malang kə́ dɔ nang kə́ Ejiptə tə́ ō.

IJAI 11:14

Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

JEREMI 49:28

Kə́ tām̄ yā Kedar tə́ ō, ɓē ko̰o̰ kə́ Hasor tə́ ō ń Nabukodonosor, mban̄g kə́ Babilon tetədə́ rɔ̄ɔ̄ ní, najə̄ ń Kɔ́ɔ̄ɓē əda ní n toó: Ḭ́ḭī dɔɔ́, āw̄ ə̄nīī Kedar rɔ̄ɔ̄ ō, āw̄ ī-nujiī kə yá̰a̰ yā ngáń kə́ gír ɓē tə́ gēé malang kɔ̄ɔ́ ō.

EJEKIEL 25:3

Ə́dádə́ na kə oōn̄ yá̰á̰ ń mā Kɔ́ɔ̄ɓē Nə́ɓā m-ɔ̄r̄ sedə́ ní. Dan ń rāān̄ loo yāḿ kə́ táĺ loo kə́ karī tə́ ní, dan ń nujən̄ ɓē kə́ Israel tə́ kɔ̄ɔ́ ní, dan ń ɔyn̄ de kə́ Juda gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, sḭḭ̄ ə̄gōīdə́ ngá̰ý.