NGÉ SARYA 4:11 - Bibəl ta Sar̄

¹¹ Heber ń i Keni ní ndi i kadə ɓē kə́ Kedes tə́ ngɔr. Ni-ɔr̄ rɔ̄n kɔ̄ɔ́ rɔ̄ Keni madə̄n gə̄ ń i ngán Hobab sájə Moijə ní tə́ ba aw̄ udə kújə tandā yān kadə kāgə̄ sén kə́ Sananim tə́.

Bible sar

¹¹ Heber ń i Keni ní ndi i kadə ɓē kə́ Kedes tə́ ngɔr. Ni-ɔr̄ rɔ̄n kɔ̄ɔ́ rɔ̄ Keni madə̄n gə̄ ń i ngán Hobab sájə Moijə ní tə́ ba aw̄ udə kújə tandā yān kadə kāgə̄ sén kə́ Sananim tə́.

NGÉ SARYA 4:11 Referans Kwoze

NGÉ SARYA 1:16

Keni gə̄ ń i ngán um Moijə kə́ dəngam ní, ḭḭn̄ ɓē kə́ kāgə̄ túmbur gə̄ i tū tə́ ba aw̄n̄ naā tə́ kə ngán Juda gə̄ kem dəla loo yā Juda ń deē ra Arad anī i kə̄ dām̄ mbɔ́r ɓē kə́ geleé tə́ ní. Nin̄ aw̄ ndin̄ tū tə́ kə ngán Juda gə̄.

JOJUE 19:33

Dɔ nin̄ loo yādə́ kə́ dām̄ mbɔ́r ɓē kə́ geleé tə́ əla gír i Helep ō, Eton ō, teēń Sananim ō, Adami Nekeb ō, Yabəneel ō, bátə́ Lakum, ta tɔ̄l̄ tan i bā Jurdḛ tə́

TƏ́DA 10:29

Moijə əda Hobab ngōn̄ umən kə́ dəngam kə́ Madian ń rīn na i Rewel ní na: J-a j-aw̄ i kə̄ ɓē ń Kɔ́ɔ̄ɓē ənī míndən dɔ tə́ yā kadə̄jí ní tə́. Ī-reē āw̄ sejí na j-a jə-rāā majə seí, tɔdɔ̄ Kɔ́ɔ̄ɓē ənī míndən yā rāā majə kə Israel.

JOJUE 19:37

Kedes ō, Edrey ō, En Hasor ō,

Teē Ngán Israel gə̄ 3:1

Moijə a ul̄ i batə̄ gə̄ kə bə̄yā̰ gə̄ yā umən Jetəro nge tun̄ yá̰á̰ kə́ Madian. Ndɔ̄ kə́rēý tə́ anī ni ənda dan dəla loo mān̄ kə yá̰a̰ kul̄ gēé, aw̄ ugə̄ kadə mbal̄ Horeb ń i mbal̄ yā Nə́ɓā ní tə́.

NGÉ SARYA 4:6

Ndɔ̄ kə́rēý tə́ anī Debora əla gō Barak ngōn̄ Abinoam tə́ kem ɓē kə́ Kedes tə́, dɔ nang yā Nepətali tə́, ba ədan na: Yá̰á̰ ń Kɔ́ɔ̄ɓē Nə́ɓā yā Israel gə̄ əndā dɔí tə́ kadə̄ ī-rāā ní n toó: Āw̄ ɔ́y de gə̄ dūbú kutə dan ngán Nepətali gə̄ tə́ ō, Jabulo̰ gə̄ tə́ ō, ba āw̄ sedə́ dɔ mbal̄ Tabor tə́.

TƏ́DA 24:21

Balam a̰a̰ Keni gə̄ ba əda na: Kújə yāsí gə̄ i kújə́ kə́ ngan̄g gə̄ ō, ɓē yāsí i tītə̄ ɓē yel̄ kə́ ndi i dɔ mbalá ō.

Teē Ngán Israel gə̄ 18:1

Jetəro ń i nge tun̄ yá̰á̰ kə́ Madian ō, i um Moijə ō ní, oō kōō yá̰a̰ gə̄ ń Kɔ́ɔ̄ɓē Nə́ɓā rāā tām̄ yā Moijə tə́ ō, tām̄ yā ngán Israel gə̄ ń i gír deē yān gə̄ tə́ ní ō malang. Ni-oō kōō teē ń Kɔ́ɔ̄ɓē teē sedə́ kem ɓē kə́ Ejiptə tə́ kɔ̄ɔ́ ní,

Teē Ngán Israel gə̄ 2:18

Ngáń kə́ dəyá̰ gə̄ ní tél aw̄n̄ rɔ̄ bɔbə̄də́ tə́ gogə́, anī bɔbə̄də́ dəjedə́ na ké i ba̰ý áké tél reēn̄ ɓēé ɓōólaā ɓatə beé wa.

NGÉ SARYA 4:12

Sisəra oō kadə̄ Barak ngōn̄ Abinoam al̄ dɔ mbal̄ Tabor tə́.

1 SAMUEL 15:6

Ni-əda Keni gə̄ na: Ī-teēī kɔ̄ɔ́ dan Amalek gə̄ tə́ na sōgə́ jīsí a ɓoo naā, tɔdɔ̄ sḭḭ̄ ī-rāāī kem majə kə ngán Israel gēé dan ń teēnneé kɔ̄ɔ́ kem ɓē kə́ Ejiptə tə́ ní. Adə̄ Keni gə̄ ɔrə̄n̄ rɔ̄də́ kɔ̄ɔ́ dan Amalek gə̄ tə́.

1 SAMUEL 27:10

Ba ré Akis dəjen na ké ɓōólaā ké rɔ̄ɔ̄n̄ i de kə́ rá gə̄ wa anī, ni a tūr̄ a əda Akis na n-rɔ̄ɔ̄n̄ na i de gə̄ ń ndin̄ gō nang kə́ Negeb kə́ Juda tə́ ní, aláa de gə̄ ń ndin̄ gō nang kə́ Negeb yā Yerameel gə̄ tə́ ní, aláa de gə̄ ń ndin̄ gō nang kə́ Negeb yā Keni gə̄ tə́ ní.

TƏ́DA 10:32

Ré āw̄ sejí anī yá̰á̰ kə́ majə gə̄ ń Kɔ́ɔ̄ɓē a adə̄jí ní, j-a j-ādə̄ ā ə́nge sejí ō.