NGÉ SARYA 6:10 - Bibəl ta Sar̄

¹⁰ N-ədasí kété na ni i Kɔ́ɔ̄ɓē Nə́ɓā yādə́ ba kə ī-lōōī ɓōĺ ɓesə̄ gə̄ yā Amor gə̄ ń ī-ndiī dɔ nang yādə́ tə́ ní. Banī sḭḭ̄ ōōī tan alé.

Bible sar

¹⁰ N-ədasí kété na ni i Kɔ́ɔ̄ɓē Nə́ɓā yādə́ ba kə ī-lōōī ɓōĺ ɓesə̄ gə̄ yā *Amor gə̄ ń ī-ndiī dɔ nang yādə́ tə́ ní. Banī sḭḭ̄ ōōī tan alé.

NGÉ SARYA 6:10 Referans Kwoze

JEREMI 10:2

Kɔ́ɔ̄ɓē ɔr̄ najə̄ i tītə̄ ń toō beé: Ī-lōōī ndájə̄ yá̰a̰ rāā nápar de gə̄ ō, ī-lōōī kadə̄ yá̰á̰ kə́ rāā yá̰a̰ no rā̰ tə́ əla ɓōĺ kemsí tə́ ō. Na i nápar de gə̄ n yá̰a̰ gə̄ ń noō a əla ɓōĺ kemdə́ tə́ ní.

JEREMI 9:13

ba rāān̄ dɔ ngan̄g kə̄ nodə́ tə́ ō, əhɔn̄ gō ɓesə̄ Baal gə̄ tītə̄ ń kaadə́ gə̄ ndóōn̄neédə́ ní ō.

JEREMI 43:7

mbātə́n̄ koō ndū Kɔ́ɔ̄ɓē ba aw̄n̄ Ejiptə tə́ adə̄ aw̄n̄ bátə́ ugə̄n̄ Tapanes.

JEREMI 43:4

Yohanan ngōn̄ Karea ō, ngol ngé rɔ̄ɔ̄ gə̄ ō, gír de gə̄ malang ō, oōn̄ ndū Kɔ́ɔ̄ɓē ń mērə̄ńdə́ ndi kem ɓē kə́ Juda tə́ ní alé.

JEREMI 42:21

M-ə́dásí yá̰á̰ ní kɔ̄ɔ́ ɓá, banī sḭḭ̄ ōoī ndū Kɔ́ɔ̄ɓē Nə́ɓā yāsí aĺ ō, ōōī najə̄ ń əndā taḿ tə́ kadə̄ m-ɔ̄r̄ sesí ní aĺ ō.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

NGÉ SARYA 2:2

sḭḭ̄ ā ə́hɔī madə̄ naā kə de gə̄ kə́ dɔ nang ń toō tə́ aĺ ō, ā ī-nujiī loo tun̄ yá̰a̰ yādə́ gə̄ kɔ̄ɔ́ ō. Banī sḭḭ̄ ōōī taḿ alé, ní i rī n rāāī noó?

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

Makətūbə̄ ń Pol ndang adə̄ Rom gə̄ ní 10:16

Ba ngé gə̄ ń ndigən̄ Najə̄ kə́ Majə ní i de gə̄ malang alé, tɔdɔ̄ Ijai əda na: Kɔ́ɔ̄ɓē i náā n taā kem najə̄ ń j-ɔjə ní?

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

Gōsə̄ najə̄ gə̄ 5:13

ké ōō najə̄ yā ngolií gə̄ aĺ i tām̄ rí tə́ wa, ké ī-nēl̄ mbīí ōoń najə̄ yā ngé ndóōí yá̰a̰ gə̄ aĺ i tām̄ rí tə́ wa,

2 MBAN̄G 17:33

A ɓōlə́n̄ Kɔ́ɔ̄ɓē dām̄ kə́rēý tə́ ō, a rāān̄ kəla adə̄n̄ ɓesə̄ yādə́ gə̄ dām̄ kə́ rang tə́ kə gō yá̰a̰ kāgə̄ ɓē yā nápar de gēé ō.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

NGÉ SARYA 6:9

n-gān̄g dɔsí jī de gə̄ kə́ Ejiptə tə́ ō, jī de gə̄ malang ń rāān̄ kumsí ndoō tə́ ní ō, n-tə̄ɓā madə̄ ba̰ā̰sí gə̄ nosí tə́ kɔ̄ɔ́ ba n-adə̄ńsí dɔ nang yādə́ ní ō.

2 MBAN̄G 17:7

Yá̰á̰ ń noō rāā yá̰a̰ i tɔdɔ̄ ngán Israel gə̄ rāān̄ yá̰á̰ kə́ majaĺ kə Kɔ́ɔ̄ɓē Nə́ɓā yādə́ ń taādə́ jī Parao̰ mban̄g kə́ Ejiptə tə́, ba teē sedə́ kɔ̄ɔ́ kem ɓē kə́ Ejiptə tə́ ní ō, i i tɔdɔ̄ nin̄ ɓōlə́n̄ ndíl nə́ɓā gə̄ ń i ɓesə̄ gə̄ ō ní.

Teē Ngán Israel gə̄ 34:12

Ī-lōōī əhɔ madə̄ naā kə de gə̄ ń ndin̄ dɔ nang ń ā āwī kə̄ tū tə́ ní tə́, tɔdɔ̄ madə̄ naā ní a tél gūmbə̄ kə́ a əhɔsí.

Teē Ngán Israel gə̄ 34:14

Ā ɔ́siī nosí nang tə́ no nə́ɓā kə́ rang tə́ alé, tɔdɔ̄ rīḿ mā Kɔ́ɔ̄ɓē na i Nge rāā jang. Mā i Nə́ɓā kə́ nge rāā jang.

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

NEHEMI 9:29

Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

JEREMI 17:23

Nin̄ oōn̄ najə̄ yāḿ alé ō, nēlə̄n̄ mbīdə́ alé ō. Ba rāān̄ dɔ ngan̄g adə̄ mbātə́n̄ koō yá̰a̰ gə̄ ń m-ɔ́jə́də́ ní ō, mbātə́n̄ kun dɔdə́ tə́ ō.