NGÉ SARYA 6:12 - Bibəl ta Sar̄

¹² Nge kaw̄ kəla yā Kɔ́ɔ̄ɓē ndɔ̄w̄n ba ədan na: Go̰ rɔ̄ɔ̄, Kɔ́ɔ̄ɓē i naā tə́ seí.

Bible sar

¹² *Nge kaw̄ kəla yā Kɔ́ɔ̄ɓē ndɔ̄w̄n ba ədan na: Go̰ rɔ̄ɔ̄, Kɔ́ɔ̄ɓē i naā tə́ seí.

NGÉ SARYA 6:12 Referans Kwoze

Najə̄ kə́ Majə yā Jeju ń Luk ndang ní 1:28

De kə́ dɔ rā̰ tə́ ní udə kújú gō ngōmandə ní tə́ ba rāān lápə́ya ədan na: Ī-rāā rɔ̄nel̄, ḭ̄ ń Nə́ɓā rāā kem majə seí ní, Kɔ́ɔ̄ɓē i naā tə́ seí.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

NGÉ SARYA 2:18

Dan ń Kɔ́ɔ̄ɓē a əla kə nge saryaá anī nəkɔ́ i seneé naā tə́ yā gāngəń dɔ ngán Israel gə̄ jī madə̄ ba̰ā̰də́ gə̄ tə́ kə ndɔ̄ gə̄ malang ń nge sarya ndiń kə kumneé ní. Tɔdɔ̄ kum Kɔ́ɔ̄ɓē o̰o̰n tām̄ yādə́ tə́ dan ń ngé rāā kumdə́ ndoō tə́ gə̄ a rāān̄də́ adə̄ a nōōn̄ ní.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

Najə̄ kə́ Majə yā Jeju ń Luk ndang ní 1:11

Anī de kə́ dɔ rā̰ tə́ yā Kɔ́ɔ̄ɓē ndɔ̄bə̄ Jakari. Ré deē ra loo róō ndujə̄ yá̰á̰ kə́ kotə majə tə́ anī, nge kəla ní ra i loo kə́ to rɔȳ tə́, dām̄ kə́ jī ko̰ tə́ kə njan kə́ dɔɔ́.

NGÉ SARYA 13:3

Nge kaw̄ kəla yā Kɔ́ɔ̄ɓē ndɔ̄bən ba ədan na: m̄-ber̄ kadə̄ ḭ̄ i dəyá̰ kə́ kujə, adə̄ ngōnīí gətóo. Ba ā ī-ndān̄ ngōn̄ ō, ā ójə ngōn̄ kə́ dəngam ō.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

RUTƏ 2:4

Gō tə́ anī Boj ḭḭ Betlehem reē ugə̄. Ni-əda ngé sāā kōō gə̄ na: Ādə̄ Kɔ́ɔ̄ɓē i naā tə́ sesí! Anī ngé sāā kōō gə̄ tél ədanən̄ na: Ādə̄ Kɔ́ɔ̄ɓē rāā majə seí!

NGÉ SARYA 6:11

Nge kaw̄ kəla yā Kɔ́ɔ̄ɓē reē ndi gír kāgə̄ sén yā Yoas tə́, kem ɓē kə́ Opəra tə́. Yoas i de kə́ gír kaa yā Abiejer tə́. Ngōnən Jedeo̰ ra i kem loo mbə́rē kan̄ kāgə̄ nduú tə́ n a ənań kōō gémē, kadə̄ de kə́ Madian gə̄ a̰a̰nən̄ aĺ ní.

NGÉ SARYA 6:13

Jedeo̰ tél ədan na: Kɔ́ɔ̄ḿ, ré Kɔ́ɔ̄ɓē i naā tə́ sejí anī yá̰a̰ malang kə́ tōr̄ gə̄ ń toō rāān̄jí i tām̄ rí tə́? Yá̰á̰ kə́ yáā gə̄ ń kaají gə̄ ədan̄jí dan ń a ənīnəńjí gotə teē kə́ Kɔ́ɔ̄ɓē teē sedə́ kɔ̄ɔ́ kem ɓē kə́ Ejiptə tə́ ní i rá? Kə́ rɔ̄kum tə́ tā anī Kɔ́ɔ̄ɓē əya̰jí kɔ̄ɔ́ tām̄ ni əlají kem jī Madian gə̄ tə́.

1 SAMUEL 10:7

Ré yá̰a̰ gə̄ ń noō rāān̄ yá̰a̰ malang anī, yá̰á̰ ń kadə̄ ī-rāā ní ī-rāā tɔdɔ̄ Nə́ɓā i naā tə́ seí.

NDŪ NAJƏ̄ 20:1

Ré āw̄ yā rɔ̄ɔ̄ madə̄ ba̰ā̰í gə̄, ba á̰á̰ sə́nda gə̄ ō, púsə rɔ̄ɔ̄ gə̄ ō, kósə de gə̄ kə́ kutədə́ i ngá̰ý tɔȳ yāí ō anī, ī-lōō ɓōĺ. Tɔdɔ̄ Kɔ́ɔ̄ɓē Nə́ɓā yāí ń teē seí kɔ̄ɔ́ kem ɓē kə́ Ejiptə tə́ ní i naā tə́ seí.

NGÉ SARYA 11:1

Jepte ń i go̰ rɔ̄ɔ̄ kógə̄ḿ kə́ Galaad ní, ngōn̄ dəyá̰ kógə̄ḿ kə́ nge rāā ájə́ba. Rī bɔbə̄ kojən na i Galaad.