NGÉ SARYA 6:1 - Bibəl ta Sar̄

¹ Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Madian gə̄ tə́ ɓāl̄ sīrí.

Bible sar

¹ Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Madian gə̄ tə́ ɓāl̄ sīrí.

NGÉ SARYA 6:1 Referans Kwoze

NGÉ SARYA 2:11

Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

TA KƏLA 25:2

Ketura ojə Jimran ō, Yokəsan ō, Medan ō, Madian ō, Isəbak ō, Sua ō seneé.

HABAKUK 3:7

M-á̰a̰ de kə́ Kusan gə̄ loo rugə tə́ gíŕ yá̰á̰ kə́ to kum kaȳ aĺ tə́ kem kújə tandā yādə́ gə̄ tə́ ō, m-á̰a̰ de kə́ Madian gə̄ loo ndew ndew ɓōĺ tə́ gír dabə yādə́ gə̄ tə́ ō.

HEBƏRO 11:32

I najə̄ rí n kə m-ə́dá ɓáý? Kum mbang kə́ yā kadə̄ m-ɔ̄rəń gír najə̄ yā Jedeo̰ ō, Barak ō, Samso̰ ō, Jepte ō, Dabid ō, Samuel ō, ngé koō ta gə̄ ō, kə ta njaá gətóo.

TA KƏLA 37:28

Ngé rāā gātə̄ kə́ Madian gə̄ a mānə̄n̄ anī, ɔrə̄n̄ Jəjep bəloó, igən̄ seneé taānəń sə́lē kə́ rāā kə gində̄ arjā̰a̰á̰ kutə jōó jī ngán Ismael gə̄ tə́. Ngán Ismael gə̄ aw̄n̄ kə Jəjepé Ejiptə tə́.

NGÉ SARYA 6:13

Jedeo̰ tél ədan na: Kɔ́ɔ̄ḿ, ré Kɔ́ɔ̄ɓē i naā tə́ sejí anī yá̰a̰ malang kə́ tōr̄ gə̄ ń toō rāān̄jí i tām̄ rí tə́? Yá̰á̰ kə́ yáā gə̄ ń kaají gə̄ ədan̄jí dan ń a ənīnəńjí gotə teē kə́ Kɔ́ɔ̄ɓē teē sedə́ kɔ̄ɔ́ kem ɓē kə́ Ejiptə tə́ ní i rá? Kə́ rɔ̄kum tə́ tā anī Kɔ́ɔ̄ɓē əya̰jí kɔ̄ɔ́ tām̄ ni əlají kem jī Madian gə̄ tə́.

NGÉ SARYA 10:7

Loo ń noō tə́ wōn̄g rāā Kɔ́ɔ̄ɓē sedə́ adə̄ əladə́ kem jī Pilistin gə̄ tə́ ō, ngán Amon gə̄ tə́ ō.