NGÉ SARYA 4:7 - Bibəl ta Sar̄

⁷ M-ā m̄-sə̄lā Sisəra ngol áskar gə̄ yā Yabin kadə̄ aw̄ ənīī rɔ̄ɔ̄ ta man̄ Kison tə́ kə púsə rɔ̄ɔ̄ yān gēé ō, kə ɓūtə̄ áskar yān gēé ō, ba m-ā m-əlan kem jīí tə́.

Bible sar

⁷ M-ā m̄-sə̄lā Sisəra ngol áskar gə̄ yā Yabin kadə̄ aw̄ ənīī rɔ̄ɔ̄ ta man̄ Kison tə́ kə púsə rɔ̄ɔ̄ yān gēé ō, kə ɓūtə̄ áskar yān gēé ō, ba m-ā m-əlan kem jīí tə́.

NGÉ SARYA 4:7 Referans Kwoze

1 MBAN̄G GƏ̄ 18:40

Eli ədadə́ na: Əhɔī ngé koō ta yā Baal gə̄, ī-lōōī kəya̰ deē kógə̄ḿ dandə́ tə́ kadə̄ teē a̰ȳ! Anī əhɔn̄də́. Eli aw̄ sedə́ kem gúŕ ń man̄ Kison a nūgə́ tū tə́ ní tə́ ba əja kɔ́də́ loo ń noō tə́.

NGÉ SARYA 5:21

Man̄ Kison ń əla gír nūgə́ i jóó ngá̰ý ní, man̄ Kison ənda madə̄ ba̰ā̰ gə̄ aw̄ń kɔ̄ɔ́. Jə-njə̄rāī kə kem kanjə̄ ɓōĺ j-awī ta rɔ̄ɔ̄ tə́.

1 SAMUEL 24:18

ba əda Dabid na: Ḭ̄ i de kə́ súmūú tɔȳm̄ mā, tām̄ ī-rāā majə seḿ ba mā m̄-rāāī majaĺ.

1 SAMUEL 24:10

Gō tə́ anī ni-əda Saul na: I tām̄ rí tə́ á ōō najə̄ kɔr̄ de gə̄ ń a ədan̄ na Dabid na sāā kadə̄ yá̰á̰ kə́ to kum kaȳ aĺ əsō dɔí tə́ ní?

NGÉ SARYA 4:14

Anī Debora əda Barak na: Ḭ́ḭ dɔɔ́ tɔdɔ̄ Kɔ́ɔ̄ɓē a əla Sisəra kem jīí tə́ i kem ndɔ̄ ɓōólaā tə́. Kɔ́ɔ̄ɓē nəkɔ́ i kété noí tə́. Barak risə kɔ̄ɔ́ dɔ mbal̄ Tabor tə́ kə deē yān gə̄ kə́ dūbú kutuú. Nəkɔ́ i kété nodə́ tə́.

JOJUE 10:8

Kɔ́ɔ̄ɓē əda Jojue na: Ī-lōō ɓōĺdə́, tām̄ m-ə́ládə́ kem jīí tə́ kɔ̄ɔ́ ɓá. De kə́ yā dumī dandə́ tə́ nuū gətóo.

JOJUE 8:7

Loo ń nuū tə́ sḭḭ̄ ī-teē údiī kem ɓēé ba ī-taāī ɓē, tɔdɔ̄ Kɔ́ɔ̄ɓē Nə́ɓā yāsí a əla ɓē ní jīsí tə́

Teē Ngán Israel gə̄ 21:13

Ba ré deē ń tɔ̄l̄ deē ní núm̄ tɔ̄lən kemən tə́ kété alé, ba i Nə́ɓā n əla nge yo ní jīn tə́ anī, m-ā m-ɔ́jə́sí loo ń kadə̄ a̰ȳ aw̄ tū tə́ ní.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

JOJUE 11:20

Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

JOJUE 11:6

Kɔ́ɔ̄ɓē əda Jojue na: Ī-lōō ɓōĺ, tɔdɔ̄ bírí kə kum mbang ń toō, m-ā m̄-tetədə́ rɔ̄ɔ̄ rá tá m-ā m-ə́la nīńdə́ jī Israel gə̄ tə́ ɓáý. Ā ī-gán̄g ngəra nja sə́nda yādə́ gə̄ ō, ā ə́la hor dɔ rúsə́ sə́nda yādə́ gə̄ tə́ ō.

NGÉ SARYA 4:8

Barak ədan na: Ré āw̄ seḿ anī m-ā m-āw̄, ba ré āw̄ seḿ aĺ anī, m-ā m-āw̄ alé.

Teē Ngán Israel gə̄ 14:8

Kɔ́ɔ̄ɓē rāā adə̄ Parao̰ mban̄g kə́ Ejiptə rāā dɔ ngan̄g ba ngɔ̄də̄ gō ngán Israel gə̄ ń teēn̄ kem ɓē kə́ Ejiptə tə́ kɔ̄ɔ́ tītə̄ kə́ nin̄ i kɔ́ɔ̄ rɔ̄də́ gə̄ ní.

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.