NGÉ SARYA 5:7 - Bibəl ta Sar̄

⁷ Ngār gə̄ gətóon̄, ngār gə̄ kə́ dɔ nang kə́ Israel tə́ gətóon̄, bátə́ adə̄ mā Debora m-ḭ́ḭ dɔɔ́, m-ḭ́ḭ dɔɔ́ tītə̄ kó̰o̰ ngōn̄ yā Israel tə́.

Bible sar

⁷ Ngār gə̄ gətóon̄, ngār gə̄ kə́ dɔ nang kə́ Israel tə́ gətóon̄, bátə́ adə̄ mā Debora m-ḭ́ḭ dɔɔ́, m-ḭ́ḭ dɔɔ́ tītə̄ kó̰o̰ ngōn̄ yā Israel tə́.

NGÉ SARYA 5:7 Referans Kwoze

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

2 SAMUEL 20:19

Dɔ nang kə́ Israel tə́ ní yá̰á̰ kə́ reē kə lápə́yaá tɔȳ gotə yá̰a̰ gə̄ malang i ɓē yājí ō, yá̰á̰ kə́ kadə̄ deē ənī kemən adə̄n tɔȳ gotə yá̰a̰ gə̄ malang i ɓē yājí ō. Banī ḭ̄ ī-sāā nujə ɓē kə́ bo kə́ dan madə̄ gə̄ tə́ dɔ nang kə́ Israel tə́. Yá̰á̰ ń i yá̰a̰ yā Kɔ́ɔ̄ɓē ní ī-sāā nujəń i tām̄ rí tə́?

Makətūbə̄ ń Pol ndang adə̄ Rom gə̄ ní 16:13

Ī-rāāī Rupus lápə́ya ādə̄mī. Ni i de kə́ Kɔ́ɔ̄ɓē gə̄rān dan ngé kəla yān gə̄ tə́. Ī-rāāī kó̰o̰n ń rāā rɔ̄n i kó̰ó̰ḿ mā tə́ ō ní lápə́ya ādə̄mī.

ESTER 9:19

I tām̄ najə̄ ń noō tə́ n Jipə kə́ ngán ɓē kə́ ndágá gə̄ tə́ a rāān̄ ndɔ̄ kə́ nge ko̰ kutə gidə i sɔ́ yā nāā Adar i ndɔ̄ rɔ̄nel̄ tə́ ō, i ndɔ̄ rāā yá̰a̰ kəsa kə́ ngá̰ý tə́ ō, i ndɔ̄ rāān̄ nāā tə́ ō ní. I ndɔ̄ ngeé ń noō tə́ n nin̄ a əlan̄neé kə núsə́ yá̰a̰ gēé a adə̄n̄ naā ní.

NGÉ SARYA 5:6

Ɓāl̄ yā Samgar kə́ ngōn̄ Anat tə́ ō, ɓāl̄ yā Yael tə́ ō ní, njə̄rā mbā kə́ kə kósó gətóo ō, ngé kaw̄ mbā gə̄ əya̰n̄ róbə́ kə́ bo gə̄ kɔ̄ɔ́, ba unən̄ i kə̄lá róbə gə̄ ō,

NGÉ SARYA 5:8

Dan ń ngán Israel gə̄ gə̄rān̄ ɓesə̄ gə̄ anī rɔ̄ɔ̄ ḭḭ ō. Ba loo kənge der kógə̄ḿ, aké nənga kógə̄ḿ dan ngán Israel kə́ dūbú kutə sɔ́ gə̄ tə́ ní i yá̰á̰ kə́ ngan̄g.