NGÉ SARYA 3:8 - Bibəl ta Sar̄

⁸ Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.

Bible sar

⁸ Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.

NGÉ SARYA 3:8 Referans Kwoze

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

HABAKUK 3:7

M-á̰a̰ de kə́ Kusan gə̄ loo rugə tə́ gíŕ yá̰á̰ kə́ to kum kaȳ aĺ tə́ kem kújə tandā yādə́ gə̄ tə́ ō, m-á̰a̰ de kə́ Madian gə̄ loo ndew ndew ɓōĺ tə́ gír dabə yādə́ gə̄ tə́ ō.

NGÉ SARYA 4:9

Anī Debora ədan na: Ɓáa m-ā m-āw̄ seí, ba rɔ̄ɔ̄ ń ā āw̄ kə̄ ta tə́ toō ā ə́nge kɔsə gɔn tū tə́ alé, tɔdɔ̄ Kɔ́ɔ̄ɓē a əla Sisəra i jī de kə́ dəyá̰ tə́. Loo ń noō tə́ Debora aw̄ kə Barak kem ɓē kə́ Kedes tə́.

Makətūbə̄ ń Pol ndang adə̄ Rom gə̄ ní 7:14

Jə-ger̄ majə kadə̄ ndū najə̄ i yá̰á̰ yā Ndíĺ. Ba mā i de kə́ kə dā̰ rɔ̄ḿ ō, mā i ɓəlo yā majaĺ ō.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

PĀ GƏ̄ 85:3

Yá̰á̰ kə́ gōtə́ aĺ ń gír deē yāí gə̄ rāān̄ ní, ḭ̄ ún dɔdə́ tə́ kɔ̄ɔ́. Yá̰á̰ kə́ majaĺ gə̄ malang ń nin̄ rāān̄ ní, ḭ̄ ī-mā̰ȳ rɔ̄í dɔ tə́.

PĀ GƏ̄ 6:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kənde kə́ kəlān i sɔ́sɔ́. I pā yā Dabid.

1 SAMUEL 12:9

Ba dɔ kaasí gə̄ ndígə̄nal Kɔ́ɔ̄ɓē Nə́ɓā yādə́ kɔ̄ɔ́. Adə̄ Kɔ́ɔ̄ɓē əya̰ Sisəra ń i ngol ngé rɔ̄ɔ̄ gə̄ kə́ Hasor ní ō, Pilistin gə̄ ō, mban̄g kə́ Moab ō, adə̄ rɔ̄ɔ̄n̄ kaasí gə̄ tetən̄də́.

NGÉ SARYA 2:20

Wōn̄g rāā Kɔ́ɔ̄ɓē kə ngán Israel gēé adə̄ əda na: Nápar de gə̄ ń toō mānə̄n̄ dɔ ndū najə̄ gə̄ ń m̄-rāań madə̄ naā sedə́ á m-ə́da kaadə́ gə̄ kadə̄ ngɔ̄mə̄n̄ ní. Nin̄ oōn̄ taḿ alé.

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

Teē Ngán Israel gə̄ 22:24

Ré ādī ngōn̄ nge ɓē madə̄sí kə́ nge ndoō nar loo tə̄nā tə́ anī, ī-lōōī rāā yá̰a̰ tītə̄ ngé kadə̄ de gə̄ yá̰a̰ kūl̄ tə́ gə̄ ō, ī-lōōī dəjen manə̄n dɔ tə́ ō.

NGÉ SARYA 3:7

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ Baal gə̄ ō, Asera gə̄ ō.

NGÉ SARYA 3:9

Nin̄ nōōn̄ kə̄ dɔ Kɔ́ɔ̄ɓē tə́ kadə̄ dḭḭ̄də́, anī Kɔ́ɔ̄ɓē əla kə nge kajədə́ kógə̄ḿ adə̄ ajədə́. I Otəniel ngōn̄ Kenas ń gidə Kaleb ní.

NGÉ SARYA 3:10

Ndíĺ Kɔ́ɔ̄ɓē reē dɔ Otəniel adə̄ no o̰o̰ ɓē dɔ ngán Israel gə̄ tə́. Ni-aw̄ rɔ̄ɔ̄ tə́ anī Kɔ́ɔ̄ɓē əla Kusan Risataim mban̄g kə́ Mesopotami kem jīn tə́ adə̄ tetən rɔ̄ɔ̄.

PĀ GƏ̄ 44:12

Ḭ̄ ə́lájí kem jīdə́ tə́ tītə̄ batə̄ gə̄ kə́ aw̄n̄ sedə́ kə̄ loo tɔ̄l̄də́ tə́ beē. Ḭ̄ ī-tə̄ndā ī-tḭ̄jí kə̄ dan nápar de gə̄ tə́.

PĀ GƏ̄ 129:1

Pā kə́ yā kaw̄ń kə̄ loo kə́ táĺ tə́. Madə̄ ba̰ā̰ḿ gə̄ rāān̄ kumḿ ndoō tə́ nja i ngá̰ý, əlan̄ gír rāā kumḿ ndoō tə́ i dan ń dɔḿ dūúnń ɓáý ní. Ādə̄ Israel gə̄ malang ədan̄ ɓáý!

TA KƏLA 24:10

Nge kəla ní əhɔ jámbal kutə kógə̄ḿ dan jámbal yā kɔ́ɔ̄n Abəraham gə̄ tə́ ō, gə̄rā yá̰á̰ kə́ majə majə gə̄ dan yá̰a̰ kənge yā kɔ́ɔ̄n gə̄ tə́ malang ō, ba əsō róbó aw̄ kə̄ dɔ nang kə́ Mesopotami tə́, ɓē Nahor.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

PĀ GƏ̄ 106:41

əladə́ kem jī nápar de kə́ rang gə̄ tə́, adə̄ madə̄ kɔ̄l̄də́ gə̄ o̰o̰n̄ ɓē dɔdə́ tə́.